Le Tala e Fai Atu e Uiga i Mekasini

Le Olomatamata Tese. 1

“O nisi tagata i aso nei ua aunoa ma se faatuatua i le Atua. O se tasi o māfuaaga o lenei mea ona e latou te lē o maua ni tali e faamalieina ai i fesili e pei o fesili nei. [Fai se faataʻitaʻiga mai le pusa i le itulau e 6.] I lenei kopi o Le Olomatamata, o loo faamatalaina ai se vala tāua i le atiina aʻe o se faatuatua moni i le Atua.” Faitau le Filipi 1:9.

Ala Mai! Oke.-Tese.

“O le toʻatele o i tatou e iloa se tasi o loo maua i le maʻi suka. O le ā le tele o lou silafia i lenei gasegase? [Faaali le faavaa o le mekasini ma tuu le avanoa mo se tali.] Ua faamatalaina e lenei mekasini ia māfuaaga ma togafitiga o le maʻi suka. O loo talanoaina ai foʻi le folafolaga a le Tusi Paia i le vaifofō tumau mo gasegase uma.” Ia faaiʻu i le faitauina o le Isaia 33:24.

Le Olomatamata Tese. 15

“O le taimi lenei o le tausaga o loo mafaufau ai le toʻatele o tagata i le soifua mai o Iesu. Pe na e tōmanatu ea, po o le ā le ituaiga o aiga na soifua aʻe ai o ia? [Faatali mo se tali. Ona faitau lea o le Luka 2:51, 52.] O loo taʻua e Le Olomatamata lenei, ni lesona aogā e mafai ona tatou maua mai i le tala a le Tusi Paia, e uiga i le soifua aʻe o Iesu.”

Awake! Tese. 22

“O i tatou uma lava, tatou te naunau e vaai atu o loo ola fiafia ma taulau manuia a tatou fanau. O le ā sou taofi, o le ā le mea e sili ona manaʻomia e le fanau ina ia feagai ai ma lenei lalolagi faigatā? [Faatali mo se tali. Ona faitau lea o le Faataoto 22:6.] O loo talanoaina e le Awake! lenei, mea e manaʻomia e le fanau, ma le auala e faataunuu ai e mātua nei manaʻoga.”