Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Setema 7 e oo ia Tesema 21, 1998. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sese:

1. I le 2 Timoteo 1:6, o “le mea alofa,” ua faasino lea i le tomai e tautala ai i gagana eseese lea na tuuina atu ia Timoteo e ala i le agaga paia o le Atua. [Faitau Tusi Paia faalevaiaso; tagai i le w85-E 5/1 itu. 16 pala. 15.]

2. O se Kerisiano taʻumatuaina e na te ‘⁠toleniina lona mafaufau e iloa ai le eseesega o le saʻo ma le sese’ i le faia ma masani ona faaaogaina po o le ā lava le poto o le Afioga a le Atua o loo ia te ia. (Epe. 5:14) [Faitau Tusi Paia faalevaiaso; tagai i le w86 1/1 itu. 11 pala. 7.]

3. E ui atonu ua lesitalaina faaletulafono Molimau a Ieova i malo e avea o se faalapotopotoga faalotu, ae o le pule e faaauau ai le tapuaiga moni, e manino lava e lē mai se tagata po o se malo faaletagata. [jv itu. 696 pala. 1]

4. O Iakopo, le tusitala o le Tusi Paia, o le Iakopo lava lea na avea ma fofoga fetalai mo le “au aposetolo ma toeaina” i le taimi na faia ai le iugafono e faatatau i le mataupu o le peritome. (Galu. 15:6, 13; Iako. 1:1) [si itu. 248 pala. 2-3]

5. E ui lava ina faapea mai le 1 Peteru 5:13 o Peteru sa i Papelonia i le taimi na tusia ai lana uluai tusi, ae ua faamaonia e mea moni e faapea, o le igoa Papelonia o se taʻu faalilolilo mo Roma. [si itu. 251 pala. 4]

6. O le faaupuga “o loo sau le anetikeriso” i le 1 Ioane 2:18 e faasino i se tagata e toatasi. [Faitau Tusi Paia faalevaiaso; tagai i le rs itu. 32 pala. 3.]

7. O le feeseeseaiga na tupu ona o lagona lē fiafia o Paulo ia Mareko, lea o loo taʻua i le Galuega 15:36-41, sa lei toe foia lava. [it-2 itu. 320 pala. 4]

8. Ua tuu faamulimuli le tusi o Faaaliga i le Tusi Paia ona o le tusi mulimuli lea na tusia e le aposetolo o Ioane. [si itu. 263 pala. 1]

9. I le Faaaliga 13:11-15 ua faaatagia ai ma le saʻo pe na faapefea e le Malo Soofaatasi Malosi o le Lalolagi o Amerika ma Peretania ona avea ma sui sili ma foai ola i le Malo Sosoo ma lona sui o Malo Aufaatasi. [Faitau Tusi Paia faalevaiaso; tagai i le w89 4/1 itu. 27 pala. 3.]

10. O le poloaiga ina ia fealofani, lea o loo taʻua i le Ioane 13:34, o se “poloaiga fou” ona e fou nei lava na i lo le Tulafono Faa-Mose. [jv itu. 711 pala. 3]

Tali fesili ia o loo mulimuli mai:

11. O le ā le uiga o le faaupuga e lē tatau i se ovasia ona “fasi tagata”? (Tito 1:7) [Faitau Tusi Paia faalevaiaso; tagai i le w91 4/15 itu. 19: pala. 21.]

12. E faapefea ona tatou iloa na aʻoaʻo uma e Loi ma Eunike ia Timoteo i Tusi Paia? [it-2 itu. 262 pala. 9]

13. O le ā le uiga o le fetalaiga a Iesu i lona faapea mai, “O manu fasia atoa ma taulaga ua e le finagalo i ai”? (Epe. 10:5) [Faitau Tusi Paia faalevaiaso; tagai i le w96 7/1 itu. 14 pala. 3.]

14. E mafai faapefea e Kerisiano ona ‘manumalo i le lalolagi’? (1 Ioa. 5:3, 4) [si itu. 258 pala. 12]

15. O le ā ua aofia ai i upu a Peteru e faapea, ‘⁠o loo manatua pea le aso o Ieova’? (2 Pete. 3:12) [Faitau Tusi Paia faalevaiaso; tagai i le w97 9/1 itu. 19 pala. 2.]

16. O le ā o aofia ai i le mamā faaleagaga, ma ua faapefea ona fesoasoani lenei mea i le puipuia o le aiga o se tasi? (2 Kori. 7:1) [fy itu. 46 pala. 14]

17. I le ogatasi ma le Faaaliga 1:7, o le a faapefea ia i latou na tuʻia Iesu ona iloa atu o “afio mai o ia ma ao”? [Faitau Tusi Paia faalevaiaso; tagai i le w93 5/1 itu. 22 pala. 7.]

