Sauniga mo le Auaunaga i a Tesema
Vaiaso e Amata i a Tesema 5
Pese 118 (205)
12 minu: Faasilasilaga masani ma Faasilasilaga talafeagai mai La Tatou Faiva o le Malo. Faasino mai se mataupu iloga se tasi pe lua e mafai ona faatomua i le ofoina o mekasini fou. Ia faataitai e se tagata talaʻi tomai se taulimaga e faaaogā ai se tasi o mataupu.
15 minu: “Le Faaaoaoga ia Mulimulitui i Ai.” Fesili ma tali.
18 minu: “Valaaulia Isi ia Mulimuli i a Iesu Keriso.” Ia faatalanoaina le mataupu faatasi ma le aofia. Ia faatulaga le faia o ni faataitaiga pupuu se lua. Ia faamamafa atu le manaomia o le tausia o ni faamaumauga saʻo mai lea fale i lea fale; ma ia toe autaluina puupuu po o ā ni faamatalaga e tatau ona faamaumauina.
Pese 32 (63) ma le tatalo faaiu.
Vaiaso e Amata i a Tesema 12
Pese 45 (86)
13 minu: Faasilasilaga masani ma Tala Faatiokarate. Faailoa atu le tala o le tupe, ma ia faailoa atu so o se meaalofa tauofo. Ia faailoa atu ni fautuaga i le auala e tali atu ai i faamanuiaga o aso mālōlō o le lalolagi.—Tagaʻi i La Tatou Faiva o le Malo, o Tesema 1990, itulau e 8.
14 minu: “Ia Uaʻi atu e Lē Aunoa i Lau Aʻoaʻo Atu.” O le lauga e tauaaoina atu e le ovasia o le aʻoga. Ia autalu faatonuga o loo aumaia faatasi ma le “Faasologa o le Aʻoga o le Faiva Faatiokarate mo le 1995,” ma ia faatulai mai ai ni faamanatuga o loo manaomia faapitoa e le faapotopotoga.
18 minu: “Faaalia le Talisapaia mo le Fale o le Atua.” Ia talanoaina i fesili ma tali. Ia faalautele atu le talanoaina o le manaomia ona ia vave taunuu atu i sauniga.—Tagaʻi i le Watchtower o Iuni 15, 1990, itulau 26-29.
Pese 48 (93) ma le tatalo faaiu.
Vaiaso e Amata i a Tesema 19
Pese 84 (168)
10 minu: Faasilasilaga masani. Ia autalu ni faatulagaga ua fuafuaina e le faapotopotoga mo le auaunaga i le fanua i le vaitaimi o aso mālōlō ia o loo fotuai mai. Ia fautuaina atu ni auala ina ia taulimaina ai mekasini fou i la outou lava oganuu.
20 minu: “Ia Naunau atu i le Upu Faavaloaga.” Faaopoopoga. Ia faia fesili ma tali i le palakalafa 1-8, ma e tatau ona taulimaina e se toeaina lea mataupu. Ia talanoa le faatatauina o mau o loo sii mai ai.
15 minu: “Uunaia i Latou ia Avea ma Ona Soo.” Ia talanoaina faatasi ma le aofia le mataupu. Ia faatulagaina le faia o ni faataitaiga pupuu se lua. Ia fautuaina ina ia faaaogaina e tagata uma se taimi i vaiaso taitasi mo lo latou ō atu ina ia faia toe asiga.
Pese 46 (105) ma le tatalo faaiu.
Vaiaso e Amata i a Tesema 26
Pese 91 (98)
5 minu: Faasilasilaga masani.
Talanoa le mataupu “Po o le a Suia Taimi o ā Outou Sauniga?” pe afai e fetaui i la outou faapotopotoga.
20 minu: “Ia Naunau atu i le Upu Faavaloaga.” Faaopoopoga. Ia talanoaina i fesili ma tali le palakalafa e 9-13, ia faia e se toeaina. Ia faamamafa atu le tāua o le sauniuni, le auai e lē aunoa, ma le auai i Suesuega Tautusi a le Faapotopotoga. Ia faaalia le agaga talisapaia mo faatonuga faaleagaga, e tāua lea mo le taitaiina ai o i tatou i nei aso e gata ai.
10 minu: Mo manaoga o le faapotopotoga. Pe faia se lauga i le mataupu “Po o E Fesoasoani i Lau Tamaitiiti e Filifili e Auauna i a Ieova? i Le Olomatamata o Oketopa 1, 1994, itulau e 26-30.
10 minu: Sauniuni mo le ofo o Ianuari. O le tusi, “Ia oo mai lou Malo” o le a ofoina ai. O ni manatu mo le taulimaga e mafai ona maua atu i le tusi Reasoning, i le itulau e 9-15. Ia faataitai atu e se tagata talaʻi tomai le tauaaoina o le taulimaga.
Pese 73 (157) ma le tatalo faaiu.