Ia Sauniuni mo le Tauiviga o Tusiga o Le Olomatamata

A o faatalitalia se tauiviga mataʻina o tusiga o Le Olomatamata ia Aperila ma Me, ua sauniunia e le Sosaiete ni lomiga e faapitoa ona naunau i ai o Le Olomatamata faa-Peretania ma le Awake! O le a folasia i mataupu e faatomua le matalasi o manatu o loo faatumutumu i mafaufau o tagata i so o se mea.

O le a talanoaina i Le Olomatamata faa-Peretania mataupu o loo mulimuli mai: “Pe Tuai na i lo Lou Mafaufau?” (Aperila 1), “O Afea e Oo Moni mai ai le Filemu?” (Aperila 15), “Faafetaiaia Solitulafono i se Lalolagi Fenuminumiai” (Me 1), ma le “Faamuamua le Atua i Lou Olaga Faaleaiga!” (Me 15). O le a feagai lomiga o le Awake! ma mataupu ia: “Pe a Nonofo Tagata ma Manu i le Filemu” (Aperila 8), “Fesoasoani mo Fanau ua Tetea Mātua” (Aperila 22), “Faiga o Lūlū—O Ai e Manumalo! O Ai e Faiaina?” (Me 8), ma le “Televise—Le Pusa ua Suia le Lalolagi” (Me 22). I Le Olomatamata faa-Samoa, o le a faatomuaina ai mataupu: “O Lē Fea Atua e Ao ona E Tapuaia?” (Aperila 1), “Petelema ma le Kerisimasi.” (Aperila 15), “Se Olioli Faalekelope.” (Me 1), “E Faapea ona Mafai e le Agaga o le Atua ona Faaaafia Oe.“ (Me 15).

E ao i tagata talaʻi uma lava, ae maise o paeonia, ona manatu i o latou manaoga taitoatasi mo gaoioiga faateleina i le ofoina lea o tusiga ma le tufatufaina o mekasini taitasi. Ia mautinoa ua talosaga se aofaiga tele o mekasini a o lava le taimi ina ia tofu maua ai se sapalai mai le amataga o le tauiviga o Le Olomatamata.