Sauniga o le Auaunaga mo Mati
Vaiaso e Amata ia Mati 2
Pese 74 (139)
10 minu: Faasilasilaga masani ma Faasilasilaga e filifilia mai La Tatou Faiva o le Malo. Faataʻitaʻi pe mafai faapefea ona faaaogā mataupu patino mai mekasini o loo iai i le galuega mekasini i le Aso Toonai.
20 minu: “Tatalaina Mealilo—O le Faaaliga.” Ufitia le mataupu i fesili ma tali. Faamatilatila se taulimaga e aogā i le oganuu pe a taulimaina le tusi Revelation Climax. Faaaofia ai ni taulimaga pupuu e faaalia ai pe faapefea ona foia teteega masani. Afai e faapea mai lē ona le fale: “Ua iai la matou lava tapuaiga,” ia fesili ma le faautauta i ai: “Pe sa tou talanoa ea talu ai nei i le lotu e uiga i le tusi o le Tusi Paia o Faaaliga?” Tataʻi le talanoaga i le faitauina o le Faaaliga 1:3. O le isi fesili e mafai ona fesiligia: “O le ā le manatu a lau lotu e uiga i le tusi o Faaaliga?”
15 minu: “Taulimaga e Taliaina Ai.” Talanoaga a se toeaina e lava le tomai ma ni paeonia se toalua pe toatolu ma/po o ni tagata talaʻi. Iloilo ni faafeiloaiga eseese e mafai ona aogā i le oganuu a le faapotopotoga.
Pese 19 (220) ma le tatalo faaiʻu.
Vaiaso e Amata ia Mati 9
Pese 85 (158)
10 minu: Faasilasilaga masani. Faalaeiau i latou o ē ua fuafua e paeonia lagolago ia Aperila ina ia maua se pepa talosaga ma toe vave faafoi atu.
15 minu: “Tuliloa le Naunau e Aunoa ma le Faatuai.” Talanoaga i fesili ma tali.
20 minu: “O le ā Saʻu Tala e Fai ina ia Faagaee Atili ai le Naunau?” Faia ni faataʻitaʻiga se lua pe tolu ua lelei ona faaaʻoaʻo. A maeʻa faataʻitaʻiga taitasi, ia aumaia ni manatu mai le aofia pe aiseā latou te lagona ai o le a uigā le taulimaga i le faalauteleina o le naunau o lē ona le fale.
Pese 58 (130) ma le tatalo faaiʻu.
Vaiaso e Amata ia Mati 16
Pese 81 (165)
10 minu: Faasilasilaga masani. Tala o le tupe. Faaaofia ai le talialoaia a le Sosaiete o foai. Faamālō i uso mo le mulimuli i le mataupu silisili i le Teuteronome 16:17.
15 minu: “Faailoa Atu Feutanaiga a Ieova.” Talanoaga i fesili ma tali. Faalaeiau mafana tagata uma ina ia felagolagomaʻi i le avea o Aperila ma masina faapitoa o gaoioiga
20 minu: Faafoeina e se toeaina se talanoaga ma ni tagata talaʻi se toatolu pe toafa o ē o le a paeonia lagolago ia Aperila po o ē sa faia faapea i le taimi ua mavae. Ia faailoa atu po o le ā sa uunaia ai i latou e paeonia, o ā fuafuaga ua latou faia mo Aperila, ma ni mea atonu na tutupu ia i latou i le taimi ua mavae a o paeonia lagolago. Faasilasila suafa o i latou ua faamaonia i le taimi nei e avea ma paeonia lagolago mo Aperila.
Pese 63 (123) ma le tatalo faaiʻu.
Vaiaso e Amata ia Mati 23
Pese 103 (193)
15 minu: Faasilasilaga masani. Tala Faatiokarate. Faalaeiau ina ia manatunatu i le auaunaga paeonia lagolago ia Aperila. Faailoa atu faatatauga mo le valaauliaina o tagata i le lauga faapitoa ia Aperila 5 ma ia sauniuni mo gaoioiga faateleina ia Aperila.
12 minu: Manaoga o le faapotopotoga po o se lauga aasa e faavae i faamatalaga o loo i le mataupu o Le Olomatamata o Ianuari 15, 1991, “Tala Faatusa—O se Ki i le Pāʻiaina o Loto.” Faailoa atu ni tala faatusa e talafeagai ma le oganuu a le faapotopotoga faatasi ma taulimaga o loo iai.
18 minu: Lauga e faavae i le mataupu o Le Olomatamata faa-Peretania o Novema 1,1991, “Pe E te Talisapaia ea le Faalapotopotoga Faalelalolagi a Ieova?” Atiina aʻe le faatuatua ma le faalagolago o le faapotopotoga i le faalapotopotoga.
Pese 108 (200) ma le tatalo faaiʻu.
Vaiaso e Amata ia Mati 30
Pese 16 (39)
8 minu: Faasilasilaga masani. Ia faamanatu i tagata uma le tauiviga o tusiga o Le Olomatamata ia Aperila ma Me. I mea e lē maua ai se tusiga, e mafai ona ofo i ai ni mekasini se lua ma se kopi o so o se polosiua (seʻi vaganā ai le polosiua o Aʻoga) pe afai e faaalia le naunau moni.
12 minu: “Tou te Faia le Mea Nei e Fai ma Faamanatuga ia te Au.” Lauga a le ovasia taʻitaʻi faatasi ma se sao o le aofia. Faaaofia ai manatu o loo i le pusa.
15 minu: Talanoaga o le “Tapuaiga i Augātamā” mai le tusi Reasoning, itulau 29-32. A o toatele tagata atonu e manatu faapea e lē o tapuai le anoanoai o tagata o le itu i Sisifo o le lalolagi i augātamā, ae e tele mea ua faia i le sosaiete faaonaponei ina ia faamamaluina ai ē ua maliliu. O loo faaaloalogia pea ma tapuaia nisi o tagata e pei lava o loo ola. O faatusa, o ata, atoa ma tusi o loo faamanatu ai pea tagata taʻutaʻua. Faailoa atu se faatulagana o se tamā o loo talanoa ma se tamaitiiti talavou. Faaaogā e le matua faamatalaga mai le tusi Reasoning, itulau 30. Faamatilatila manatu mai tamai ulutala muamua e lua ina ia faailoa ai i le tamaitiiti le pogai e mataʻutia ai le matamata i ata aitu o loo lagolagoina ai faiga faataulaitu po o le manatu faapea e toe foi mai ē ua maliliu e saili ē o loo ola. Faamatala i ai le tulaga o ē ua maliliu ma le faamoemoe o le toetu, ma faailoa i ai pe faapefea i lenei mea ona aafia ai lo tatou manatu i ē ua maliliu. Faaleoina atu e le tamaitiiti le faanaunauga e alofia faafiafiaga o loo lagolagoina ai faiga faataulaitu.
10 minu: Mea tutupu i le faaaogāina o le tusi Revelation Climax ia Mati. Valaaulia tagata talaʻi e faamatala mai ni mea moni sa tutupu ua filifilia pe a lava le taimi.
Pese 68 (133) ma le tatalo faaiʻu.