Sauniga o le Auaunaga mo Ianuari
Vaiaso e Amata ia Ianuari 5
Pese 3 (32)
8 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
17 minu: “Ia Fiafia e Avatu se Molimau Maeʻaeʻa.” Ia talanoaina ma le aofia le mataupu. Ia faamatilatila mea tāua o se taulimaga uigā: (1) Fai atu se faafeiloaiga faaleuo, (2) fai se faamatalaga pe laga se fesili e uiga i se mataupu o loo fiafia e talanoa i ai, (3) faasino i se mau talafeagai mai le Tusi Paia, ma le (4) tataʻi le naunau i le lomiga o loo ofoina. Ia faataitai e se tagata talaʻi tomai se taulimaga ua fautuaina mo le uluai asiasiga ma le toe asiga e fesootai atu i ai.
20 minu: Ia Sauniuni Nei e Lagolagoina le Tulafono a le Atua e Faatatau i le Toto. Ia talanoaina e se toeaina agavaa le tāua o le faatumuina o le pepa, Faatonuga ua Muai Saunia mo Fomaʻi ma Tuusaʻoloto Ai (Advance Medical Directive/Release). O taiala faagaeeina i le Salamo 19:7 ua faaalia ai, o le Galuega 15:28, 29, o se faaupuga e faailoa mai ai le tulafono e atoatoa ona lelei a le Atua e faatatau i le toto. O tagata tapuai faamaoni, o loo tauivi ina ia faamaualugaina lena tulafono. O lenei pepa faamaonia e faailoa atu ai lau faaiuga maumauai e faia faapea, ma e tautala mo oe pe afai ua lē mafai ona e tautala mo oe lava. (Faatusatusa i le Faataoto 22:3.) I se pepa fou, ua saunia ai lau tautinoga i le taimi nei e faailoa atu ai lou teena o le toto. Pe a uma lenei sauniga, o Molimau papatisoina o ē e mananao i se pepa fou, o le a tuuina atu i ai se pepa, ma o i latou e iai fanau laiti e lei papatisoina, o le a maua se pepa (ID) mo tamaiti taitoatasi. E lē tatau ona faatumuina nei pepa i le po nei. E tatau ona faatumuina ma le faaeteete i le fale ae, AUA le sainia. O le sainia e molimau ma le tusia ai o le aso, e tatau ona faia pe a maeʻa le Suesuega Tautusi a le Faapotopotoga lea e sosoo mai, i lalo o le vaavaaiga a le fai suesuega. O lenei faiga o le a faamautinoa ai, ua maua le fesoasoani manaomia e tagata uma ua tofia atu i lana vaega, o ē mananao e faatumuina lenei pepa taiala faafomai. O i latou e sainia o latou suafa e avea o ni molimau, e tatau lava ona vaai moni o sainia e lē o umia le pepa le faamaoniga. So o se tasi e lē iai i lena taimi ma e manao e faatumuina ma sainia lena pepa, o le a maua se fesoasoani mai ē fai suesuega/toeaina, i le isi Sauniga o le Auaunaga, seia oo ina maeʻa ona faatutumuina ma le saʻo lelei e tagata talaʻi papatisoina uma a latou pepa. (Autalu le tusi o Oketopa 15, 1991.) I le faaaogaina o nei lava faaupuga e i lenei pepa e tusa ai ma o latou tulaga ma talitonuga, e mafai foi e tagata talaʻi e lei papatisoina ona tusia ni a latou lava pepa taiala e faaaogā mo i latou ma a latou fanau.
Pese 7 (51) ma le tatalo faaiu.
Vaiaso e Amata ia Ianuari 12
Pese 11 (85)
10 minu: Faasilasilaga a le faapotopotoga. Tala o le tupe.
15 minu: “Ia Faaaogā Lelei Pepa Valaau.” Ia talanoaina ma le aofia. Ia faaaofia ai ma se mea na tupu lea e i Le Olomatamata o Tesema 1, 1996, itulau 13, palakalafa 15.
20 minu: “E Foai Mai e Ieova le Malosi e Sili Atu i le Mea e Masani Ai.” Talanoa i fesili ma tali. (Tagai i le w 11/15/90, 31, palakalafa 15-16.) Fuafua mo nisi e faamatala mai ni mea na tutupu e faalaeiau ai e faaalia ai le auala na faamalosia ai i latou e Ieova.
Pese 26 (212) ma le tatalo faaiu.
Vaiaso e Amata ia Ianuari 19
Pese 27 (221)
10 minu: Faasilasilaga a le faapotopotoga.
15 minu: Mo manaoga o le faapotopotoga.
20 minu: Le Suesuega Faaleaiga e Maua ai le Olioli. Ia talanoaina e se ulugalii faaipoipo manaoga faaleagaga o lo la aiga. E popole e uiga i faatosinaga faalelalolagi ua aafia ai la laʻua fanau i se tulaga leaga, ua la lagona e manaomia ona faamalosia le itu faaleagaga o la laʻua fanau, ae ua faailoa mai e seāseā faia la latou suesuega faaleaiga ma e masani lava ona leai ni aogā e maua mai ai. Ia latou autalu faatasi ia fautuaga i le auala e faia ai se suesuega faaleaiga uigā, na sa aumaia i Le Olomatamata o Aokuso 1, 1997, itulau 26-29. Ua filifili i laʻua uma e mulimuli atu i le leoleomaluina o le lelei faaleagaga o le la fanau.
Pese 19 (164) ma le tatalo faaiu.
Vaiaso e Amata ia Ianuari 26
Pese 17 (187)
12 minu: Faasilasilaga a le faapotopotoga. Autalu lomiga mo le ofo ia Fepuari. Ia taʻua se manatu po o ni manatu se lua mai le tusi Tumutumuga o le Faaaliga o le a fesoasoani pe a ofoina le tusi.
15 minu: “Ia Faaalia le Faaaloalo mo le Nofoaga o le Tapuaiga ia Ieova.” Fesili ma tali. Lauga a se toeaina, o sē e tatau ona faia se faatatauga ma le alofa i le faapotopotoga.
18 minu: Lipotiina o lo Tatou Sao i le Galuega Molimau Atu i le Lalolagi Aoao. (E faavae mai i le tusi, Our Ministry, itulau 100-102, 106-110) Lauga ma se talanoaga e faia e le failautusi. Pe a uma ona faailoa atu le faatulagaga faale-Tusi Paia mo le lipotiina atu e lē aunoa o la tatou galuega, ona ia valaaulia lea o ni auauna o le faiva se toalua e autalu le ulutala “Why We Report Our Field Service” (Le Pogai e Lipoti Atu ai la Tatou Auaunaga i le Fanua). Ona faamamafa atu lea e le failautusi le tāua o le vave tuuina atu o lipoti saʻo. E na te taʻua ni mafuaaga e aogā ai le faataatitiaina o ni sini totino, ia faaiu atu i ni faamatalaga faalaeiau e uiga i faamanuiaga e maua e i latou o ē faia atoatoa se sao i le galuega o le molimau atu.
Pese 20 (93) ma le tatalo faaiu.