Molimau Atu—I Tuluʻiga o le Lalolagi

Faamata o ai o le a matamata soo i le vitiō To the Ends of the Earth? (I Tuluʻiga o le Lalolagi) O i latou o loo iai le sini e avea ma misionare. Aiseā? Ina ia latou faamasani ai i le Aʻoga Faale-Tusi Paia a le Olomatamata o Kiliata. Na faailogaina e le vitiō le 50 tausaga o lenei aʻoga tutasi lea na faatūina aʻe ina ia faalautele atu ai le galuega o le molimau atu i “tuluʻiga uma lava o le lalolagi.” (Sala. 22:27) O le matamata i ai o le a faateleina ai lou talisapaia mo le galuega sili ona tāua o le talaʻiina o le tala lelei ma o le a faagaeetia ai oe e faateleina au galuega. Seʻi iloiloina: (1) E oo ane i tausaga amata mai le 1940, o le ā na avea ma popolega autū o le faalapotopotoga a Ieova? (Galu. 1:8) (2) I le 1942, o le ā le valoaga faale-Tusi Paia na faasolo ona faataunuuina, ma na faapefea ona ese le mea na tatou taulaʻi atu i ai ma le vaaiga masani a le lalolagi? (Faaa. 17:8; w89-SM 7/1 itu. 14 pala. 12) (3) O ā fuafuaga na faia ina ia faaaogā tatau i ai le vaitaimi na faatalitalia mo le filemu pe a mavae le Taua Lona Lua a le Lalolagi? (jv itu. 522 pala. 1-2) (4) O ā uiga o tagata aʻoʻoga o le uluaʻi vasega a le Aʻoga o Kiliata e te fiafia i ai? (5) I uluaʻi tausaga e 50 o Kiliata, e toʻafia tagata aʻoʻoga na faauuina ai, ae fia atunuu na auina atu i ai i latou? (6) O le ā le tele o aʻoaʻoga o le Tusi Paia na mauaina moni e tagata aʻoʻoga? (7) E faapefea ona avea se tasi o se misionare ma se faiaʻoga agavaa o le Tusi Paia? (8) E faapeʻī le olaga o se misionare, ma o ā luʻi e tatau ona fesagaʻia? (9) E faapeʻī faalogona o misionare e uiga i le auala o loo ola ai, ma o ā ni iʻuga olioli mai na faataulagaina? (10) O le ā le tele o ni galuega ua mafai ona faataunuuina e le ʻaumisionare? Aumai ni faaaʻoaʻoga. (11) O ā ni manatu e oo ifo iā te oe e tusa ai ma nei uso ma tuafāfine o ē ua ō atu i “tuluiga uma lava o le lalolagi” e talaʻi ai? (12) O le ā ua faalaeiauina i tatou e le faaaʻoaʻoga ua faataatia e misionare e fai, ma aiseā?