Faasologa o le Sauniga o le Auaunaga
Vaiaso e Amata ia Mati 13
Pese 18 (162)
10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.
15 minu: “E Tatou te Talaʻia le Tala Lelei.” Faapuupuu upu tomua ia lē silia i le minute, ona sosoo ai lea ma le talanoaina i fesili ma tali. Avatu ni faaaʻoaʻoga o ni manatu mautinoa faale-Tusi Paia e mafai ona maua mai i le tusi o Le Poto pe a ofoina atu i le faiva.
20 minu: “Pe Mafai Ona Tatou Avea Aperila 2000 ma Masina Aupito Sili Ona Mataʻina?” (Palakalafa 1-11) Fesili ma tali. Ia faailoa mai le tumutumuga o paeonia lagolago i le tala faamaumau a le faapotopotoga talu ai nei. Ia faamatala mai e nisi o ē o aofia ai i lena fuainumera ni aogā tōtino na latou maua mai i le faateleina o lo latou sao i le faiva. Faalāʻeiʻau i le faapotopotoga ina ia galulue agaʻi i se tumutumuga fou o paeonia lagolago ia Aperila. Autalu agavaa o loo taʻua i le tusi Our Ministry, itūlau 113-114. O tagata talaʻi o ē e mananaʻo e paeonia lagolago e mafai ona maua se pepa talosaga pe a uma le sauniga.
Pese 17 (187) ma le tatalo faaiʻu.
Vaiaso e Amata ia Mati 20
Pese 25 (204)
10 minu: Faasilasilaga a le faapotopotoga. Tala o le tupe.
15 minu: “O le ā se Mea e Mafai Ona Ou Faia?” E talanoaina e se faisuʻesuʻega tautusi le matāʻupu faatasi ma se auauna o le faiva se toʻatasi po o se toʻalua. Ona o le eseese o mea e gata mai ai le mafai, atonu e lagona ai e nisi tagata talaʻi e faapea, e itiiti so latou sao i le galuega a le faapotopotoga. Autalu nisi o le tele o auala e mafai ai e i tatou uma ona faia se sao uigā i le faamālosia o le faapotopotoga ma le faaauilumaina o le galuega o le Malo. Ia faaiʻu i le faailoa atu o le auala e mafai ai e tagata taʻitoʻatasi ona “Faia se Sao i le Lipoti Faaiʻu.”—Tagaʻi i le Our Ministry, itūlau 108-110.
20 minu: “Pe Mafai ona Tatou Avea Aperila 2000 ma Masina Aupito Sili Ona Mataʻina?” (Palakalafa 12-18) Fesili ma tali. Faaaofia ai ma se faataʻitaʻiga puupuu o le auala e valaʻaulia ai se tagata e te masani lelei ai i le Faamanatuga. Ia autalu Aperila i le 2000 Calender ma faailoa mai ni faatasiga mo le auaunaga ua fuafuaina e le faapotopotoga. Faamanatu i tagata uma ina ia faia se faasologa talafeagai ina ia auai i le faiva i le tele e te mafaia ai a o faagasolo le masina, i lea ua fuafua ina ia faia ai se sao atoatoa o le faapotopotoga. Faalāʻeiʻau i latou uma o ē e mafaia ona paeonia lagolago ina ia maua se pepa talosaga pe a uma le sauniga.
Pese 8 (53) ma le tatalo faaiʻu.
