E Mafai Foi ona E Olioli i Mea Lelei e Tutupu!

O nisi tagata talaʻi e foliga mai e masani lava ona tutupu ai ni mea fiafia e faalaeiauina ai e faamatala mai e uiga i se asiasiga manaia po o se toe asiga na olioli tele ai i latou. O ni mea lelei e tutupu, e lē masani ona oo faafuasei mai. O le tele lava o nei mea, o iuga o ni taumafaiga filigā ma le maumauai. O nei mea lelei e masani lava, e lē na o tagata talaʻi e sili ona popoto e tāutala ma sili atu lo latou tomai, e oo i ai.

O nisi nei o mea ua matauina ia i latou ua sili ona taulau: (1) E latou te auai pea e lē aunoa i le faiva, e masani e mo le tele o taimi i le vaiaso, lea ua faamautinoa ai ia i latou le tele o avanoa e feiloai ai ma tagata fiafia; (2) e latou te tausia pea se vaaiga mautinoa e uiga i tagata e ona fale, e latou te lē muai faia ni faaiuga e faapea, o le a le tali mai i latou; (3) e ia i latou uiga faaleuo, faaalia le mafana ma le naunau moni ia i latou o e faalogo; (4) e latou te filigā ma maumauai i le toe foi atu e faia toe asiga faapea ma i latou e lei maua atu i fale; ma lona (5) e i ai lo latou sini o le amataina lea o suesuega faale-Tusi Paia.

Pe a uma ona iloiloina lau faiva, atonu o le a e iloa ai le auala e mafai ona e olioli tele ai i na mea fiafia na tutupu ua faia ai se sao tele i le fuatele mai o le faiva ma faamalieina ai.