Sauniga o le Auaunaga mo Aperila

Vaiaso e Amata ia Aperila 5

Pese 66 (129)

10 minu: Faasilasilaga masani. Autalu lomiga fou o mekasini, e faamatilatila ai mataupu na e ono naunau patino i ai tagata o lau oganuu. Faatulaga ni tagata talaʻi se toalua, o se tagata matua ma se talavou, ina ia faataʻitaʻi puupuu mai ni taulimaga faale-Tusi Paia.

15 minu: “Le Olomatamata—O Mea Taumafa Faaleagaga i le Taimi Tatau.” Se talanoaga i fesili ma tali. Faaaofia ai manatu e faatatau i le manaomia o le faamautinoa lelei o le naunau moni a o leʻi ofoina atu tusiga. O faamaoniga o le naunau moni e aofia ai le naunau mai e talanoa ma faaali mai se manatu, ma e fia faaaafia i le talanoaga, se uiga agalelei, se naunautai e mulimuli mai a o faitauina mau o le Tusi Paia, ma se valaaulia ina ia toe foi atu e talanoa atili. (km 5/90 itu. 8) E masani ona sili ona lelei le avatu pea o ni mekasini mo ni nai taimi ina ia faamautinoa ai le naunau a o leʻi ofoina atu se tusiga mo le ono masina.

20 minu: “Faafesootai atu Sāvali i Lomiga o loo Ofoina.” Ia faia i fesili ma tali. Ia faaaofia ai ni taulimaga pupuu e faavae mai i manatu o loo i palakalafa e 2-6. Ia faaaofia manatu mai le pusa “Ia Manatua e Faaaogā Polosiua.”

Pese 6 (14) ma le tatalo faaiʻu.

Vaiaso e Amata ia Aperila 12

Pese 59 (112)

10 minu: Faasilasilaga masani. Faamatala atu ni mea mataʻina na tutupu i le taimi o le faamanatuina o le Faamanatuga. Ia faalaeiau i tagata talaʻi uma ina ia galulue ma a latou vaega i le auaunaga i le fanua i le faaiʻuga o lenei vaiaso.

20 minu: “Ni Toe Asiga e Faafaigofie ma e Aogā.” Ia talanoa faatasi ma le aofia. Fai se faataʻitaʻiga e faaalia ai le auala e uluai amata ai se talanoaga i le toe asiga. Faamanatu i tagata uma le manaoga ina ia taʻu atu i tagata e ona fale lo latou faaeaga ina ia foai faameaalofa i le galuega i le lalolagi aoao. Faatutū atu ni manatu i ni upu e mafai ona fai atu ai. O le faamatalaga lenei o loo iai i le itulau e lua o Le Olomatamata: “O se vaega lenei o le galuega faaleaʻoaʻoga faale-Tusi Paia i le lalolagi aoao lea ua lagolagoina e ala i meaalofa tauofo.” E mafai foi ona faaaogā nisi faamatalaga e tali tutusa.

15 minu: Pusa Fesili. O se talanoaga e aogā ma faalaeiau e faia e le ovasia o le auaunaga po o se isi toeaina o lē na auauna o se paeonia lagolago. Faatalanoa ni tagata talaʻi se toatasi pe toalua o ē e masani ona paeonia lagolago mai lea taimi i lea taimi.

Pese 16 (39) ma le tatalo faaiʻu.

Vaiaso e Amata ia Aperila 19

Pese 103 (193)

10 minu: Faasilasilaga masani ma Faasilasilaga talafeagai mai La Tatou Faiva o le Malo. Faitau atu le lipoti o le tupe ma so o se talialoaiaina o foai. Faitau atu le Luka 6:38, ma faamālō atu i le faapotopotoga ona o lo latou limafoai i le lagolagoina o le galuega i le lalolagi aoao faapea foi ma manaoga o le faapotopotoga.

20 minu: “Fesoasoani i Ē Fou ina ia Agaʻigaʻi i Luma.” O se talanoaga a ni taʻitaʻi o suesuega tau tusi se toalua pe toatolu. Pe a uma ona autaluina manatu tāua o le mataupu, ia faamatala mai fuafuaga ua uma ona faia e faatatau ai mo le faapotopotoga ia lava manatu. E mafai faapefea ona tatou fesoasoani i ē fou ua naunau fiafia o ē sa auai i le Faamanatuga? O ā mea e manaomia ona ausia e ē fou pe afai latou te mananao ina ia auai i le auaunaga i le fanua? O le ā e mafai ona faia ina ia fesoasoani atu ai i tagata taitoatasi o ē sa lē faia faalausosoo ni o latou sao i le taimi ua tuanai? E mafai faapefea ona faalaeiauina tagata uma ina ia matuā faia se sao i masina taitasi? E mafai faapefea e tagata talaʻi malolosi ona fesoasoani atu i isi?—Roma 15:1, 2.

15 minu: “Tatou te O i le Fale o Ieova.” Ia talanoaina i fesili ma tali palakalafa 1-8 o le faaopoopoga. Ia autalu pupuu mai manatu autū o lomiga o loo taʻua i le palakalafa e 7. Ia faataʻitaʻi mai e se tagata talaʻi agavaa le auala e fesoasoani atu ai i se tagata fou ina ia malamalama i le pogai ua faamaopoopoina ai i tatou i faapotopotoga. (w 6/1/85 itu. 17 pala. 6, 7) Faamatilatila mai vala tāua o a tatou sauniga na e matuā eseese ai ma sauniga faalotu a Kerisinetoma. Ia faalaeiau ia i latou o loo faia ni suesuega faale-Tusi Paia ina ia faaaofia i suesuega o vaiaso taitasi, se talanoga puupuu ua fuafuaina e fesoasoani ai i le tagata aʻoga e faatupuina se talisapaia atili mo le faalapotopotoga ma le manaoga ina ia faia ai sana vaega.

Pese 5 (28) ma le tatalo faaiʻu.

Vaiaso e Amata ia Aperila 26

Pese 100 (180)

10 minu: Faasilasilaga masani ma Tala Faatiokarate. Valaaulia tagata taitoatasi ina ia faamatala mai ni mea na tutupu a o faateleina a latou galuega i le auaunaga i le fanua i le masina, e pei o le avea ma paeonia lagolago, le amataina o ni suesuega fou faale-Tusi Paia, po o le fesoasoani atu i ē fou o ē sa auai i le Faamanatuga.

15 minu: “Toe Fanaufouina.” I le tusi Reasoning, i le itulau e 76-80. Se faataʻitaʻiga a ni tagata talaʻi se toalua o loo feiloai atu i se tasi i le galuega mai lea fale i lea fale o lē o loo fesili mai, “Pe ua toe fanaufouina outou?” E tali atu tagata talaʻi e faaaogā ai se tasi o auala na e aumaia i itulau e 79-80. Pe a maeʻa lena, ona talanoa lea o tagata talaʻi i le faia o toe asiga e faaaogā ai manatu mai mau o loo i palakalafa 1-3 i le itulau e 7, 8.

20 minu: “Tatou te O i le Fale o Ieova.” Ia talanoaina i fesili ma tali i palakalafa 9-14 o le faaopoopoga. Ia faataʻitaʻi e se tagata talaʻi le auala e talanoa atu ai i se tasi o lē o loo faatolotolo pea, e ala i le faaaogāina o manatu mai le palakalafa e 12 ma le 13.

Pese 64 (127) ma le tatalo faaiʻu.