Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Me 3 e oo ia Aokuso 23, 1999. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava sailiiliga totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sese:

1. E lē manaomia ona suia e mātua mataupu silisili o le Tusi Paia ina ia feutagai lelei ai ma a latou fanau. [fy itu. 108 pala. 14]

2. O le matua o le Tusi Paia atoa o le faaeaeaina o Ieova e ala i le Malo ua pulea e le “fanau” folafolaina. (Kene. 3:15) [bsi99 itu. 10 pala. 9]

3. E itiiti lava ni faamaoniga mai suesuega i le eleele ma isi puna e ese mai i le Tusi Paia e molimau i le saʻo aʻiaʻi o mea na tutupu o loo faamauina i le Esoto. [bsi99 itu. 14 pala. 4]

4. O i latou o loo ola i ni olaga matuā matitiva o le a faigata ona latou faia ni foai tauofo tautupe e lagolagoina ai manaoga o le Malo. [w97 9/15 itu. 5 pala. 7]

5. O le avatuina o se taui i mātua ma mātua o o tatou mātua o se vaega lea o la tatou tapuaiga ia Ieova. (1 Timo. 5:4) [w97 9/1 itu. 4 pala. 1-2]

6. O le tausia o le Sapati sa avea lea o se faailoga i le amataga i le va o Ieova ma atunuu uma. [Faitau Tusi Paia faalevaiaso; tagai i le rs itu. 345 pala. 3.]

7. Pe afai ua lava le matua aʻe o se tamaitiiti e amata ai ona fai ni ana filifiliga, o le a faateleina la sana avega tauave e tusa ai ma ana gaoioioga, ae maise lava e tusa ai ma le tulafono a le Atua. (Roma 14:12) [fy itu. 134 pala. 17]

8. O Mose na tusia le tusi o Levitiko i le tausaga e 1513 T.L.M. [bsi99 itu. 19 pala. 3-4]

9. O fetalaiga a Iesu o loo faamauina i le Luka 21:20, 21 na faataunuuina i le 66 T.A. ina ua toe tuumuli ese mai Ierusalema ʻau tau a Roma i le taitaiga a le taitaiau sili o Tito. [w97 4/1 itu. 5 pala. 3-4]

10. O aʻoaʻoga a Epikuro sa matautia mo Kerisiano auā na faavae aʻe i lana vaaiga lē faatuatua lea o loo faamatalaina i le 1 Korinito 15:32. [w97 11/1 itu. 24 pala. 4]

Tali fesili ia o loo mulimuli mai.

11. O le ā le lesona tatou te aʻoaʻoina mai le faasaina o le ʻaina o le gaʻo lea o loo taʻua i le Levitiko 3:17? [Faitau Tusi Paia faalevaiaso; tagai i le w84 4/1 itu. 10 pala. 2.]

12. Aisea ua faataga ai e Ieova Satani le Tiapolo ina ia iai pea? (Eso. 9:15, 16) [Faitau Tusi Paia faalevaiaso; tagai i le w92 7/15 itu. 10 pala. 14.]

13. Pe a fetaiai se tagata o se aiga ma se maʻi tigaina, o ā uluai laasaga e ao ona faia e le aiga ina ia faia ai mea e tatau ona faamuamua? (Faata. 15:22) [fy itu. 122 pala. 14]

14. I le ā le uiga na avea ai le nuu o Isaraelu ma “malo o ositaulaga”? (Eso. 19:6) [Faitau Tusi Paia faalevaiaso; tagai i le w95 7/1 itu. 16 pala. 8.]

15. O le ā le eseesega o se mata e “lelei” ma se mata e “leaga”? (Mata. 6:22, 23) [w97 10/1 itu. 26 pala. 5]

16. Ua mafai faapefea ona taʻua Tavita o sē e savali “ma le loto faamaoni ma le amio saʻo” e ui sa ia faia mea sese? (1 Tu. 9:4) [w97 5/1 itu. 5 pala. 2]

17. O ā faaeaga i aso nei ua faaatagia mai i le “faapea lava” ona faia e le nuu o Isaraelu e tusa ai ma le auaunaga i le fale fetafai? (Eso. 39:32) [Faitau Tusi Paia faalevaiaso; tagai i le w95 12/15 itu. 12 pala. 9.]

18. O le ā ua faaalia i le mea moni ua faaalia e Ieova o ia lava e faapea: “O le a Ou Faamaonia Aʻu i le Tulaga e Tatau ona Ou Faamaonia ai Aʻu”? (Eso. 3:14, NW) [Faitau Tusi Paia faalevaiaso; tagai i le w95 3/1 itu. 10 pala. 6.]

19. O le ā le lesona na aʻoaʻoina e ala i le mea na tupu na aafia ai Natapu ma Aviu lea o loo faamauina i le Levitiko 10:1, 2? [Faitau Tusi Paia faalevaiaso; tagai i le w84 4/1 itu. 10 pala. 3.]

