Faasologa o le Sauniga o le Auaunaga

MĀTAU: O le a iai se faasologa i La Tatou Faiva o le Malo mo Sauniga o le Auaunaga mo vaiaso taʻitasi a o faagasolo nai masina o loo sosoo mai. E mafai e faapotopotoga ona faia fetuunaʻiga manaʻomia ina ia avanoa ai e auai i le Tauaofiaga Itumalo o “Faiaʻoga o le Afioga a le Atua.” A talafeagai, faaaogā le 15 minute i le Sauniga o le Auaunaga mulimuli a o leʻi auai i le tauaofiaga ina ia toe taʻua ai fautuaga e fitoitonu i faaopoopoga o lenei masina. A o faagasolo le masina o Oketopa, o le a faatulagaina ai se Sauniga o le Auaunaga atoa ina ia autaluina ai manatu tāua o le tauaofiaga. Ina ia sauniuni atu mo lena talanoaga, e mafai e i tatou uma ona faia ni faamaumauga uigā i le tauaofiaga, e aofia ai ma se lisi o manatu e tatou te mananaʻo e faatatauina i o tatou lava olaga totino, ma i le faiva i le fanua. Ona mafai lea ona tatou nofosauni e faamatala atu le auala sa tatou faatinoina ai na fautuaga talu mai ona auai i le tauaofiaga. O le a fefaalaeiauaʻi le faalogo atu i le auala na tatou maua ai aogā mai aʻoaʻoga lelei sa tolaulauina mai.

Vaiaso e Amata iā Iulai 9

Pese 4 (43)

8 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

9 minu: O ā Au Fuafuaga mo Aokuso ma Setema? Ia talanoaina e se toeaina po o se auauna o le faiva ma lona aiga a latou fuafuaga mo le isi lua masina e sosoo ai. E latou te talanoa i le auai i vaega uma o le tauaofiaga itumalo, le faia o se paeonia lagolago, ma atonu foʻi i le faia o se faigāmālōlōga ma olioli ai i nisi o faafiafiaga. E malilie uma e faapea e latou te lē mananaʻo e lafoaʻia gaoioiga faatiokarate, e pei o le auai i sauniga a le faapotopotoga, faia o se sao i le auaunaga i le fanua, ma le faia o le suʻesuʻega faale-Tusi Paia a lo latou aiga, e tusa pe faimalaga atu i se isi nofoaga. E latou te faamautinoa foʻi ua lipoti vave atu i le failautusi a latou gaoioiga i le auaunaga i le fanua, e tusa lava po o latou iai i le aiga pe faimalaga atu i se isi nofoaga.

13 minu: “Tauaofiaga—Taimi e Olioli Ai!” Lauga a se toeaina. Faamatala le pogai na faia ai faatasitasiga tetele a tagata o Ieova i taimi o le Tusi Paia, ma le māfuaaga ua faapena ai foʻi ona aogā i aso nei. Ua saunia e nei avanoa ni aufaatasiga e faamalosia ai atoa ma meaʻai tāua faaleagaga. Ia faamamafa le tāua o le auai o tagata uma i aso uma e tolu o le tauaofiaga itumalo.

15 minu: “Ua Faamaopoopoina i le ‘Matagofie ma le Sauni Lelei.’”a Faamatala nisi o fuafuaga tetele e ao ona faia ina ia faamaopoopo ai se tauaofiaga. Faamamafa le tāua o le felagolagomaʻi atoatoa ma faatulagaga ua faataatitia mo lo tatou lelei. Autalu auala e mafai ai e i tatou uma ona faaalia le faaaloalo tatau ma ʻalofia ai faafitauli lē manaʻomia.

Pese 22 (130) ma le tatalo faaiʻu.

Vaiaso e Amata iā Iulai 16

Pese 19 (164)

10 minu: Faasilasilaga a le faapotopotoga. Tala o le tupe.

17 minu: “Ia Faalogo ma Faatupuina Atili le Poto.” Lauga ma se talanoaga ma le aofia. Faamatala le māfuaaga ua avea ai faatonuga ua saunia i tauaofiaga o ni meaʻai tāua faaleagaga, ia e tatou te manaʻomia. Faamatala le matuā tele o le taimi ma taumafaiga e manaʻomia ona faaalu e sauniunia ai sea polokalame. Valaaulia le aofia e faamatala mai po o le ā e mafai e tagata taʻitoʻatasi ona fai ina ia faamautinoa ai ua mauaina e ia atoa ai ma isi le tele o aogā. Faamatilatila mai māfuaaga e tatau ai iā i tatou uma lava ona nonofo i o tatou nofoa pe a amataina vaega taʻitasi.

