Sauniga o le Auaunaga mo Oketopa
Vaiaso e Amata ia Oketopa 4
Pese 119 (222)
10 minu: Faasilasilaga masani ma Faasilasilaga mai La Tatou Faiva o le Malo. Filifili ni auala e ofoina ai a tatou mekasini o loo iai i a tatou oganuu. Faamamafa le tāua o le toe foi atu e asia i latou na tuu ai se mekasini ma le faamoemoe e amataina ai se ala mekasini. Pe afai ua e faamaonia e fiafia moni le tagata e ona le fale, ona ofo loa lea i ai o se tusiga.
15 minu: “Pe E te Faaaloalo i Lou Nofoaga o le Tapuaiga?” Lauga e faia e se toeaina e faavae mai Le Olomatamata o Iuni 15, 1993. Faatatau faamatalaga i tulaga o le tou faapotopotoga. Afai o iai se faafitauli patino e fia talanoaina, ia taulimaina ma le faautauta i ni fautuaga talafeagai.
20 minu: Faamalosia Lau Faiva i Lea Fale ma Lea Fale ia Oketopa. Talanoaina e le ovasia o le fanua po o se isi uso agavaa le mataupu faatasi ma le aofia i le tāua o le faiva mai lea fale i lea fale. O le fetuutuunai o le ofo mo Oketopa o le a tele ai auala o taulimaga. Faataitaiga: (1) Amata e le tagata talaʻi se talanoaga puupuu e tatai ai i se mataupu o loo i se lomiga fou o le Awake! po o Le Olomatamata. E mafai e le tagata talaʻi ona ofo atu ni mekasini fou po o se sāvali e fuafua i le naunau o le tagata e ona le fale. (2) Amata e le tagata talaʻi le talanoaga e tatai ai i le tusi o le Mankind’s Search for God. E mafai e le tagata talaʻi ona ofo le tusi pe filifili foi e ofo i ai lomiga e lua, e tusa ai ma le tulaga o iai le tagata. (3) Faaaogā e le tagata talaʻi se sāvali e amata ai se talanoaga lē fuafuaina ma mulimuli ane ofo se mekasini fou i le tagata fiafia. (4) O se tagata talaʻi o loo faia ni asiasiga i ana ala mekasini ua filifili e ofo atu se tusiga. O na taulimaga fesuisuiai o le ā faamalosia ai tagata talaʻi uma ina ia tinou i la latou faiva i lea fale ma lea fale ia Oketopa. O le mea moni, o loo iai nisi i le faapotopotoga o loo auauna o ni paeonia lagolago i lenei masina. O loo iai pea le avanoa e tusia ai suafa o i latou o loo fuafua e paeonia lagolago.
Pese 28 (48) ma le tatalo faaiu.
Vaiaso e Amata ia Oketopa 11
Pese 4 (6)
10 minu: Faasilasilaga masani. Tala o le Tupe. Taʻu atu le talia aloaia o foai, ma faamalō i le faapotopotoga mo le latou lagolagosua i foai mo le galuega i le lalolagi aoao, ae maise foi le tausia o manaoga o le faapotopotoga. Fai se autaluga puupuu o fuafuaga mo le galuega talaʻi mo le vaiaso, ma faailoa le talisapaia o le lagolagosua maelega a le au talaʻi.
15 minu: “Faaaogāina o a Tatou Lomiga i Lea Fale ma Lea Fale.” Talanoaga faatasi ma le aofia. O loo ia i tatou se mafuaaga lelei tatou te filigā ai i le tufaina atu o a tatou lomiga i tagata tatou te feiloai i le fanua, ma i latou foi tatou te talaʻi lē fuafuaina atu i ai. E ui lava ina faatulagaina mekasini i aso, ma kopi fou foi o loo faaautū i le aso na lolomia ai lea mekasini, ae e lē faapea o le ā tatou lē ofoina ai mekasini tuai pe a talafeagai ai ma tulaga e tulai mai. Tau lava ina ia faamautinoa o loo mamā ma lē masaesae le lomiga lea o le a e ofoina. Ia faataitai e se tagata talaʻi agavaa le taulimaga o loo faatulaga mai i le palakalafa e 4.
