Sauniga o le Auaunaga mo Aperila
Vaiaso e Amata ia Aperila 5
Pese 11 (85)
10 minu: Faasilasilaga a le faapotopotoga. Faasilasilaga e fili mai La Tatou Faiva o le Malo. Autalu le mataupu, “Pe Mafai Ona Tatou Ofoina le Tusi o le Creator?” Valaaulia tagata loto fiafia uma ina ia auai i le lauga lautele faapitoa e faia ia Aperila 18. O le matua o le lauga e faapea, “Le Faauooga Moni ma le Atua ma Tuaoi.”
15 minu: “Ia Talaʻi le Tala Lelei ma le Naunautai.” Ia faatomua atu le mataupu mo se minute, ona sosoo lea ma le talanoaina i fesili ma tali. Ia faaiu i se faalaeiauga e faavae i le School Guidebook, itulau e 191-192, palakalafa 12-13.
20 minu: “Le Auala e Felagolagomai ai Tagata o le Aiga i le Faia o se Sao Atoatoa—I le Faiva.” Talanoaina e se aiga. Talanoa i mafuaaga e tatau ai ona manatu le aiga i le auaunaga i le fanua o se masaniga faifai pea faalevaiaso e tatau i tagata uma o le aiga ona auai. Autalu faalaeiauga o loo aumaia i Le Olomatamata o Setema 1, 1993, itulau 17-18, palakalafa 9-12. Valaaulia mātua i le aofia e faamatala mai le auala na latou taulau ai i le faamaopoopoina o gaoioiga faalevaiaso mo le auaunaga a lo latou aiga.
Pese 29 (222) ma le tatalo faaiu.
Vaiaso e Amata ia Aperila 12
Pese 16 (143)
10 minu: Faasilasilaga a le faapotopotoga. Tala o le tupe.
15 minu: Manaoga o le faapotopotoga.
20 minu: “Ia Faateleina le Molimau Atu a o Lata Mai le Iuga.” Fesili ma tali. Faatalanoa se tagata talaʻi se toatasi pe toalua o ē na manatu muamua e lē tāitai mafai ona la auai i le galuega talaʻi a o lea ua auai nei e lē aunoa talu ai ua la talisapaia le manaoga faanatinati ina ia faasalalau atu le feau o le Malo. Pe a lava le taimi, ia faaaofia faapuupuu ai ni tala i mea na tutupu mai le 1997 Yearbook, itulau e 42-48, e faaalia ai le auala ua faamalosia ai e tagata talaʻi a latou taumafaiga e molimau atu e ala i le ō atu i mea e maua i ai tagata.
Pese 20 (93) ma le tatalo faaiu.
Vaiaso e Amata ia Aperila 19
Pese 6 (45)
5 minu: Faasilasilaga a le faapotopotoga.
10 minu: “Po o Iai Sau Ota Faatulagaina o Mekasini?” O se lauga, e lelei pe a faia a lē o se toeaina po o se auauna o le faiva o lē o loo gafa ma mekasini. Ia faailoa atu i le faapotopotoga le aofai o mekasini o loo maua mai i masina taitasi ma le faatatauga o le aofai o mekasini ua mafai ona tufaina atu. E lē tatau ona tatou faataugāina mekasini. Fai atu ni fautuaga e faaalia ai le auala e mafai ona tufa atu ai mekasini tuai.—Tagai i La Tatou Faiva o le Malo, Iulai 1993, itulau 1.
30 minu: “Le Auaunaga Paeonia—Le Faaaogaina Tatau o lo Tatou Taimi!” Fesili ma tali. Tofi ni tagata eseese se toatolu e faamatala mai ni mea na tutupu o loo aumaia i palakalafa e 5-7. Ia faaiu i le valaaulia o i latou uma o ē mafai ona faia faapea ina ia manatunatu e faia ni talosaga mo le auaunaga paeonia lagolago po o le paeonia sauatoa. E mafai ona maua pepa mo talosaga mai so o se sui o le Komiti o le Auaunaga a le Faapotopotoga. Ia faailoa atu o loo maua pea le taimi mo le tuuina mai o ni talosaga mo le paeonia lagolago ia Me.
Pese 26 (212) ma le tatalo faaiu.
Vaiaso e Amata ia Aperila 26
Pese 25 (204)
10 minu: Faasilasilaga a le faapotopotoga. Faamanatu i tagata uma ina ia tuuina mai a latou lipoti o le auaunaga i le fanua mo Aperila. Faasilasila mai suafa o i latou o le a paeonia lagolago ia Me ma faalaeiau isi ina ia tuuina atu ni a latou talosaga. Aumai ni fautuaga aogā mo le ofoina o mekasini fou.—Tagai i La Tatou Faiva o le Malo, Oketopa 1996, itulau 8.
17 minu: “O le ā e Tatau Ona Ou Faia?” Pe a uma ona autalu puupuu le mataupu ma le aofia, ia tagatagai atu i se talavou o loo talanoa i ona mātua e uiga i fuafuaga mo le lumanai pe a iu ana aʻoaʻoga mai le aʻoga maualuga. Latou te autaluina faatasi La Tatou Faiva o le Malo, Iulai 1998, itulau 4. E avatu e mātua se fautuaga e ogatusa ma le faalaeiauga o loo saunia mai i Le Olomatamata o Fepuari 1, 1996, itulau 14, ma Tesema 1, 1996, itulau 17-19. Ona o lenei ua faaitiitia itula manaomia o paeonia, e manatunatu ai la le talavou i le ono mafai ona paeonia a o faaiuina ana aʻoaʻoga.
18 minu: Ia Faatalanoa Paeonia Lagolago. E faatalanoa e le ovasia o le auaunaga ni tagata talaʻi o ē o loo paeonia lagolago i lenei masina faapea foi isi o ē na paeonia lagolago i aso ua mavae. Valaaulia i latou ina ia faamatala mai nisi o faamanuiaga ua latou olioli ai, ni mea ua latou faataunuuina, ma le mafuaaga e latou te vaavaai atu ai ina ia toe paeonia lagolago i le lumanai pe ā ma se tasi po o le lua ni masina i tausaga taitasi.
Pese 18 (162) ma le tatalo faaiu.