18 minu: “Ia Faia Mea Lelei ma Viiviia Ai!”b Faamatala le pogai e tosina mai ai tagata iā i tatou pe a tatou auai i se tauaofiaga tele. O faamatalaga fiafia e faia e tagata o loo mātauina i tatou e faaopoopo i le molimau lelei o le Malo, a o faamatalaga faitio e mafai ona liliu ese ai tagata. Faailoa mai mea patino e tatau ona tatou fai e faailoa atu ai o loo iā i tatou uiga faa-Kerisiano lea e aofia ai ma le manatu mamafa moni mo isi.

Pese 12 (113) ma le tatalo faaiʻu.

Vaiaso e Amata iā Iulai 23

Pese 10 (82)

8 minu: Faasilasilaga a le faapotopotoga.

17 minu: Lipoti o le Auaunaga o Aperila. Lauga ma faatalatalanoaga e faia e le ovasia o le auaunaga. Faamatilatila le lipoti o le auaunaga i le fanua iā Aperila mo le atunuu ma le faapotopotoga. Faatalanoa ni tagata talaʻi eseese o ē na faia ni taumafaiga faaopoopo i le faiva i lena masina. Ia latou faamatala mai le olioli na latou maua mai le faia o se sao atoatoa faapea ma mea o loo latou faia e tumau ai ona pisi i le faiva.—Tagaʻi i le faaopoopoga o La Tatou Faiva o le Malo o Mati 2001, palakalafa e 28-30.

20 minu: “Pe Mafai ona E Auauna i Nofoaga o Loo Tele ai le Manaʻoga?”c Ia faaaofia ai ma ni mea faalaeiau na tutupu i le ʻautalaʻi i oganuu maotua ma e seāseā ona galueaʻiina.—Tagaʻi i le tusi, Our Ministry, itulau e 112-113.

Pese 8 (53) ma le tatalo faaiʻu.

Vaiaso e Amata iā Iulai 30

Pese 23 (200)

18 minu: Faasilasilaga a le faapotopotoga. Faamanatu i le ʻautalaʻi ia tuuina mai a latou lipoti o le auaunaga i le fanua mo Iulai. Autalu faatasi ma le aofia ia faamatalaga o loo i le mataupu “Lipotiina o le Galuega o Toe Asiga ma Suʻesuʻega Faale-Tusi Paia.

12 minu: Manaʻoga o le faapotopotoga.

15 minu: Good News for All Nations. Talanoaga ma le aofia ma se faataʻitaʻiga. Ua faateleina le pasene o tagata i atunuu taʻitasi o loo faia aʻe i tagata e tautala i se isi gagana. Faailoa mai le auala e mafai ona tatou molimau atu ai iā i latou i le faaaogāina o le tamaʻitusi, Good News for All Nations, faatasi ma le faaopoopoga o loo iai gagana a tagata Polenisia. Aotele le “Auala e Faaaogā ai Lenei Tamaʻitusi,” i le itulau e 2, ma faitau le taulimaga lena e aliaʻi mai ai i le gagana a la outou faapotopotoga. Faataʻitaʻi le mea e fai pe afai e feiloaʻi ma se tagata e tautala i se isi gagana i le fale. Faamatala mai ni mea mananaia na tutupu i le auala na faia ai lenei mea i la outou oganuu.—Tagaʻi i le faaopoopoga o La Tatou Faiva o le Malo o Fepuari 1998, palakalafa e 9-10.

Pese 13 (124) ma le tatalo faaiʻu.

Vaiaso e Amata iā Aokuso 6

Pese 28 (224)

15 minu: Faasilasilaga a le faapotopotoga. Valaaulia le aofia e faamatala mai ni mea na tutupu i le molimau atu lē fuafuaina a o faimalaga atu i le tauaofiaga, faigāmālōlōga, po o le asiasi atu foʻi i tauaiga e lē o ni Molimau.

10 minu: “Polokalame Fou o le Fonotaga Matagaluega.” O se lauga. Faasilasila le aso o le isi fonotaga pe afai ua iloa. E tatau i tagata uma ona faia se tauiviga faapitoa e valaaulia ai ia tagata suʻesuʻe o le Tusi Paia. Faalaeiau tagata talaʻi e leʻi papatisoina ina ia mafaufau loloto e uiga i le faailogaina o lo latou tuuina atu iā Ieova i le fonotaga o loo sosoo mai. Ia uunaʻia tagata uma ina ia auai i vaega uma e lua i aso taʻitasi.

20 minu: “Aua E te Faatalatū!”d A lava le taimi, faamatala ni mea na tutupu mai Le Olomatamata o Tesema 15, 1999, itulau e 25.

Pese 26 (212) ma le tatalo faaiʻu.

[Faaopoopoga i lalo]