20 minu: “Aʻoaʻoga Mai le Atua e Iai Aafiaga Malolosi.” Talanoaina le mataupu i fesili ma tali. Faitau uma palakalafa ma mau o loo sii mai pe a lava le taimi.
Pese 21 (47) ma le tatalo faaiu.
Vaiaso e Amata ia Oketopa 18
Pese 36 (65)
5 minu: Faasilasilaga masani. Tala Faatiokarate.
15 minu: “Faaalia le Lē Faailoga Tagata i La Tatou Faiva.” Talanoa i fesili ma tali. Faamatilatila vala o le mataupu e talafeagai ma le oganuu.
15 minu: “Manatu ia i Latou na Faaalia le Naunau.” O se lauga e faia faatasi ma ni fesili e tuu atu i le aofia. Faataitai le auala ua mafai ai e tagata talaʻi ona atiaʻe ai pea le fiafia i le oganuu, pe faatalanoa se tagata talaʻi i se mea na tupu lata mai nei e faaalia ai le tāua o le toe asia o i latou na tuu ai se kopi o le Awake! ma Le Olomatamata.
10 minu: Manaoga o le faapotopotoga po o se lauga aasa e faavae mai le mataupu muamua o Le Olomatamata o Iulai 1, 1993, e uiga i “Uluai Kerisiano ma le Lalolagi.” Faamatilatila le manaomia e i tatou i aso nei ona mulimuli i faaaoaoga a uluai Kerisiano.
Pese 86 (60) ma le tatalo faaiu.
Vaiaso e Amata ia Oketopa 25
Pese 41 (77)
10 minu: Faasilasilaga masani. Faaaofia ai fuafuaga mo le galuega talaʻi o le vaiaso, ma tatai atu i manatu tāua o loo maua i a tatou lomiga fou e mafai e tagata talaʻi ona faaaogā i le fanua i ni aso o i luma. Afai e lava le taimi, ia faataitai puupuu ni taulimaga se tasi pe lua e fetaui lelei i lau oganuu. Toe faamanatu le manaomia ona toe asia o i latou sa faaalia le naunau.
15 minu: Ia Sauniuni e Faamafanafana i Ē o loo Mafatia (faavae mai itulau e 102-104 o le tusi Reasoning). (3 minu.) O le uso o le ā taulimaina lenei vaega e ao ona ia faamaninoina faapea, e lē teena e Molimau a Ieova tu ma aga e fesootai atu i maliu. (5 minu.) Faataitai pe faapefea i se Molimau ona faamatala atu i se tagata la te faigaluega faatasi le mafuaaga ua alofia ai e Molimau a Ieova ni aganuu masani o le lauē i se maliu, e faavae le talanoaga i itulau e 102-103 o le tusi Reasoning. (7 minu.) Talanoa ma le aofia le vaega lea o loo faapea mai “Pe a Fai mai se Tasi—” i itulau e 103-104.
20 minu: “Faia o se Suesuega Faale-Tusi Paia i Aiga.” Talanoaina le mataupu i fesili ma tali. Ia faia ni faataitaiga lava saunia o se tagata talaʻi o loo fesoasoani atu i le tagata aʻoga ia malamalama i le auala e lagolagoina ai e mau mai le Tusi Paia faamatalaga ia o loo i le palakalafa sa talanoaina. I lena lava faataitaiga, ia faaaogā e le tagata talaʻi ni fesili faaopoopo e fesoasoani ai i le tagata aʻoga ina ia avea le upu moni o sana meatotino. Faaaogā le vaega ua filifilia mai le tusi o le Autasia i le Tapuaiga po o le tusi o le Ola e Faavavau.
Pese 43 (81) ma le tatalo faaiu.