Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Me 2 e oo ia Aokuso 22, 1994. Faaaogā se laupepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga taitasi o loo i lalo i le Saʻo pe Sese:

1. O le upu “Seʹlah,” lea e aliaʻe faa 71 i le tusi o Salamo, e lē manaomia ona faaleoina pe a faitau. [si itu. 101 pala. 5]

2. E tusa ai ma le Salamo 15:4, afai e iloa mulimuli ane e se Kerisiano e lē o faale-​Tusi Paia se mea ua ia folafolaina atu, e ao lava ona ia faia pea. [Faitau Tusi Paia faalevaiaso; tagai i le w-E 9/15/89 itu. 28-29.]

3. Ua faamaonia mai i le tusi a Iopu e faapea, e lē o le Atua ua faapogaia mafatiaga o tagata, o maʻi, ma le oti. [si itu. 100 pala. 42]

4. Na faamaonia mai i le soifuaga o Iesu e faapea, sa ono mafai e Atamu ona tausisia le faamaoni atoatoa pe ana manao i ai, ma ua faamaonia ai foi sa lē iai se ponā i galuega faalefoafoaga a le Atua. [uw itu. 52 pala. 11]

5. O le auauna lea o loo faamatala i le Luka 19:​20-24, o lē na mauaina le mina e tasi ona ia teu lea i le solosolo ma nanā, sa agasala o ia i le faatalale. [gt mata. 100]

6. O le galue mamafa ma le tuutoina atoa atu i le Atua, e mafai ai e se Kerisiano faamaoni ona maua le aiā i le ola e faavavau. [uw itu. 36 pala. 13]

7. Ua faatatau atu le 1 Korinito 2:9 i le lalolagi Parataiso i le lumanai. [uw itu. 26 pala. 12 (3); tagai i le w-E 9/15/85 itu. 30.]

8. E lē mafai ona tatou manatu faapea e lē afaina tele amioga lē faamaoni, e ui lava ina taatele i le lalolagi. [uw itu. 53 pala  13]

9. O le Salamo 49:15 o ni faaupuga o le faatuatua atu i le faamoemoe o le toetu. [Faitau Tusi Paia faalevaiaso; tagai i le w-E 3/1/89 itu. 22 pala. 13.]

10. O nisi taimi o mailei ina ia matuā faananau atu i amioga faalelalolagi e mapuna mai lava i se isi tagata o lē ua faapea mai o loo auauna ia Ieova. [uw itu. 43 pala. 11]

Tali fesili o loo i lalo:

11. O le ā le salamo? [si itu. 101 pala. 2]

12. O le ā le faamautinoaga ofoofogia ua aumai e le Salamo 27:10 ia i tatou? [Faitau Tusi Paia faalevaiaso; tagai i le w 7/15/92 itu. 22 pala. 17.]

13. O le ā le manatu sese ua faaalia i le Salamo 10:13 e faapea o loo iai i ē faimea sese ma le lē salamō? [Faitau Tusi Paia faalevaiaso; tagai i le w-E 11/1/91 itu. 6.]

14. E tusa ai ma le Esoto 9:15, 16, o le ā na faataunuuina i le auala na feutagai ai Ieova ma Farao? [uw itu. 57 pala. 6, 7]

15. Taʻu mai ni manatu se lua e ono aogā ai ona tatou iloiloina mea o loo tatou faitau ai i le Tusi Paia. [uw itu. 27]

16. O le ā le uiga o le poloaiga “ina sogi ia i le Atalii,” e pei ona faataatia mai i le Salamo 2:12? [Faitau Tusi Paia faalevaiaso; tagai i le w 5/1/86 itu. 22.]

17. O le ā le ituaiga o saolotoga na talanoaina e Iesu i le Ioane 8:32? [uw itu. 40 pala. 6]

18. O ai o loo faaataina mai e “le fafine” i le Kenese 3:15? [uw itu. 30 pala. 3]

19. Aisea na mafai ai e Tavita ona faapea atu ia Ieova i le Salamo 51:4, “Ua ou agasala atu ia te oe, na o oe lava,” ae semanu na ia iloa o ana amioga leaga na faatiga ai foi i isi ona uso a tagata? [Faitau Tusi Paia faalevaiaso; tagai i le w 3/15/93 itu. 11 pala. 13.]

20. O le ā “le mea e inosia e faatafunaina aʻi” sa iai i le uluai senituri, ae o le ā i aso nei? (Mata. 24:15) [gt mata. 111]

Avane le upu po o le faaupuga manaomia e faauma ai faamatalaga taitasi o loo i lalo:

21. I le Iopu 40:15, o le “Pemota” e manino mai ua faatatau atu i le ․․․․․․․, ae i le Iopu 41:1, ua fetaui lelei ai le faatatauga o le “Leviatana” i le ․․․․․․․. [Faitau Tusi Paia faalevaiaso; tagai i le it-1 itu. 280 ma le it-2 itu. 240.]

