Se Tumutumuga Fou?

Po o le a tatou ausia ea se tumutumuga fou o le autalaʻi ia Aokuso i le 1998? Pe faamata ea o iai se avanoa e mafai ai ona tatou faia faapea? Ioe, o loo iai. O le tumutumuga i masina uma lava na lipotia mai i lo tatou lālā ia Mati 1998, e 675 le autalaʻi. Ae peitai, o le faaopoopoina faatasi o le aofai o tagata talaʻi i faapotopotoga uma o loo i le vaaiga a le lālā i Samoa, ua faaalia ai e sili atu i lo o le 675 tagata talaʻi. E lē gata i lea, mai lea masina i lea masina, e iai tagata talaʻi fou i nisi o a tatou faapotopotoga ua amata i le auaunaga i le fanua. Ua faaalia ai i lenei mea, e mafai lava ona ausia se tumutumuga fou pe a fai e tagata talaʻi taitoatasi i le faapotopotoga ni fuafuaga maʻoti e faia ai se sao i le faiva a o faagasolo Aokuso ma ia vave ona lipotia mai lena galuega. Talu ai o uluai aso e lua o le masina e paʻū i le Aso Toonai ma le Aso Sa, aisea la e lē faia ai ni fuafuaga e faia se sao i le auaunaga i le fanua i le faaiuga o lena vaiaso? O le tele o a tatou faapotopotoga o le a auai i se tauaofiaga itumalo i le faaiuga o le masina. O le faia o se amataga vave i lena masina, o le a mafai ai ona tatou faaaluina se taimi i le galuega molimau atu ia Aokuso. O le iai o ni taumafaiga autasi, e ao ai ona tatou vaaia se tumutumuga fou o tagata talaʻi mo taimi uma lava i le oganuu a le lālā i Samoa. Maeu sea alaga o le viiga ia Ieova!—Sala. 47:1.