Faasologa o le Sauniga o le Auaunaga

MĀTAU: O le a iai se faasologa i La Tatou Faiva o le Malo mo Sauniga o le Auaunaga mo vaiaso taʻitasi a o faagasolo ni masina o loo sosoo mai. E mafai e faapotopotoga ona faia fetuunaʻiga manaʻomia ina ia avanoa e auai ai i le Tauaofiaga Itumalo “O Ē Faia le Afioga a le Atua.” A talafeagai, faaaogā le 15 minute i le Sauniga o le Auaunaga mulimuli a o leʻi auai i le tauaofiaga e autalu ai fautuaga autū mai faaopoopoga mo Me ma lenei masina. Faalaeiau tagata uma e faaalu nai minute e tagatagaʻi ai i le polokalame ua lolomia a o leʻi amataina vaega o le taeao ma le afiafi ma manatunatu po o ā mea o le a talanoaina. O le a faafaigofieina e lenei mea le taulaʻi atu i le polokalame atoa ma le faia o faamaumauga pupuu ma le uigā. I le lua i le fā vaiaso talu le tauaofiaga, e ao ona iai se autaluga e 30 minute o mea tāua o le polokalame e faia i le Sauniga o le Auaunaga. I lena taimi, o le a sauni tagata uma e faia se faaopoopoga puupuu pe a talosagaina e uso agavaa e toʻatolu ua tofia e taulimaina lenei vaega. E mafai ona taʻua i nei faaopoopoga le auala e faatatau ai i le olaga o se tasi ma i lana faiva i le fanua mea sa aʻoaʻoina i le tauaofiaga. Atonu e filifilia le toe taʻua puupuu o ni mea na tutupu se tasi pe lua. O le faia o sauniuniga lelei o le ki lea i le avea o lenei vaega o le Sauniga o le Auaunaga ma vala faatupu naunau ma aogā.

Vaiaso e Amata ia Aokuso 14

Pese 27 (221)

12 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Talanoa i le lipoti o le auaunaga i le fanua o Me mo le atunuu ma le faapotopotoga. E toe lua faaiʻuga o le vaiaso o Aokuso ia o loo totoe, o lea ia faalaeiau tagata uma ina ia auai i le faiva a o leʻi uma le masina. Autalu le faasologa o faatasiga mo le auaunaga i le fanua i le faaiʻuga o le vaiaso.

15 minu: “Tau le Taua Lelei i la le Faatuatua.” Ia faapuupuu upu tomua ia lē silia i le minute, ona sosoo ai lea ma le talanoaina i fesili ma tali o le mataupu. Ia aumai ni faamatalaga faaopoopo mai le tusi Our Ministry itulau 44-45, e faatatau i le auala e faamaopoopo ai e faisuʻesuʻega o Suʻesuʻega Tautusi a le Faapotopotoga le galuega mo le auaunaga i le fanua i a latou vaega ma uaʻi atu i nisi o loo manaʻomia totino se fesoasoani ina ia auai ma ia tuuina atu e lē aunoa ia lipoti o la latou faiva.

18 minu: Le Auala e Mafai ona E Maua ai Aogā i le Alu i le Aʻoga. E talanoa atu se tamā i lana fanau ina ia fesoasoani ia i latou e talisapaia le pogai e aogā tele ai le alu i le aʻoga. (Tagaʻi i le tusi, Young People Ask, itulau 133-139.) E toʻatele talavou e iai le lagona e faapea o se luʻi moni lava le alu i le aʻoga i totonu o se sosaiete e matuā lē pulea i aso nei. Ua oo foʻi ia i latou le lagona fiu, i le faia o se faaiʻuga e faapea o mea ia latou te aʻoaʻoina o le a itiiti lava se aogā. E autalu e le tamā mataupu silisili faale-Tusi Paia ma māfuaaga aogā e avea ai o se tulaga atamai le mauaina o se aʻoaʻoga lelei. E na te faalaeiauina lana fanau ina ia suʻesuʻe lelei ma ia uaʻi atu i le vasega.