22. Na lagonaina le siufofoga moni o Ieova ina ua․․․․․․․, Iesu, i le taimi o le ․․․․․․․, ma ia Nisani 10, 33 T.A., ina ua ia tatalo atu i lona Tamā i le ․․․․․․․ i Ierusalema. [gt mata. 104]

23. Sa vaimamā ese e le au Faresaio se ․․․․․․․ mai a latou uaina ona e lē mamā e tusa ai ma sauniga faaletapuaiga, peitai latou te faatuatuanai le faamasinoga tonu, le agalelei, ma le faamaoni, lea ua faatusalia ma le folo atoa o le ․․․․․․․ o se meaola foi e lē mamā e tusa ai ma sauniga faaletapuaiga. [gt mata. 109]

24. Talu ai sa faaaogā e Satani se pepelo ina ia taitaia ai o tatou uluai mātua i le agasala, na mafua ai ona taʻua o ia e Iesu o le “ ․․․․․․․.” [uw itu. 53 pala. 13 (1)]

25. O Iesu o le Alo ․․․․․․․ o le Atua, talu ai e na o ia lava na foafoaina toatasi e Ieova. [uw itu. 29 pala. 1]

Fili le tali saʻo mai faamatalaga taitasi o loo i lalo:

26. Na vaai Iopu i le Atua, e pei ona tusia i le Iopu 42:5, o lona uiga na (ia vaai atu i le Atua i se asiosio; ia vaaia se agelu i ona luma; oo ina matuā vavalalata lona iloa o Ieova). [Faitau Tusi Paia faalevaiaso; tagai i le w-E 8/15/88 itu. 12 pala. 11.]

27. O le fafine lea na faasino atu i ai Iesu i le Mataio 26:13 o (Maria, le tuafafine o Lasalo; Maria, le avā a Kolopa; Maria le Makatala). [gt mata. 101]

28. O faavae ua fulisia, e pei ona taʻua i le Salamo 11:3, e faasino atu lea (i faavae o le malumalu i Ierusalema; ia Iesu Keriso i le avea ma Maatulimanu Faavae; i faavae o loo faalagolago i ai le sosaiete o tagata, e pei o faamasinoga, tulafono, ma faatonuga). [Faitau Tusi Paia faalevaiaso; tagai i le w 5/1/86 itu. 22.]

29. Na faaigoa e Iesu le au aposetolo o (Peteru ma Aneterea; Filipo ma Patolomaio; Iakopo ma Ioane) o “Atalii o le Faititili” ona o o la uiga aasa. [gt mata. 98]

30. O le finauga sili na lagā e Satani ina ua ia luia le aiā a le Atua e pule ai i Lana auala tau pulega, e mautinoa lava le aofia ai o (aiā faaletagata; le fesili i le po o ai e sili ona malosi; le pule silisiliese a le Atua). [uw itu. 46 pala. 1]

Faafetaui mau o loo mulimuli mai i faamatalaga ua lisiina i lalo:

Kene. 3:1-5; Sala. 24:1; Galu. 8:32-38; Epe. 10:26, 27; 1 Pete. 4:3, 4

31. O le iloaina e faapea o le tagata ma le laueleele o foafoaga ia a le Atua, ma o Ieova e ana mea uma lava, e ao ona fesoasoani lea ia i tatou ina ia loto maulalo ai ma usiusitai. [uw itu. 39 pala. 4]

32. E ao ona tatou matuā faaeteete ina ia alofia le fai ma masani le faia o so o se mea tatou te iloa e lē fiafia i ai Ieova. [uw itu. 33 pala. 8 (3) ma le 8 (4)]

33. O le poto saʻo o le Tusi Paia ma le talisapaia o lana feau ua uunaia ai tagata e pei ni mamoe ina ia papatisoina. [uw itu. 32 pala. 7]

34. E ui lava atonu tou te faigaluega faatasi ma ē lē talitonu pe aooga faatasi ma i latou, ae e te faaalia lou lē filifilia o i latou o ni au aumea, e ala i le alofia o faatasitasiga uma e lē manaomia ma i latou. [uw itu. 44 pala. 13]

35. E matuā tāua lo tatou alofia o mafaufauga faalelalolagi na e taaina ai tagata ina ia talitonu e faapea ua iai ni mea ua latou misia pe afai ua lē faavaea e i latou lava mataupu silisili e taitaia ai o latou lava olaga. [uw itu. 46 pala. 1]