Sauniga o le Auaunaga mo Ianuari

Vaiaso e Amata ia Tesema 30

Pese 111 (206)

8 minu: Faasilasilaga masani ma Faasilasilaga talafeagai mai La Tatou Faiva o le Malo.

22 minu: “Ia Iloa e Tagata Uma ua Latalata le Saogalemu i le Lalolagi Aoao.” A maeʻa ni faamatalaga pupuu e faatomua ai, ia iloilo faafesootaiga taitasi ma faataʻitaʻi lona faaaogāina e ni tagata talaʻi lava saunia pe a lava le taimi. Afai e fetaui, e lelei ona faataʻitaʻi e se talavou le Faafesootaiga Nu. 2 e faaaogā ai le tusi Manuia Moni ma Le Saogalemu. Ua faatagaina e le Faafesootaiga Nu. 3 le tagata talaʻi e tau lava ina tuua o se manatu tāua faale-Tusi Paia i le mafaufau o lē ona le fale. Faalaeiau mafana uso e faaaogā se tasi o faatomuaga ua fautuaina i le itulau 4 ma se tasi o ia faafesootaiga.

15 minu: “Ia Faamuamua le Atua i Lou Olaga Faaleaiga!” Lauga a se toeaina i le mataupu mai Le Olomatamata o Setema 15, 1991, itulau 4-7.

Pese 15 (35) ma le tatalo faaiʻu.

Vaiaso e Amata ia Ianuari 6

Pese 4 (6)

5 minu: Faasilasilaga masani.

10 minu: “Se Manatu Aogā i Sauniuniga mo le Auaunaga i le Fanua.” Talanoaina le mataupu ma le aofia, ona valaaulia lea o ni tagata talaʻi se toʻatolu pe toʻafā sa muai tofia e faia ni faamatalaga patino i auala ua mafai ai ona aogā lenei manatu ia i latou. Mo se faaaʻoaʻoga, e mafai ona latou taʻua le matalasi o taulimaga, auala e mafai ona faatatau ai mataupu i le oganuu, fetuutuunaiga, pe ua faatagaina e lenei manatu tagata talaʻi e filifilia mataupu latou te lagona le toʻa e taulimaina. Faalaeiau tagata talaʻi e ō mai ma aumai a latou kopi o La Tatou Faiva o le Malo i faatasiga mo le auaunaga i le fanua.

18 minu: “Faatomuaga ina ia Faalogo mai ai Tagata o Aiga.” Iloilo puupuu le tulaga o le oganuu a le faapotopotoga. O ā mataupu e tāua i tagata o aiga? Taulai atu i faatomuaga ma taulimaga atonu e sili ona taulau i le oganuu. Ia faataʻitaʻi e se tagata talaʻi lava saunia lenei taulimaga ma le ofo o le tusi Manuia Moni ma Le Saogalemu. E ao i le tagata talaʻi ona faia le taulimaga e pei ona faaauivi atu i le mataupu. Ona faataʻitaʻi lea e se talavou o loo iai i tausaga aʻoga le taulimaga lava lea e tasi ma faaiʻu i le ofoina o mekasini i se tagata naunau. Faalaeiau tagata uma e faataʻitaʻi lenei auala i le auaunaga i le fanua.

12 minu: Se Pepa Faafomaʻi ua Toe Saunia Lelei. Ia tufaina atu e le failautusi, le Taʻiala Faafomaʻi Auiluma [Advance Medical Directive] ua toe saunia lelei, i sui papatiso o le faapotopotoga ma iloilo maeʻaeʻa le tusi o Oketopa 15, 1991, e uiga i le pepa faafomaʻi mo tagata talaʻi ua papatisoina ma le Pepa Faailoa [Identity Card] mo fanau laiti e leʻi papatisoina a (se) mātua Molimau. I sauniuniga, ia autalu le tusi o Ianuari 1, 1990, mo ni manatu talafeagai e fetaui i manaoga o le faapotopotoga. Ia faamamafa faapea o le toalua lea e saini e avea ma molimau, e ao ona vāʻai a o sainia le pepa ona saini ai foi lea ma i laua. Ia fefulisai ma le aofia i le pogai e ao ai ona mulimuli ma le faaeteete i faatonuga ina ia sili atu ai ona uigā le pepa mo lo tatou puipuiga.