Pese 15 (127) ma le tatalo faaiʻu.

Vaiaso e Amata ia Aokuso 21

Pese 16 (143)

12 minu: Faasilasilaga a le faapotopotoga. Tala o le tupe. Ia fai se faataʻitaʻiga ua lava saunia lelei o le auaunaga i le fanua e faaalia ai le auala e tali atu ai i le fesili: “Aiseā ua faataga ai e se Atua alofa ia mafatiaga e faaauau pea mo se taimi umi?” (Tusi Reasoning, itulau 395-396) Faalaeiau tagata uma ina ia auai i le faiva i lenei faaiʻuga o le vaiaso.

8 minu: “Polokalame Fou o le Aso Faapitoa o Fonotaga.” O se lauga. Faasilasila mai le aso o le isi aso faapitoa o fonotaga pe afai ua iloa, ma uunaʻia tagata uma ina ia auai i le aso atoa. Faalaeiau le ʻautalaʻi ina ia valaaulia ia tagata fiafia fou ma tagata suʻesuʻe o le Tusi Paia.

25 minu: “Po o E Mauaina ai e Oe Lava ni Aogā?” Fesili ma tali.

Pese 5 (46) ma le tatalo faaiʻu.

Vaiaso e Amata ia Aokuso 28

Pese 3 (32)

10 minu: Faasilasilaga a le faapotopotoga. Faamanatu i tagata uma ina ia tuuina atu a latou lipoti o le auaunaga i le fanua mo Aokuso. E ao i faisuʻesuʻega o Suʻesuʻega Tautusi a le Faapotopotoga ona siaki tagata uma o lana vaega ina ia mafai ona tuufaatasia le lipoti atoa a o leʻi oo ia Setema 6.

15 minu: Manaʻoga o le faapotopotoga.

20 minu: “E Aogā Sauniga mo Tagata Talavou.” Talanoaga i fesili ma tali e faia e se toeaina. Pe a talanoaina le palakalafa e 8, ia talanoa i nisi o mea aogā e faaleleia ai le uaʻi atu ma le faalogologo i taimi o sauniga. (Tagaʻi i le Ala Mai!, o Ianuari 8, 1999, itulau 23-24.) Faalaeiau mātua ina ia maumauaʻi e uunaʻia a latou fanau ina ia auai pea i sauniga uma.—Tagaʻi i se mea na tupu i Le Olomatamata o Setema 1, 1997, itulau 25.

Pese 19 (164) ma le tatalo faaiʻu.

Vaiaso e Amata ia Setema 4

Pese 28 (224)

15 minu: Faasilasilaga a le faapotopotoga. Pusa Fesili. Ia tuu atu i tagata talaʻi e faamatala mai ni mea na tutupu a o latou molimau atu lē fuafuaina i le auala a o agaʻi atu i le taimi o le tauaofiaga itumalo po o le toe foʻi mai foʻi mai le tauaofiaga.

10 minu: E Faapitoa lo Tatou Taimi. Lauga a se toeaina, e faavae i Le Olomatamata o Novema 15, 1996, itulau 22-23.

20 minu: “Po o E Tumau?” Lauga ma se talanoaga ma le aofia. Faalaeiau tagata uma ina ia manatunatu i lo latou faataulauina totino i le faaalia o le tumau i le faiva faa-Kerisiano. Pe afai e aliali mai ni vaivaiga, e manaʻomia ona faamalosia i tatou lava faaleagaga. Ia faaaofia ai ni faamatalaga mai Le Olomatamata o Oketopa 1, 1999, itulau e 20-21, palakalafa 17-21. Ia valaaulia ni tagata talaʻi se toʻalua po o se toʻatolu o ē na tumau faamaoni mo se taimi umi, ina ia faamatala mai ni mea o latou faia e fesoasoani ai ia i latou ina ia tutumau.

Pese 25 (204) ma le tatalo faaiʻu.