Sauniga o le Auaunaga mo Novema

Vaiaso e Amata ia Novema 2

Pese 28 (48)

10 minu: Faasilasilaga masani ma Faasilasilaga e filifilia mai La Tatou Faiva o le Malo. Uaʻi atu i faamatalaga i le pusa e uiga i tuātusi o lālā. Faamālō i tagata talaʻi mo le vaega o loo latou faia i le galuega talaʻi o le Malo. Faailoa atu ni manatu e talanoa i ai mai mekasini fou mo le faaaogāina i la outou oganuu.

15 minu: “Le Mana o le Afioga a le Atua.” Fesili ma tali. Faalaeiau tagata uma e faitau le sāvali Le Pogai e Mafai ai ona E Faatuatua i le Tusi Paia. Matau le faasologa o manatu ma le fafauina aʻe o manatu malolosi ma faigofie e faatalitonuina ai, e faaaogā i le auaunaga i le fanua.

20 minu: “Faataatia le Faavae i Lau Uluai Asiasiga.” Ia faailoa mai e le uso e taulimaina lenei vaega ni faataʻitaʻiga se fa e faaalia ai se tasi o faatomuaga e lua ua taʻua i le palakalafa e 2 ma le 3, ma ia faataʻitaʻi manatu taitasi o loo i palakalafa e 4,5, ma le 6. E ao ona faaalia i le faataʻitaʻiga mulimuli le auala e mafai ai ona ofoina atu le polosiua, Po o Silasila Alofa mai ea le Atua ia i Tatou? pe a faaalia le naunau moni i le uluai asiasiga.

Pese 24 (51) ma le tatalo faaiʻu.

Vaiaso e Amata ia Novema 9

Pese 74 (139)

5 minu: Faasilasilaga masani ma Tala Faatiokarate.

15 minu: “Pe E te Mulimuli i Faatonuga?” Lauga a le ovasia taʻitaʻi e faavae i le mataupu i le Olomatamata faa-Peretania o Oketopa 1,1990, itulau e 30-31. E ao ona faia se faatatauga mo manaoga patino o le faapotopotoga: lipotia o le taimi o le auaunaga i le fanua, faamamāina o le Maota o le Malo, auai tonu i le taimi mo faatasiga i le auaunaga i le fanua, faatonutonuina o fanau i le Maota o le Malo, ma isi mea. Faamālō i mea e talafeagai ai, ma fesoasoani i tagata uma ina ia iloa le auala e manuia ai le faapotopotoga atoa, ma faafaigofie ai le galuega a auauna tofia pe afai e mulimuli tagata uma i faatonuga.

10 minu: “Ia Avea ma Paeonia ia Tesema.” Talanoaina le mataupu i se auala mafana ma aasa e ala i fesili ma tali. Faasilasila fuafuaga a le faapotopotoga mo le auaunaga i le fanua ma fuafuaga faapitoa e ao ona faia mo vaega e toatele ia Tesema.

15 minu: “Pe E te Faatāuaina a Tatou Lomiga?” Faia se lauga faalaeiau.

Pese 7 (27) ma le tatalo faaiʻu.

Vaiaso e Amata ia Novema 16

Pese 104 (175)

15 minu: Faasilasilaga masani, e aofia ai le tala o le tupe ma talialoaia o foai. Ia faamālō mafana i le faapotopotoga mo le lagolagoina i le itu tau tupe o le faapotopotoga, atoa ma le Faaputugā Tupe a le Sosaiete mo Maota o le Malo, ma le galuega a le Sosaiete i le lalolagi aoao. Faailoa atu fuafuaga faapitoa o le auaunaga i le fanua mo aso malōlō pe a talafeagai. E ao ona faapitoa lava i mātua le sauniunia o fanau aʻoga mo mataupu e ono lagā i le vaitaimi o aso malōlō, i le faaaogāina o itulau e 17-21 o le polosiua Aʻoga.

20 minu: “Le Auala e Atiina aʻe ai le Naunau.” Lauga ma faataʻitaʻiga, ia taulimaina e le ovasia o le auaunaga. Faataʻitaʻi auala o loo faaalia i le palakalafa e 5 ma le 6. Ia faafaigofie faataʻitaʻiga ma ia lē faigata ona mulimuli ai.

10 minu: “Filifilia ni Manatu Talafeagai e Talanoa i Ai.” Talanoaga a se tane ma lana avā o loo sauniuni mo le auaunaga i le fanua.

Pese 105 (195)

Vaiaso e Amata ia Novema 23

Pese 27 (53)

10 minu: Faasilasilaga masani. Faia se faataʻitaʻiga i le auala e mafai ona faaaogā ai se manatu e talanoa i ai mai se mekasini fou i le faaiʻuga o lenei vaiaso. Faaaogā faufautuaga na avatu i le Sauniga o le Auaunaga o le vaiaso ua mavae.

20 minu: Manaoga o le faapotopotoga po o le lauga “Ia Oofu Outou i Ofutau Atoatoa Mai le Atua” i Le Olomatamata o Setema 15, 1992, itulau e 21-23.

15 minu: Aiseā Tatou te Lē Faamanatuina ai Aso Fanau. Talanoaga a se toeaina ma se tamaitiiti laitiiti e leai se tamā o lē ua fai ma faaaʻoaʻoga lelei. O loo faalatalata atu le tamaitiiti i le toeaina ma fesili atu mo sana fesoasoani i le foia o omiga mai ana aumea ina ia auai i le patī o se aso fanau. Ua ia malamalama e sese, ae o loo manao ina ia mafai ona ia faamatala manino atu i isi. Autaluina ma le agalelei ma i se gagana faigofie e le toeaina ma le tamaitiiti faamatalaga o loo i itulau e 30-31 o Le Olomatamata faa-Peretania o Setema 1, 1992, atoa ma itulau e 68-70 o le tusi Reasoning.

Pese 1 (21) ma le tatalo faaiʻu.

Vaiaso e Amata ia Novema 30

Pese 87 (103)

10 minu: Faasilasilaga masani.

15 minu: Faaaogā le Tusi o le Olaga Faaleaiga ina ia Faasusulu atu ai lo Tatou Malamalama ia Tesema. Lauga ma se faataʻitaʻiga. Faalaeiau tagata uma ina ia taofi mau i le mafaufau ni manatu mo le auaunaga i le fanua.

20 minu: Manaoga o le faapotopotoga po o le lauga, “Ieova—O Sē Lua te Masani po o Sau Uo?” i Le Olomatamata o Oketopa 1, 1992, itulau e 24-26.

Pese 4 (6) ma le tatalo faaiʻu.