Faasologa o le Sauniga o le Auaunaga

Vaiaso e Amata iā Novema 12

Pese 11 (85)

8 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Otooto mai ni fuafuaga faapitoa mo le auaunaga i le fanua iā Novema 22 (na o le oganuu a le Iunaite Setete o Amerika).

15 minu: “Ia Faalagolago iā Ieova mo le Malosi.”a Faaaofia ai ma ni faaopoopoga pupuu mai Le Olomatamata, Oketopa 1, 1999, itulau 18-19, palakalafa 6-8.

22 minu: “Faamanuiaga Mai le Faaalia o le Talisapaia o le Alofa o Ieova—Vaega 1.”b Pe a talanoaina palakalafa e 3-6, valaaulia le faapotopotoga ina ia faamatala mai ni mea e faalaeiauina ai sa tutupu iā i latou i le galuega i lea fale i lea fale, le molimau atu i alatetele, i toe asiga ma suʻesuʻega faale-Tusi Paia.

Pese 21 (191) ma le tatalo faaiʻu.

Vaiaso e Amata iā Novema 19

Pese 6 (45)

8 minu: Faasilasilaga a le faapotopotoga. Tala o le tupe.

15 minu: Manaʻoga o le faapotopotoga.

22 minu: “Ia Atiina Aʻe Lou Tomai Faalemafaufau.”c E taulimaina e se toeaina se autaluga olaola o le polokalame o le aso faapitoa o fonotaga lea na faia i le tausaga faaleauaunaga ua mavae.

Pese 13 (124) ma le tatalo faaiʻu.

Vaiaso e Amata iā Novema 26

Pese 4 (43)

15 minu: Faasilasilaga a le faapotopotoga. Faamanatu i le ʻautalaʻi e faaoo ane a latou lipoti o le auaunaga i le fanua mo Novema. Ia fai ni faataʻitaʻiga ua saunia lelei se lua o le ofoina o mekasini e faaaogā ai fautuaga o loo i “Le Tala e Fai Atu e Uiga i Mekasini”—o le isi e faaaogā ai Le Olomatamata o Novema 15 ae o le isi o le Ala Mai! o Oketopa-Tesema. Ona faamatala lea o le auala e maua ai se taulimaga e faaaogā pe a ofo le tusi o Le Tagata Silisili po o Laʻu Tusi o Tala o Le Tusi Paia iā Tesema. Tagaʻi i le Watch Tower Publications Index i lalo o le ulutala “Taulimaga” (Presentations) ma le tamaʻi ulutala ua faaogatotonu o le “Lisiina i Lomiga” (List by Publication). Talanoa se faataʻitaʻiga se tasi pe lua.

15 minu: “O Fea e Mafai Ona Ou Maua ai le Taimi?” Lauga ma le talanoaga ma le aofia. Faaaofia ai ma manatu tāua mai Le Olomatamata o Oketopa 1, 2000, itulau e 20-21, palakalafa 9-10, i lalo o le tamaʻi ulutala “Le Auala ua Faaavanoa ai e Nisi se Taimi e Suʻesuʻe Ai.” Valaaulia le aofia e faamatala mai ni auala aogā ua latou mauaina ai le taimi mo mea e sili atu ona tāua e ala i le faaitiitia o gaoioiga e lē manaʻomia. Faamamafa le manaʻoga ina ia faatulaga e se tasi le taimi mo ana suʻesuʻega totino ma suʻesuʻega faaleaiga, sauniga a le faapotopotoga, le faiva i le fanua ma le faitauina o le Tusi Paia i aso taʻitasi.

15 minu: O Loo Viivii Talavou iā Ieova. Talanoaga ma le aofia. O le tele o faapotopotoga o loo iai le toʻatele o talavou laiti o loo faia se sao i le galuega talaʻi. Ua talafeagai mo i latou le faia faapea, e ui lava o loo tele ina molimau atu ai i tagata matutua. (Sala. 148:12, 13; Mata. 21:15, 16) Pe afai e naunau mātua ma isi tagata talaʻi e tuuina atu le toleniga ma ni faalaeiauga, o le a tofo ai ē talavou i le olioli tele i le auaunaga i le fanua. Valaaulia le aofia ina ia faailoa mai ni auala e faaaofia ai ē iti i le galuega i le fale i le fale ma toe asiga. Talosaga atu i mātua ina ia faamatala mai mea na latou faia e fesoasoani ai i a latou fanau ina ia aʻoaʻoina le auala e ofoina ai mekasini, le faaaogāina o le Tusi Paia i a latou taulimaga, ma le tautala atu ma le mautinoa i fale. Faamamafa aogā o le avatu o le faamālō i tamaiti. Faatalanoa ni tagata talaʻi talavou se toʻatasi pe toʻalua, ma ia faamatala mai e i laʻua mea o loo la olioli ai e faatatau i le galuega talaʻi ma māfuaaga.

Pese 27 (221) ma le tatalo faaiʻu.

Vaiaso e Amata iā Tesema 3

Pese 22 (130)

10 minu: Faasilasilaga a le faapotopotoga.

15 minu: Vaega o le Tusi Reasoning. Talanoaga ma le aofia. Iloilo faaaʻoaʻoga o loo mulimuli mai i le auala e matuā aogā ai vaega eseese o loo i le tusi i le faamatalaina o aʻoaʻoga a le Tusi Paia: Faauigaga, e pei o le “Malo” (Kingdom) (itulau 225-226); Taliina o fesili e pei o le: Po o Ieova i le “Feagaiga Tuai” o Iesu Keriso lenā i le “Feagaiga Fou”? (itulau 197-198) po o le upu moni e uiga i le seoli (itulau 169-170); o lisi, o loo faamatala auʻiliʻili mai ai talitonuga o loo faaesea ai i tatou mai isi lotu (itulau 199-201) po o le faaalia foʻi o le auala e mafai ai ona iloa e le tagata le lotu e saʻo (itulau 328-230); po o le faaalia ai o le leaga o le faaaogāina o le mariuana ma le tapaa (itulau 108-111). Faalaeiau tagata talaʻi ina ia faaaogā lenei fesoasoani matagofie tau aʻoaʻo atu i le po o le ā lava le taimi e tulaʻi mai ai se avanoa i le faiva i le fanua.

20 minu: “Ua Tatou Maua se Meafaigaluega Fou mo le Amataina o Suʻesuʻega!” Talanoaga ma le aofia e taulimaina e le ovasia o le auaunaga. I le amataga, ia tufatufaina atu e le ʻautautua i tagata uma o le aofia se kopi o le sāvali fou Pe E te Manaʻo e Fia Iloa Atili e Faatatau i le Tusi Paia? Faaaofia ai ma ni faataʻitaʻiga o ni taulimaga se lua ua saunia lelei, e faaaogā i ai fautuaga i le pusa “Le Tala e Fai Atu e Uiga i Mekasini.” O le tasi tagata talaʻi na te ofoina atu Le Olomatamata o Novema 1, a o le isi na te ofoina atu le Awake! o Novema 8. I faataʻitaʻiga taʻitasi, ia faaiʻu e le tagata talaʻi i le tuuina atu o le sāvali o le Iloa le Tusi Paia i lē e ona le fale—i lē na leʻi taliaina mekasini ma lē na taliaina. Faalaeiau tagata uma ina ia tuuina atu le sāvali fou iā i latou uma e feiloaʻi atu i ai i le faiva.

Pese 23 (200) ma le tatalo faaiʻu.

[Faaopoopoga i lalo]