Sauniga o le Auaunaga mo Oketopa
Vaiaso e Amata ia Oketopa 5
Pese 51 (92)
10 minu: Faasilasilaga masani, Faasilasilaga mai La Tatou Faiva o le Malo, ma manatu tāua mai Tala Faatiokarate. Autalu ni mataupu matilatila mai mekasini o loo iai; ia faia ni faataʻitaʻiga pupuu e tasi pe lua e faaalia ai pe mafai faapefea ona ofoina pe a maeʻa ona faia muamua se talanoaga faale-Tusi Paia. Faalaeiau tagata uma ina ia faateleina atu lo latou sao i le auaunaga i le fanua ia Oketopa
15 minu: “Ia Faaaogā Tatau Mekasini.” Fesili ma tali. Faamamafa le manaoga ina ia faamautinoa o loo naunau moni, a o leʻi ofoina i ai se tusiga. A talanoaina le palakalafa e 6, ia avatu ni faufautuaga i le auala e amata ai se ala mekasini: Faaaogā se faafeiloaiga faigofie, ma tuusaʻo; tausia se faamaumauga lelei i lea fale ma lea fale; ia faagaee le naunau mo lomiga o lumanai e ala i le taʻu i ai o mataupu o le a sosoo mai; faia ni fesili e taliina i mataupu; ia mautinoa e toe foi atu i vaiaso taʻilua uma.—7/84 km itu. 4.
20 minu: Sauniuni mo le Suesuega Tau Tusi a le Faapotopotoga i le tusi Ola e Faavavau. Faaaogā faamatalaga mai le School Guidebook, itulau e 21-23, 36-38 e faamatala ai i le aofia pe mafai faapefea ona latou maua aogā e sili atu, mai le sauniuni mo le suesuega i vaega. E ui ina ua uma ona tatou suesueina lenei lomiga, ae ia faamamafa i uso le manaoga ina ia suʻe i mau uma, ma o le a fesoasoani lenei ia i latou e taulimaina ai ni suesuega uigā ma tagata i le oganuu.
Pese 32 (63) ma le tatalo faaiʻu.
Vaiaso e Amata ia Oketopa 12
Pese 41 (77)
10 minu: Faasilasilaga masani. Faitau le tala o le tupe; avatu se faamatalaga e faavae i le 2 Korinito 9:6,7. Valaaulia ni tagata talaʻi ua uma ona sauni e faamatala mai ni mea tutupu sa mataʻina i le ofoina o mekasini ma tusiga ia Oketopa.
15 minu: “Fafau aʻe se Faatomuaga e Uunaia Ai.” Faia se lauga e talanoaina ai pe faapefea ona sauniuni ni taulimaga e faaaogā ai mataupu o loo aumaia i mekasini o Oketopa. Fuafua mo ni tagata talaʻi agavaa se toalua pe toatolu latou te faataʻitaʻia taulimaga ua fautuaina; e aofia ai se taulimaga e faia e se tagata talaʻi talavou.
20 minu: “Faaalia le Manatu Mamafa mo Ē Naunau.” Talanoa ma le aofia. A iloiloina le palakalafa e 2, faamatala ni manatu e filifilia mai le The Watchtower o Iulai 1, 1981, itulau e 4-6, e faailoa ai pe mafai faapefea ona tatou faaaʻoaʻo ia Iesu i le faaalia o le manatu mamafa mo isi. Faaaofia ai ni fautuaga i le auala e faatumu ai le pepa faamaumau mo le galuega i lea fale ma lea fale, ma le auala e faaaogā ai mo le asiaina o ē naunau. Ia faataʻitaʻi puupuu se tasi o manatu ua fautuaina. A uma ona faataʻitaʻi e se tagata talaʻi agavaa le auala ua fautuaina, ona valaaulia lea o le aofia e aumai ni o latou manatu i mafuaaga ua avea ai lenei o se auala uigā mo le amataina o suesuega i le oganuu.
Pese 49 (89) ma le tatalo faaiʻu.
Vaiaso e Amata ia Oketopa 19
Pese 81 (165)
5 minu: Faasilasilaga masani. Faamatala puupuu le auala e faatumu ai pepa mo tusiga, ma faailoa atu le uso ua tofia e taliaina tusiga.
20 minu: “Fesoasoani i Fanau ina ia Auauna ia Ieova Mai le Loto.” Talanoaga ma le aofia. Faamamafa i mātua le manaoga ina ia faataunuu la latou avega tauave o le faataatia o le faaaʻoaʻoga ma le aʻoaʻoina totino o a latou fanau i le faiva. Valaaulia se matua e toatasi pe toalua e faamatala mai ni mea na latou faia ua aumaia ai ni iʻuga lelei. Ia faataʻitaʻi e se matua pe faapefea ona ia fesoasoani i sana tama e sauniuni mo se talanoaga faale-Tusi Paia e faaaogā i le faiva i lea fale ma lea fale. Faaiʻu i le faataʻitaʻi mai e se tagata talavou o se tasi o talanoaga ua fautuaina.
10 minu: Pusa Fesili. Talanoa ma le aofia. Faamamafa le pogai e tāua ai i le fanau ona maua se talaaga mo amioga lelei ma se faanaunauga faamaoni e auai i le faiva i le fanua, ina ia agavaa ai e avea ma tagata talaʻi e leʻi papatisoina.
10 minu: Faamatalaga Mai Tagata Talaʻi Talavou. Valaaulia nisi o ē talavou ua uma ona sauni e faamatala mai le auala na latou agavaa ai e avea ma tagata talaʻi e leʻi papatisoina, atoa ma le pogai ua latou olioli ai i le auaunaga i le fanua ma mananao e faia ai se sao e sili atu. E ao ia i latou e faatalanoaina ona aumaia a latou lava faamatalaga mautinoa, ae e lē o le toe taʻua o upu na fai atu latou te fai maia.
Pese 73 (157) ma le tatalo faaiʻu.
Vaiaso e Amata ia Oketopa 26
Pese 20 (46)
5 minu: Faasilasilaga masani. Faalaeiau tagata uma ina ia manatu i le avanoa e avea ai ma paeonia lagolago ia Novema po o Tesema.
15 minu: Lauga i le “Tusi Paia,” e faavae i le tusi Reasoning, itulau e 58-64. Faamatilatila le aogā ua tatou maua totino mai le faatatauina o mataupu silisili o le Tusi Paia i o tatou olaga.
15 minu: Faatomua ia Novema le Polosiua o le Po o Silasila Alofa Mai ea le Atua ia i Tatou? Lauga ma se faataʻitaʻiga. Autalu ni manatu tāua o mataupu o loo i le polosiua ma faataʻitaʻi pe mafai faapefea ona faaaogā e talanoa ai ma lē ona le fale.
10 minu: “O Ē Faasusulu Atu le Malamalama i Tuaoi.” Faamatilatila ni auala e mafai ona faaaogā ai i le oganuu lomiga fou na tatalaina.
Pese 59 (112) ma le tatalo faaiʻu.