Po o le a Suia Taimi o ā Outou Sauniga?

I nofoaga e faaaogā ai e ni faapotopotoga le Maota o le Malo e tasi, ua latou faia ai se maliega o le a feauauai pe fesuiai taimi o sauniga, e tatau ona faia lenei mea i le amataga o Ianuari. O le naunau e felagolagomai ma faatulagaga ua uma ona faia, ua faaalia ai le fetufaʻi o le alofa ma le magafagafa. E masani lava, o le suia o taimi o sauniga, o le a aogā mo oe, ina ia sili atu ai ona faigofie le auai i sauniga.

I le isi itu, o le suiga ua faia i lenei tausaga, atonu o le a lē fetaui lelei ma le faasologa o lau galuega. Ona o lea itu, o le a manaomia ai le faia o se fetuutuunaiga i lau faasologa masani, lena atonu e foliga mai e lē o mautū lelei. O le loto malie o tagata taitoatasi e felagolagomai, ua faaalia ai se agaga talisapaia mo le fuafuaga atoa, lea ua faia mo le lelei i le va o tagata uma lava o loo aafia ai.

E moni, o le isi fesuiaiga o le taimi o sauniga, atonu o le a sili atu ona talafeagai lea ma lou manao. I le taimi nei, ua faalaeiauina ai oe ina ia faia ni au fetuutuunaiga totino tatau, ina ia mafai ai ona e auai atu i sauniga uma faalevaiaso, e tusa ai ma le faasologa lea ua uma ona filifilia e le faapotopotoga. Taumafai ina ia tausisia le manatu o le faisalamo o Tavita, o lē na faalauiloa mai: “Na ou fiafia ina ua latou fai mai ia te au, Tatou te o i le fale o Ieova.”—Sala. 122:1.