Pusa Fesili

◼ O le ā le taimi e ao ona faia ai Suesuega Tau Tusi a le Faapotopotoga?

E masani lava ona aogā ma talafeagai le faia o suesuega tau tusi a vaega i nofoaga eseese i le oganuu a le faapotopotoga na i lo le fetaui uma o tagata i le Maota o le Malo. E ao ona faia nei suesuega i le taimi e sili ona avanoa uma ai le toatele o tagata o loo tofia e auai atu i na vaega. E masani lava ona faia lenei fuafuaga i po o le vaiaso e leai ai ni sauniga, po o ni fuafuaga mo le auaunaga i le fanua ua fuafuaina. Peitai, atonu e lelei pe a fuafua mo suesuega tau tusi a vaega i se taimi o le ao, ina ia faaaofia ai ē matutua e faaletonu le auai atu pe a pogisa, ma mo ē foi e faigaluega i le po. I nisi tulaga, atonu e lelei pe a faia se suesuega a o ao i le faaiuga o le vaiaso.

E mafai ona faia e toeaina ni fesili talafeagai e fuafua ai le taimi o sauniga e sili ona “talafeagai mo le toatele o tagata talaʻi,” faapea foi ē loto fiafia. (om itu. 62) E ao ona filifilia le taimi o le aso, ma o se itula e lē faalavelavea pe faaitiitia ai fuafuaga ua faataatia o le auaunaga i le fanua.