20. I lalo o le Tulafono Faa-Mose, aisea sa “lē mamā” ai se fafine pe a fanau mai sana tama? (Levi. 12:2, 5) [Faitau Tusi Paia faalevaiaso; tagai i le w84 4/1 itu. 10 pala. 5.]

Tuu ane le upu, ni upu po o se fasi fuaiupu manaomia e faauma ai fuaiupu nei:

21. E ui lava e leai se vaifofo faafuasei mo lagona tuua toatasi, ae e mafai e se matua nofo toatasi ona onosaia i le malosi mai ia ․․․․․․․․, lea e maua pe a tumau pea i le ․․․․․․․․. (1 Timo. 5:5) [fy itu. 113 pala. 21]

22. O se mea matautia e tupu i le olaga o se tasi atonu ona o ․․․․․․․․ pe ona o lo tatou lava tulaga ․․․․․․․․. [w97 5/15 itu. 22 pala. 7]

23. Ua faailoa mai e le tusi o Esoto o Ieova o le ․․․․․․․․ sili ma o lē ․․․․․․․․ sili ma lē ․․․․․․․․ i ana fuafuaga ofoofogia. [bsi99 itu. 16 pala. 9]

24. O le mea moni, o o tatou uiga pe a na o i ․․․․․․․․, ae lē o i le ․․․․․․․․, e iloa moni ai le ituaiga o tagata tatou te iai. [w97 10/15 itu. 29 pala. 4]

25. Afai e iai ni fesootaiga ․․․․․․․․ pe ․․․․․․․․ i tausamiga o le seleselega, e mafai e Kerisiano moni ona aloese mai le faia o se mea e lē fiafia ai Ieova e ala i le faamamao ese mai so o se ․․․․․․․․ i na tapuaiga ua faaleagaina. [w97 9/15 itu. 9 pala. 6]

Fili le tali saʻo i faamatalaga ia o loo mulimuli mai:

26. O ‘tausaga e fa selau’ e puapuagatia ai le fanau a Aperaamo, na amata ina ua faifaia e Isamaeli ia Isaako i le (1943; 1919; 1913) T.L.M. ma na faaiu ina ua laveaiina mai Aikupito i le (1543; 1519; 1513) T.L.M. (Kene. 15:13) [bsi99 itu. 11 pala. 10]

27. O le taulau manuia o le aiga i le tausia o se maʻi tigaina pe lē taulau foi, e faalagolago atu se vaega tele i (le lelei o tulaga tau tupe; uiga faaalia; inisiua) a ona tagata. (Faata. 17:22) [fy itu. 120 pala. 10]

28. O lē ua faapea ifo i lona loto “e leai se Atua,” o le tagata lea ua “leai se mafaufau” (NW) auā o lena tagata e (leai ni amioga tatau; lei lelei ni ana aʻoaʻoga; leai sona mafaufau). (Sala. 14:1) [w97 10/1 itu. 6 pala. 8]

29. Ina ua fouvale Atamu ma Eva, o le mea sili ona tāua na motusia mai ia i laua o le la (lelei atoatoa; faiā ma le Atua; nofo­aga i le faatoaga), lea sa avea ma ki i lo la fiafiaga. [w97 10/15 itu. 6 pala. 2]

30. O loo sili atu ona tele ona taʻua i le tusi o (Kenese; Esoto; Levitiko) le manaomia ona paia na i lo se isi lava tusi o le Tusi Paia. [bsi99 itu. 21 pala. 9]

Faafetaui mau ia o loo mulimuli mai i faamatalaga o loo lisiina i lalo:

Eso. 5:2; Eso. 21:29; Faata. 1:8; Kala. 5:20; Iako. 1:14, 15

31. So o se tasi e faapea mai o se Kerisiano o lē e faifai pea ma le lē salamo ona lolo atu i le lotoa, e aofia ai le fasileagaina o tagata o le aiga, e mafai ona faateʻaeseina. [fy itu. 150 pala. 23]

32. O le auala tatou te gaoioi ai e amata mai i le auala tatou te mafaufau ai. [fy itu. 148 pala. 18]

33. E faalumaina e Ieova le Atua i latou uma o ē e mumusu ma le faatautee e iloa lona tulaga tau-Atua. [Faitau Tusi Paia faalevaiaso; tagai i le w92 12/15 itu. 14 pala. 18.]

34. E ui ua tofia e le Tusi Paia i le tamā le tiute tauave autū mo le faatonuina o le fanau, ae iai foi se matafaioi tāua e faia e le tinā. [fy itu. 133 pala. 12]

35. Sa leai se avanoa i le Tulafono e talosagaina ai le alofa mutimutivale pe a fasiotia se tagata ona o le faatamala. [Faitau Tusi Paia faalevaiaso; tagai i le w95 11/15 itu. 11 pala. 5.]