Pese 58 (130) ma le tatalo faaiʻu.

Vaiaso e Amata ia Ianuari 13

Pese 75 (124)

10 minu: Faasilasilaga masani ma Tala Faatiokarate. Faaaofia ai le tala o le tupe ma le talialoaia o foai.

15 minu: Pe o le Auaunaga Paeonia ea e mo Aʻu? I le oganuu a le Lala i Samoa i Sisifo e tusa o le 8 pasene o tagata talaʻi uma, o ni paeonia sauatoa. Faailoa atu numera a le faapotopotoga mo se faatusatusaga. Pe mafai ea e le toatele o i tatou, e aofia ai tagata talavou ua toeitiiti uma aʻoga, ona faaavanoa mo le auaunaga faataimi atoa? Ia faatalanoa ni paeonia sauatoa se toatolu, e sili atu ai se tagata talavou, se avā tausi aiga, ma se tagata ua litaea. (Afai e leai ni paeonia sauatoa, e mafai ona faaaogā paeonia lagolago po o tagata talaʻi o ē na paeonia.) Talanoa i tulaga tau tupe. O ā ituaiga o galuega faavaitaimi o loo maua i lou nofoaga? O faapefea i tagata taitoatasi ona ausia mea manaomia? O ā suiga i uiga e faaalu ai tupe ua latou faia? Talanoaina se faasologa ina ia ausia ai itula ua manaomia. Pe o iai nisi o maua i ni faafitauli tau soifua malōlōina? Ua faapefea ona latou faafetaiaia? O ā isi luʻi ua latou faafetaiaia ma le manuia? E ao i faatalanoaga ona mautinoa ma faalaeiauina ai. Ia faailoa ma le mafana i le aofia e iloiloina o latou tulaga totino e faamautinoa ai pe mafai e nisi e toatele ona auai i le auaunaga faataimi atoa.

20 minu: Le Auala e Fesoasoani ai Mātua Nofofua i a Latou Fanau. Faia se faatomuaga puupuu ona sosoo lea ma se faataʻitaʻiga o se tinā faatasi ma lana fanau e toalua o loo sauniuni mo le auaunaga i le fanua. Ua sili atu ona toatele aiga o mātua nofofua i le faalapotopotoga i aso nei na i lo muamua. O le auala na totōina ai e le tinā o Timoteo ma le tinā o lona tinā le upu moni ia te ia ua saunia ai se faaaʻoaʻoga lelei mo mātua uma lava e mulimuli ai. (2 Timo. 1:5; 3:14, 15) Faataʻitaʻiga: O loo nonofo le tinā, le tamateine talavou, ma le tamateine laitiiti i le laulau o loo i le umukuka, ua maeʻa le ʻaiga o le po. Fai atu le tinā, a o leʻi fufulua ipu, seʻi o latou talanoa muamua i a latou taulimaga mo le auaunaga i le fanua ma o le a avea o ia ma tagata o le aiga. Faaaogā e le tamateine laitiiti se faatomuaga mai le itulau 4 o La Tatou Faiva o le Malo ma fai agaʻi i lona tinā. Faamālō ma le mafana le tinā i lana tamateine laitiiti mo le taulimaga lelei ma fai atu ia te ia e faitau mai le mau ua fautuaina e le Sosaiete. Vave ona sue e le tamateine laitiiti le Isaia 9:6, 7 ma faitau. Ona fesili lea o le tinā i le tamateine matua pe faapefea ona ia ofoina le tusi. Filifili e le tamateine se faafesootaiga mai le itulau 1 o La Tatou Faiva o le Malo ma fai agaʻi i lona tinā. Faamālō le tinā ia te ia ma faalaeiauina teine uma e toalua e faaaʻoaʻo le faatomuaga ma le faafesootaiga ina ia ofo ai le tusi i le auaunaga i le fanua. Ona faatonu lea o teine e fai a la faaaʻoaʻoga mo sina taimi ona ō ai lea e fufulu ipu. Faaiʻu e le toeaina le vaega i le faalaeiauina o aiga uma i le faapotopotoga e saunia se fesoasoani alofa mo a latou fanau.