Vaiaso e Amata ia Mati 27
Pese 10 (82)
10 minu: Faasilasilaga a le faapotopotoga. Faamanatu i tagata uma ina ia tuuina mai a latou lipoti mo le auaunaga i le fanua ia Mati. Faasilasila mai suafa o i latou o le a paeonia lagolago ia Aperila. Faamatala mai faapea e lē o tuai tele le tuuina mai o se talosaga mo le paeonia lagolago. Faailoa mai le faasologa atoa o faatasiga mo le auaunaga i le fanua ua fuafuaina mo le masina. Faamālosiʻau i tagata uma ina ia faia se sao i le faiva i lenei faaiʻuga o le vaiaso, ina ia amata le masina o Aperila i le auai atu i le auaunaga. O le a tatou ofoina atu ia kopi taʻitasi o Le Olomatamata ma le Ala Mai! a o faagasolo le masina. Ia faamatilatila se matāʻupu se tasi ma se manatu talafeagai e mafai ona faaaogā ma le uigā i le taulimaga o lōmiga fou taʻitasi. E tatau i tagata uma ona iai se kopi o le polosiua o le Manaomia ma taumafai e faaaogā e amata ai ni suʻesuʻega faale-Tusi Paia ma tagata e faaalia le fiafia.
13 minu: “Talosaga Atu mo se Fesoasoani.” Lauga ma se talanoaga ma le aofia e faia e se toeaina. Faamatala mai le auala e manaʻomia ai e i tatou uma lava se fesoasoani faifai pea. E moni, e ao i tagata taʻitoʻatasi ona ave o lana lava avega. (Kala. 6:5) Ae peitaʻi, pe afai e lē mafai ona tatou faafesagaʻia, e lē tatau lava ona tatou faatalatū e sāʻili se fesoasoani mai se tagata e taʻumatuaina faaleagaga o le faapotopotoga. Valaʻaulia le aofia e faamatala mai ni mea na tutupu e faaalia ai le auala na faamālosiʻau ai ia i latou le fesoasoani agalelei na tuuina mai e isi o le faapotopotoga.
10 minu: Manaʻoga o le faapotopotoga.
12 minu: Autalu le 2000 Yearbook. Talanoaga ma le aofia ma autalu vala tāua o le “Aofaʻiga Atoa i le 1999,” i le itūlau e 31. Ia talanoa foʻi “Se Tusi Mai le Vaega Pule” i itūlau 3-5. Fesili atu mo ni faamatalaga mai nisi i le auala o le a latou mulimuli ai i faalāʻeiʻauga ua tuuina mai.
Pese 22 (130) ma le tatalo faaiʻu.
Vaiaso e Amata ia Aperila 3
Pese 24 (185)
10 minu: Faasilasilaga a le faapotopotoga ma tala o ni mea na tutupu i le auaunaga i le fanua. Faaaogā ni mea tutupu talu ai nei i le oganuu na fili mai o le a faalāʻeiʻau ai isi ina ia auai i le auaunaga i le fanua.
15 minu “Po o Tatou Mataala Pea—E ʻAlofia Faatōsinaga?” Fesili ma tali.
20 minu: Pe e Tatau ona Ou Lipoti Atu ia Measesē Matuiā? O se lauga uigā e faia e se toeaina, e taulaʻi atu i tagata talavou. E tele faafitauli ua tutupu i le sosaiete i aso nei ua oo ai ni āuga leaga i tagata talavou: le paʻū maulalo o tapulaa tauamio, le faateleina o faiga sauā, pulea e fuālaau faasāina, ma le leai o se faaaloalo mo le pule. O nisi talavou ua ola i se olaga uigalua, i le nanāina o a latou amioga sesē. O lenei mea ua aliaʻi mai ai se faamataʻu moni lava i le tulaga lelei faaleagaga o le faapotopotoga atoa. Ua faia e nisi ni measesē matuiā ma mananaʻo e nanā. Afai e te iloa se uso po o se tuafafine i le faapotopotoga ua faia se measesē matuiā e solia ai le tulafono a le Atua, o le ā le mea e tatau ona e faia? Manatunatu i le matāʻupu silisili o loo faataatia mai i le Levitiko 5:1. (Tagaʻi i Le Olomatamata o Aokuso 15, 1997 itūlau 27-30) Faasino i le tusi, Young People Ask, itūlau 68-69, ma faamatala le mea e tatau ona fai e se tagata e tusa ai ma lena tulaga.
Pese 14 (117) ma le tatalo faaiʻu.