Le Tala e Fai Atu e Uiga i Mekasini

Le Olomatamata Tese. 1

“I lenei taimi o le tausaga, ua pisi ai le toʻatele o tagata i le ofoina atu o meaalofa ma le faia o isi gaoioiga agalelei. Ua faamanatu mai ai iā i tatou e lenā mea le Tulafono Faaauro. [Faitau le Mataio 7:12.] Pe e te manatu e mafai ona ola e tusa ai o lenā tulafono i le tausaga atoa? [Faatali mo se tali.] Ua saunia e lenei mekasini le tele o mea e ao ona manatunatu i ai e faatatau i le ‘Tulafono Faaauro—Po o Aogā Pea?’”

Awake! Tese. 8

“Ua folafola mai e le Tusi Paia e iai le aso o le a lē toe iai se tasi e faapea mai, ‘Ou te maʻi.’ [Faitau le Isaia 33:24.] Ina ia ōgatusa ma lenā folafolaga, ua faaautū ai lenei lomiga o le Awake! i se maʻi o loo pagatia ai le faitau miliona o tagata, i latou e laiti ma tagata matutua. Ua faaulutalaina ‘Se Faamoemoe mo Ē o Aafia i le Maʻi Gugu’ (Hope for Arthritis Sufferers). Ou te mautinoa o le a tele ni faamatalaga o le a e maua ai i nei mataupu.”

Le Olomatamata Tese. 15

“I lenei taimi o le tausaga, e toʻatele tagata o loo mafaufau iā Iesu Keriso, pe faamata e latou te talitonu iā te ia pe leai. Ua faapea mai nisi e lē o ia o se tagata moni. O le ā sou manatu? [Pe a uma ona tali mai, faitau le Mataio 16:15, 16.] E mautinoa o le a e fiafia e faitauina lenei mataupu e uiga i ‘Le Iesu Moni’ ma vaai auala o ia taaʻina ai oe i le taimi nei faapea foʻi i le lumanaʻi.”

Awake! Tese. 22

“Pe e te lē ioe e faapea ina ia faamautūina le ola, tatou te manaʻomia ai se sapalai o meaʻai e malupuipuia ma faatuatuaina? [Faatali mo se tali.] Mātau le folafolaga na faia e le Atua i ona tagata i tuā i taimi o le Tusi Paia. [Faitau le Levitiko 26:4, 5.] Ua talanoaina e le Awake! popolega o loo iai i le taimi nei e faatatau i a tatou meaʻai. O loo faasino atu i le taimi e aumaia ai e le Atua le tulaga saogalemu i le lalolagi aoao.”