18. E faapefea i Kerisiano mataala ona ʻvaai totoʻa ia i latou lava ma tumau i le mataala’? (Luka 21:34, 36) [jv itu. 714 pala. 4]

19. Ua faapefea ia i latou o faia aʻe ai le faalapotopotoga Kerisiano moni e tasi i aso nei ona maua le malamalamaga saʻo o le Afioga a le Atua? [jv itu. 708 pala. 3]

20. O ā mea manaomia mai le Tusi Paia e tatau ona ausia e le faalapotopotoga Kerisiano moni e tasi i aso e gata ai? [jv itu. 706 pala. 3]

Tuu ane le upu, ni upu po o se fasi fuaiupu manaomia e faauma ai fuaiupu nei:

21. E tatau i se tane ma se avā ona ․․․․․․․․ atu le tasi i le isi, i le manatuaina e sili atu ona tāua le ․․․․․․․․ na i lo o foliga vaaia mai fafo. [fy itu. 26 pusa mo le autaluga]

22. Ua faaalia i le tusi a Paulo i tagata Eperu e faapea, o vala eseese o le ․․․․․․․․ ua faia aʻe ai se ata e le Atua e faasino atu i luma i mea silisili o loo fotuai mai, o nei mea uma lava e iu ia ․․․․․․․․ le faataunuuga o le Tulafono. [si itu. 247 pala. 23]

23. I le 2 Peteru 1:5-8, na fautuaina ai e le aposetolo o Peteru ni ․․․․․․․․ mo le atiina ae o uiga faale-Atua na o le a mafai ona puipuia ai i tatou mai le ․․․․․․․․ po o le ․․․․․․․․. [si itu. 255 pala. 9]

24. Pe a talanoa tane ma avā, o ․․․․․․․․ ma ․․․․․․․․ e tāua tele. [fy itu. 36 pala. 21]

25. O Maria le tinā o Iesu e mai le ituaiga o ․․․․․․․․ ma e tupuga mai le gafa o Tavita; e ala mai ia te ia, ua maua ai e Iesu le ․․․․․․․․ le aiā i le “nofoaiga a Tavita lona tamā.” (Luka 1:32) [it-2 itu. 346 pala. 4]

Fili le tali saʻo i faamatalaga ia o loo mulimuli mai:

26. I le taimi o le uluai faafalepuipuiina o Paulo i Roma, o (Oneseforo; Onesemo; Onani), o se pologa na sola ese mai le aiga o (Filipo; Feso; Filemoni), sa iai ia i latou na faalogologo i le talaʻiga a Paulo. [si itu. 241 pala. 2]

27. O le (alofa; faaaloalo; talimalo) ua faamatalaina e faapea “o le manatunatu atu i isi, o le ava ia i latou.” [fy itu. 30 pala. 7]

28. I le Luka 14:28, o loo fetalai ai Iesu e uiga i le (fuafua mamao; lē faamaimauina o tupe; alofia le nonoina o tupe). [fy itu. 40 pala. 4]

29. O “alii” o loo taʻua i le Iuta 8 ua faasino atu lea i le (tulaga o Iesu; le pule silisili ese a Ieova; le pule ua tuuina mai e le Atua i le faapotopotoga Kerisiano). [si itu. 263 pala. 9]

30. I le Faaaliga 11:11, o “aso e tolu ma le vaeluagalemu o le aso,” ina ua aliai mai le vaega totoe e pei o ni tino oti i le vaaiga a o latou fili, o loo faasino atu i (le tolu ma le ʻafa tausaga; sina vaitaimi puupuu; le tolu ma le ʻafa masina). [Faitau Tusi Paia faalevaiaso; tagai i le re itu. 167 pala. 21.]

Faafetaui mau ia o loo mulimuli mai i faamatalaga o loo lisiina i lalo:

Faata. 8:30; Mata. 19:13-15; Epe. 2:1; Iako. 4:15; 1 Pete. 3:4

31. Ina ia faafetaiaia le taaʻina i gaoioiga faifai pea ia o loo afaina ai i tatou mai lenei lalolagi, e tatau ona “atili ai ona tatou naunau” i le Afioga a le Atua e ala i le faia ma masani le suesue ma fai se faasologa lelei o le faitau Tusi Paia faalevaiaso. [Faitau Tusi Paia faalevaiaso; tagai i le w98 1/1 itu. 7 pala. 9.]

32. Pe a tatou faia ni fuafuaga mo le lumanai, e tatau ona tatou iloiloina faatasi ma le tatalo pe faapefea ona fesootai atu ma fuafuaga a le Atua. [Faitau Tusi Paia faalevaiaso; tagai i le w97 11/15 itu. 21 pala. 10-11.]

33. ‘O le loto agamalu ma le filemu’ o se avā ma o se tinā Kerisiano, e lē gata ina faafiafia ai lana tane, ae o le mea e sili ona tāua e faafiafiaina ai le Atua. [Faitau Tusi Paia faalevaiaso; tagai i le w89 11/1 itu. 19 pala. 12.]

34. I le mulimuli i le faaaoaoga a Ieova, e tatau ai i se tamā lelei ona taumafai e atiina aʻe se faiā mafana, ma le alofa ma lana tamaitiiti mai lava i le amataga o le olaga o le tamaitiiti. [fy itu. 53 pala. 7].

35. Talu ai sa lē faailoga tagata Iesu i lona faamanuia atu i tamaiti laiti, e lē tatau foi la i se tasi ona manatu e sili fanau tama i lo o fanau teine. [fy itu. 52 pala. 4]