Filifilia ni Manatu Talafeagai e Talanoa i Ai
1 O le ā e mafai ona tatou faia ina ia faalaeiau ai tagata e faitau pea i Le Olomatamata ma le Awake!? E manaomia ona tatou iloa ni manatu faagaee loto e talanoa i ai, pe a ofoina atu mekasini i isi. Afai ua tatou masani lelei ma tagata i la tatou oganuu, ma manatuaina i latou i o tatou mafaufau pe a tatou faitauina mekasini, e mafai la ona tatou sailia ni manatu e talanoa i ai ina ia puʻea ai lo latou naunau.
2 Atonu e tali tutusa talaaga o tagata i nisi vaipanoa, ma o le a faafaigofie ai ona matauina se mea e naunau i ai le toatele. Ae i isi nofoaga, atonu tatou te tau ai i tagata e ō mai i talaaga eseese e tele. Afai e tele ni manatu e talanoa i ai o tatou manatua, e mafai la ona tatou faaaogāina se manatu e sili atu ona fetaui ma tagata taitasi tatou te feiloai.
3 Aua le vave faatamaʻia lomiga tuai o mekasini pe a maua atu mekasini fou. E masani lava i se tasi o uso ona faailoa atu i lē ona le fale ni lomiga se tolu pe fa o Le Olomatamata ma tuu atu i ai e pule ia i le mekasini e manao e faitau. Afai tatou te iloa e tele nauā mekasini ua tatou maua na i lo o mekasini e mafai ona tatou tufaina atu, e ao ona tatou manatu e toe fetuunai la tatou ota.
4 E ala i le faaaogāina pea o manatu talafeagai e talanoa i ai, e mafai ona tatou uunaia ai isi ina ia faitau i a tatou mekasini ma atonu o le a amata ai foi ona savavali na tagata i le ala i le ola. (Mata. 7:14) Afai tatou te manatunatu ma le faaeteete i lenei mataupu tāua, ona mafai lea ona tatou mautinoa le mauaina o faamanuiaga a Ieova.