Faasologa o le Sauniga o le Auaunaga

Vaiaso e Amata iā Setema 10

Pese 4 (43)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

13 minu: Manaʻoga o le faapotopotoga.

22 minu: “Po o Māeʻaeʻa Ona E Faataunuuina Lau Faiva?”a Pe a uma ona talanoaina palakalafa 1-3 ma le aofia, ona faataʻitaʻi lea o ni taulimaga pupuu se lua e ofoina ai mekasini—o le tasi e faaaogā ai Le Olomatamata o Setema 1 ma le isi e faaaogā ai le Ala Mai! o Iulai-Setema. Pe a uma ona talanoaina le palakalafa e 4, ia faataʻitaʻi mai le taulimaga lenā o loo fautuaina atu, faatasi ai ma le tusi o Le Poto.

Pese 25 (204) ma le tatalo faaiʻu.

Vaiaso e Amata iā Setema 17

Pese 8 (53)

15 minu: Faasilasilaga a le faapotopotoga. Tala o le tupe. “O Loo Iai i le Index.” Faaali mai le auala e maua ai taulimaga mo le tusi o Talavou.

15 minu: O ā ni Mea na Tatou Faataunuuina i le Tausaga ua Mavae? Lauga a le ovasia o le auaunaga. Taʻu mai ni mea tāua mai le lipoti a le faapotopotoga mo le tausaga faaleauaunaga e 2001. Ia faamālō atu i tagata uma mo mea lelei na faataunuuina. Ia taulaʻi atu i le tulaga o le faapotopotoga e tusa ai ma le auai i sauniga, le auai e lē aunoa i le auaunaga i le fanua, ma le faia o suʻesuʻega faale-Tusi Paia, ma otooto mai ai ni fautuaga aogā mo le agaʻigaʻi i luma. Ia faataatitia ni sini e mafai ona ausia mo le tausaga o loo fotuaʻi mai.

15 minu: Pusa Fesili. O se lauga. Ia autalu le faasologa faalevaiaso a le faapotopotoga i faatasiga mo le auaunaga. Ia faamatala le auala e mafai ai e tagata uma e auai atu ona saosaolaumea i le faia o se talanoaga uigā i nei faatasiga. Ia faalaeiau le faapotopotoga e lagolago atu i nei fuafuaga mo le auaunaga.

Pese 26 (212) ma le tatalo faaiʻu.

Vaiaso e Amata iā Setema 24

Pese 3 (32)

15 minu: Faasilasilaga a le faapotopotoga. E ala i le faatatauina o fautuaga o loo aumaia i le mataupu “Le Tala e Fai Atu e Uiga i Mekasini,” ia fai ni faataʻitaʻiga se lua—o le tasi e faaaogā ai Le Olomatamata o Setema 15 a o le isi e faaaogā ai le Awake! o Setema 22.

30 minu: Ia Alofa i le Atua—Ae Lē o Mea a le Lalolagi. (1 Ioa. 2:15-17) Lauga ma se talanoaga ma le aofia e autalu ai le polokalame o le fonotaga matagaluega lea na faia i le tausaga faaleauaunaga na seʻi faatoʻā mavae atu. Ia valaaulia tagata talaʻi e faamatala mai ni manatu autū na latou aʻoaʻoina ma le auala na mafai ona latou faatatauina ai na manatu iā i latou lava pe i o latou aiga. (E mafai ona muaʻi tofia atu ni vaega e fai.) Ia faamatilatila atu vaega nei o le polokalame: (1) “O le Alofa i le Atua ua Uunaʻia ai i Tatou i la Tatou Faiva.” O lenā alofa e fesoasoani iā i tatou ina ia manumalo ai i faalogona sesē ia e ono faatalatū ai i la tatou talaʻiga—le matafefe, faalogona o le lē agavaa, le fefe i tagata. (2) “O Ē Alolofa ia Ieova e ʻInoʻino i le Leaga.” (w99 10/1 28-31) O le iai o se faiā ma le Atua e faalagolago atu i lo tatou ʻinoʻino i mea e ʻinoʻino i ai o ia—e lē gata o mea ua manino mai le matuā leaga, ae o mea leaga foʻi e lē o faigofie ona iloa atu. (3) “Ia Tausisi i le Ala Silisili o le Alofa.” (w92 11/15 27-30) Ua faaali e le 1 Korinito 13:4-8 le pogai tatou te onosaia ai vaivaiga o isi, ʻalofia uiga manatu faapito ma le fia faatautavā, aua le faasalalauina atu ni tala faitatala matuiā, ma ia faamaoni atu pea i le faalapotopotoga a le Atua. (4) “Mea i le Lalolagi—E Faapefea Ona Tatou Vaai i Ai?” E lē tatau ona tatou alolofa i mea o i le lalolagi, lolo atu i tuʻinanauga o le tino, faasesēina i tuʻinanauga o mata, po o le fai o ni faiga faalialiavale i mea o lo tatou olaga. (5) “O le Lē ni Ō le Lalolagi e Leoleomaluina ai i Tatou.” Ua faaalia mai e le 2 Korinito 6:14-17 le auala e lē mafai ai ona talia i tatou e le Atua ona o nisi o talitonuga, o aganuu, ma faiga masani. E tatau ona tatou nofouta ma ʻalofia mailei o loo faufau e le Tiapolo. (6) “O Folafolaga Tauatua i Ē Alolofa i le Atua.” (w87 2/1 5-6) O le faamanuia a Ieova e faaopoopo mai ai le fiafia i o tatou olaga ma faatamaoaiga ai i tatou i le itu faaleagaga.—1 Timo. 6:17-19.

Pese 23 (200) ma le tatalo faaiʻu.

Vaiaso e Amata iā Oketopa 1

Pese 9 (37)

10 minu: Faasilasilaga a le faapotopotoga. Faamanatu i tagata talaʻi ina ia tuuina mai a latou lipoti o le auaunaga i le fanua mo Setema.

15 minu: E Mafai Faapefea Ona Faaleleia Atili Aʻu Meaaʻoga? E talanoa atu se toeaina ma lana avā po o se auauna foʻi o le faiva ma lana avā i sa la tama o loo aʻoga. O loo la popole ona o loo faalētonu le tamaitiiti i le faiga o ana meaaʻoga. E latou te autaluina fautuaga i le tusi o Talavou i le mataupu e 11 ma le tusi o le Young People Ask, i le mataupu e 18, ma talanoa po o ā ni mea e manaʻomia ona faia e le tamaitiiti ina ia faaleleia ai. Ia faamamafa e mātua le tāua o le lelei o ni aʻoaʻoga faavae ina ia faaaogā ai e se tasi sona tomai atoatoa i le faaauilumaina o le auaunaga paia.

20 minu: “Po o se Toʻatugā Lea i le Talaʻiga?”b Ia faamamafa le manaʻomia ona paleni i galuega totogi, i le faatulagaina o mea e tatau ona faamuamua lea e mafai ai ona faamuamua pea manaʻoga o le Malo. Ia valaaulia ni ulu o aiga o le faapotopotoga e faamatala mai po o faapefea ona latou faafetaiaʻia le luʻi o le tausia o o latou ʻauaiga i le itu faaletino e aunoa ma le lafoaʻia ai o o latou manaʻoga faaleagaga.

Pese 29 (222) ma le tatalo faaiʻu.

[Faaopoopoga i lalo]