Sauniga o le Auaunaga mo Fepuari

Vaiaso e Amata ia Fepuari 3

Pese 32 (63)

10 minu: Faasilasilaga masani ma Faasilasilaga e filifilia mai La Tatou Faiva o le Malo. Faia ni taulimaga o mekasini e faavae i lomiga o loo iai. Faalaeiau le molimau atu i vaega i le faaiʻuga o le vaiaso.

20 minu: “Sauniuni Au Taulimaga mo Fepuari.” (10 minu.) Fesili ma tali. (8 minu.) Ia saunia lelei ni faataʻitaʻiga se lua pe tolu o taulimaga ua fautuaina e sili ona talafeagai ma le oganuu a le faapotopotoga. (2 minu.) Faalaeiau tagata uma e aʻoaʻo ma faaaogā se taulimaga e tasi pe sili atu foi ua fautuaina.

15 minu: “Atamu ma Eva,” tusi Reasoning, itulau 27-29. (5 minu.) Ia tomua i se lauga e faavae i le mataupu o loo i lalo o le tamai ulutala “Pe o Atamu ea ma Eva e na o ni tagata mai tala faafagogo?” (6 minu.) Faataʻitaʻiga o se toe asiga e faia i se tagata o lē na tuu ai e se tagata talaʻi le fesili “Pe o le agasala ea a Atamu, o le finagalo lea o le Atua, po o lana fuafuaga?” (4 minu.) Faalaeiau le faaaogāina o mataupu o loo i le vaega o le tusi Reasoning “Afai e Fai mai se Tasi—” o ni ulutala e talanoa i ai i toe asiga. Otooto mai nisi faaaʻoaʻoga faaopoopo.

Pese 78 (144) ma le tatalo faaiʻu.

Vaiaso e Amata ia Fepuari 10

Pese 117 (215)

10 minu: Faasilasilaga masani, e aofia ai faatatauga o le auaunaga mo le faaiʻuga o le vaiaso. Ia faalaeiau se taumafaiga faaopoopo ina ia faia toe asiga i lenei vaiaso, atoa ma lenei masina. O le a faamatalaina ma faataʻitaʻia i lenei Sauniga o le Auaunaga ni taulimaga aogā se fa mo le faaaogāina i le toe asia o tagata naunau. Ia filifili se taulimaga e tasi pe sili atu e faaaogā i lenei vaiaso.

20 minu: “Amataina o le Talanoaga pe a E Toe Asiasi Atu.” (3 minu.) Ia tomua i se lauga e ufitia ai palakalafa 1 ma le 2. (15 minu.) Faia ni faataʻitaʻiga lava saunia o taulimaga taitasi e tolu o loo i palakalafa 3-5. A lava le taimi, e mafai ona faia ni faamatalaga i le aogā o taulimaga, pe a uma taulimaga taitasi. (2 minu.) I le taulaʻi atu i manatu o loo i le palakalafa 6, ia faalaeiau tagata uma e sauniuni ma faaaogā, a itiiti mai o se tasi o taulimaga ua fautuaina mo le amataina o talanoaga ma i latou o ē na faaalia le naunau.

15 minu: “Pe Mafai Ea ona E Paeonia Lagolago?” Talanoaga a se toeaina ma nisi o tagata talaʻi o ē na paeonia lagolago i le taimi ua mavae ma o ē ua fuafua e toe auai ia Mati ma Aperila. Ina ia ufitia manatu o loo i le mataupu, ia faamatala mai e tagata talaʻi le pogai ua latou mananao ai e paeonia lagolago. Latou te faamatalaina ni faamanuiaga ua tofo i ai ma faamatala mai ni fetuutuunaiga sa tatau ona latou faia ina ia ausia ai itula manaomia. Ia faamamafa i le talanoaga le olioli o le paeonia lagolago ma faalaeiau tagata uma e manatunatu i lenei faaeaga o le auaunaga pe afai e faatagaina e o latou aiaiga totino.

Pese 61 (114) ma le tatalo faaiʻu.

Vaiaso e Amata ia Fepuari 17

Pese 51 (92)

10 minu: Faasilasilaga masani, tala o le tupe, ma le talialoaia a le Sosaiete o foai. Faamālō i uso mo la latou lagolagosua tau tupe i manaoga o le Malo. Faalaeiau tagata talaʻi e auai i le auaunaga i le fanua i le faaiʻuga o lenei vaiaso.

20 minu: “Ia Mautinoa e Toe Asiasi Atu.” Fesili ma tali ma faataʻitaʻiga. A maeʻa ona iloiloina le palakalafa 5, ia faataʻitaʻi se toe asiga i se tagata o lē na tuu ai se sāvali. Tataʻi le talanoaga i se suesuega faale-Tusi Paia i le tusi Ola e Faavavau. A maeʻa ona iloiloina le palakalafa 6, ia faataʻitaʻi se toe asiga i se tagata o lē na teena muamua lomiga. Mulimuli ane i le faataʻitaʻiga, ia fesili i le tagata talaʻi pe aiseā na ia filifili ai e toe asiasi atu i lenei tagata o lē sa lē taliaina lomiga i le uluai asiasiga.

15 minu: Autalu le Pusa Fesili o loo i le itulau e 2 o La Tatou Faiva o le Malo o Tesema 1991. Ia taulimaina e se toeaina. Faamamafa le pogai e ao ai ona manatu mamafa i a tatou amio i le papatisoga ma le auala e atagia atu ai ia Ieova ma le feau o le Malo.

Pese 68 (133) ma le tatalo faaiʻu.

Vaiaso e Amata ia Fepuari 24

Pese 108 (200)

10 minu: Faasilasilaga masani, e aofia ai faatatauga o le auaunaga i le fanua mo le vaiaso, ma Tala Faatiokarate.

20 minu: “Faaalia le Lagolagosua mo Paeonia.” Fesili ma tali ma faatalanoaga. Faamamafa faamanuiaga e maua e le faapotopotoga atoa pe afai e avatu i paeonia le lagolagosua o loo manaomia. Faatalanoa ni paeonia, e faamatilatila ai pe sa faapefea ona latou maua le fesoasoani i la latou faiva faapaeonia mai toeaina ma isi i le faapotopotoga.

15 minu: Manaoga o le faapotopotoga, po o se lauga e faavae i le mataupu “Pe E te Mulimuli i Faatonuga?” o loo i Le Olomatamata o Ianuari 15, 1992, itulau 31, 32.

Pese 10 (32) ma le tatalo faaiʻu.