Sauniga mo le Auaunaga i a Ianuari
Vaiaso e Amata i a Ianuari 2
Pese 43 (81)
5 minu: Faasilasilaga masani ma Faasilasilaga talafeagai mai i La Tatou Faiva o le Malo.
20 minu: “Leoleoga e Atiina aʻe Ai.” Lauga a se toeaina e faavae i faamatalaga o i le ulutala i le itulau e 21-23 o le lomiga o Le Olomatamata o Setema 15, 1993. Faamatilatila fautuaga faale-Tusi Paia e aogā i le faafetaiaia o faafitauli.
20 minu: “Faaaogā Lelei ā Tatou Tusi Tuai.” Ia talanoaina ma le aofia. Ia faailoa atu i le faapotopotoga po o ā tusi tuai o maua; ma faalaeiau i latou ina ia ave ni kopi e faaaogā i le auaunaga. Faatulaga se faataitaiga puupuu se tasi pe lua o le taulimaina o lomiga ua fautuaina.
Pese 25 (151) ma le tatalo faaiu.
Vaiaso e Amata i a Ianuari 9
Pese 97 (182)
15 minu: Faasilasilaga masani. Tala o le tupe. Ia autalu ni vala faaoso naunau i le polosiua Pe a Maliu se Tasi e Pele i a te Oe. (Tagaʻi i La Tatou Faiva o le Malo o Oketopa 1994, itulau e 7.) Faalaeiau tagata uma e ave ni kopi e ofo pe a talafeagai.
15 minu: “Le Auala e Faamaopoopo ai se Fatatusi Faatiokarate.” Se lauga mai Le Olomatamata o Novema 1, 1994, itulau 28-31.
15 minu: O E Nofo Sauni e Fesagai ma se Tulaga Faafomai e Luʻia ai le Faatuatua? O se lauga uigā a se toeaina tomai, e fesoasoani i uso ia iloa le tāua o le puipuiga a le pepa Advance Medical Directive/ Release, e faaaogā ai manatu i le palakalafa 1-3 o le faaopoopoga o La Tatou Faiva o le Malo o Novema 1990. Tufa atu pepa fou i na o tagata talaʻi ua papatiso, ona talanoa lea o le tusi o Oketopa 15, 1991 mo taiala i le faatumuina o pepa. Ia fautuaina uso e AUA le faatumuina pepa i le po nei, ae ave i le fale, ia iloilo ma le tatalo ō latou manaoga, ona faatumu ai lea. Ae AUA LE SAINIA pepa i le taimi lena. Ia aumai pepa ua uma ona faatumu i le isi Suesuega Tautusi a le Faapotopotoga, o i inā o le a fesoasoani ai toeaina ia mautinoa ua sainia, molimauina, ma tusia le aso i na pepa. O le a faaaogā e le faisuesuega Tautusi a le Faapotopotoga se lisi fou ia mautinoa ai ua faitau uma lana vaega mo le faatumuina o pepa. (E mafai ona fesoasoani i mātua ua papatiso, i le faatumuina o Identity Cards mo ā latou fanau.) O se tasi o le a misia lena suesuega e ao pea ona fesoasoani i ai le ʻau faisuesuega po o toeaina i le isi Sauniga o le Auaunaga seia maeʻa e tagata talaʻi papatiso uma ona faatumu ia saʻo lelei ā latou pepa ma sainia. E ao i toeaina ona iai se lisi o i latou o loo totoe ma taumafai ia faatumuina uma pepa i se vave e mafai ai.
Pese 24 (51) ma le tatalo faaiu.
Vaiaso e Amata i a Ianuari 16
Pese 108 (200)
10 minu: Faasilasilaga masani. Talanoa i mataupu e faia ai ni talanoaga i ā tatou mekasini fou. Faalaeiau le auai o tagata uma i le auaunaga i le fanua i le iuga o lenei vaiaso.
18 minu: “Faaalia le Manatu Mamafa i Isi—Vaega 1.” Fesili ma tali. Ia faamanatu ai foi i toeaina le manaomia ona galulue felagolagomai ia mautinoa o loo lelei le falealuga, o paipa, o mea tau eletise, ma sauniuniga mo le saogalemu o le Maota o le Malo.—Tagaʻi i La Tatou Faiva o le Malo o Novema 1984, itulau 4, ma La Tatou Faiva o le Malo o Tesema 1985, itulau 6.
17 minu: “Ia Faaalia Lou Manatu Mamafa e Ala i le Faia o Toe Asiga.” Talanoa e tagata talaʻi se toatolu pe toʻafā le fuafuaga ma le tāua o le faia o toe asiga. Faamamafa le sini o le amata o ni suesuega. Autalu taulimaga ua aumaia. Faia se faataitaiga e tasi pe lua ma ia tagata talaʻi ma avatu se faamālō ma ni fautuaga mo le faaleleia.
Pese 89 (162) ma le tatalo faaiu.
Vaiaso e Amata i a Ianuari 23
Pese 51 (92)
5 minu: Faasilasilaga masani.
20 minu: Manaoga o le faapotopotoga, ma pe a fetaui, ia talanoaina ai ma oganuu e seāseā galueaiina. Autalu le tusi o Ianuari 1, 1995. Faalaeiau tagata talaʻi e vave talosaga mo se tofiga. Pe a iai ni tagata talaʻi e fia fesoasoani i le oganuu a faapotopotoga tau lata ane, ia faafesootai le ovasia matagaluega e ala i le Komiti o le Auaunaga a le Faapotopotoga.
20 minu: “Suesuega Totino—Se Mataupu e Ao ona Manatu Mamafa i Ai.” Fesili ma tali. Ia aofia ai ni faamatalaga e fili mai le Watchtower o Iuni 15, 1985, itulau e 8-13.
Pese 92 (172) ma le tatalo faaiu.
Vaiaso e Amata i a Ianuari 30
Pese 88 (160)
10 minu: Faasilasilaga masani. Tala Faatiokarate.
17 minu: “E Tele Pea Mea e Fai.” Fesili ma tali. Fuafua e faatalanoa puupuu ni tagata talaʻi e pisi se toalua po o se toatolu, e pei o se toeaina, o se tinā tausi aiga po o se paeonia; fesili i ai po o le ā le auala o loo faatumauina ai lo latou olioli e ui lava ina tele ā latou mea e fai.
18 minu: Ofo le Tusi Ola e Faavavau i a Fepuari. Faamatala pe aisea e manaomia ai ona iloa e tagata faamatalaga o i lenei tusi. (Tagaʻi i le Watchtower Aperila 1, 1988, itulau 25-26, palakalafa 17, 18.) Faamatala pupuu ni mea na tutupu e iloa ai le talisapaia moni na faaalia e ē loto faamaoni na faitau i lenei tusi. (Tagaʻi i le Watchtower Setema 1, 1989, itulau 32, ma le Watchtower Tesema 1, 1991, itulau 32.) Fai ni nai fautuaga e iloa ai pe faapefea ona tatou amata ni suesuega faale-Tusi Paia ma tagata loto fiafia, o ē na tatou tuu ai le tusi Ola e Faavavau. Ia faataitai puupuu e se tagata talaʻi tomai le taulimaga lona lua e faaaogā ai le ulutala “Life/Happiness” (Ola/Fiafia) i le tusi Reasoning, itulau 13. Pe faaaogā se isi taulimaga e fetaui ma le oganuu. Faamanatu i le aofia e ave ni kopi o lomiga e faaaogā i le auaunaga i lenei vaiaso.
Pese 80 (146) ma le tatalo faaiu.