Pese 73 (157) ma le tatalo faaiʻu.

Vaiaso e Amata ia Ianuari 20

Pese 92 (172)

15 minu: Ia taulima e se toeaina faasilasilaga masani ma iloilo manaoga o le faapotopotoga. A lava le taimi, ia talanoaina ni manatu eseese e talanoa i ai mai mekasini fou. Filifili ni manatu o le a fesootai lelei ma se tasi o faatomuga ma faafesootaiga ua fautuaina i lenei lomiga o La Tatou Faiva o le Malo. Ona faia lea e se tagata talaʻi lava saunia o se taulimaga atoa e faaaogā ai le faatomuaga ma le faafesootaiga, ma ofo ai mekasini i se tagata naunau. Ia faailoa atu faapea e ala i le faaauai o tagata i le talanoaga ma le faaaogāina o taulimaga ua fautuaina, o le a lē faigata ai ona mataulia tagata e naunau.

18 minu: “Talia le Avega Tauave o le Faia o Toe Asiga.” Fesili ma tali. Faalaeiau ma le mafana tagata uma ina ia auai atoatoa i le faia o toe asiga. Faalaeiau tagata uma e ō mai i le vaiaso e sosoo ai, lea o le a talanoaina ai i le Sauniga o le Auaunaga mea e tautalagia i toe asiga.

12 minu: Talanoaga o le “Faapaʻūtama” mai le tusi Reasoning, itulau 25-26. A maeʻa se faatomuaga puupuu i le mataupu, e faaalia ai le auala o loo iai i tala o aso nei ma le matuā faapopoleina ai o le faitau miliona o tagata, ia faailoa atu le faatulagaga o se tuafafine o loo faia se suesuega faale-Tusi Paia. Taʻu atu e le tagata aʻoga fou o le Tusi Paia i le tuafafine e uiga i lona popolega e uiga i lona maʻi tō. Ua ia faamatalaina lona popole tele, ona e lē lelei le tulaga tau tupe o lona aiga. O loo uunaia o ia e ona tauaiga faalelalolagi e faia loa lava le faapaʻūtama. Fautuaina e le tuafafine la te sue i le tusi Reasoning ma sailiili le Tusi Paia ina ia vaai po o le ā le silafaga a Ieova i le ola o se tamaitiiti e leʻi fanau mai ma pe manatu o ia i le faapaʻūtama o se tulaga talafeagai. La te iloiloina muamua le uiga o le faapaʻūtama. Ona la talanoaina lea o fesili, o mau, ma isi faamatalaga i itulau e 25-26. E ao i le tuafafine ona fesoasoani i le tagata aʻoga e fefulifulisai, ma ia talisapaia le paia o le ola.

Pese 81 (165) ma le tatalo faaiʻu.

Vaiaso e Amata ia Ianuari 27

Pese 51 (92)

10 minu: Faasilasilaga masani. Faalaeiau tagata talaʻi e fuafua nei ina ia paeonia lagolago ia Mati ma Aperila. Faalaeiau aiga, atoa ma tagata talaʻi talavou o ē o le a ave aso malōlō ia Mati po o Aperila, e vaai po o ā faatatauga e mafai ona latou faia ina ia matuā faateleina ai se sao i le galuega o le auaunaga i le fanua.

20 minu: “O le ā Sau Tala pe a E Toe Foi Atu?” Talanoa ma le aofia ma ia sauniuni ni tagata talaʻi e faataʻitaʻia faufautuaga o loo i palakalafa a o iloiloina. E ao ona faaaʻoaʻo muamua ia faataʻitaʻiga pupuu a o mamao le taimi.

15 minu: “Nonōina o Tupe i se Uso Kerisiano.” Lauga a se toeaina i le mataupu mai Le Olomatamata faa-Peretania o Oketopa 15, 1991, itulau 25-28.

Pese 80 (146) ma le tatalo faaiʻu.