Le Tala e Fai Atu e Uiga i Mekasini

Le Olomatamata Tese. 15

“A o faagasolo lenei taimi o le tausaga, e toʻatele tagata e tomānatu i le faasilasilaga a agelu i le fanau mai o Iesu. [Faitau le Luka 2:14.] Pe e te manatu o le a iai moni lava le filemu i le lalolagi? [Faatali mo se tali.] O loo talanoaina i lenei mekasini le auala o le a aumaia ai e Iesu le filemu i le lalolagi i se taimi e lē o toe mamao.”

Ala Mai! Oke.-Tese.

“Faamata o taulau taumafaiga a malo e faatupu le filemu ma foʻia faafitauli? [Faatali mo se tali.] E ui i taumafaiga a malo ma lotu e aumaia le filemu, ae e lē o taulau manuia. Ua fautuaina i tatou e faamoemoe i le Atua, auā o Ia na foaʻiina mai le ola, ma o lona finagalo ia tatou maua le filemu ma le fiafia. [Faitau le Isaia 64:8.] O loo taʻua i lenei lomiga le taimi o le a oo mai ai le filemu i le lalolagi.” Itu. 15-17.

Le Olomatamata Ianu. 1

“Pe e te manatu e faalagolago le manuia o se tasi i ʻoa na te maua? [Faatali mo se tali. Faitau le 1 Timoteo 6:9, 10.] E ui e lē o taʻusala e le Tusi Paia tupe, ae ua taʻua ai e lē faalagolago le taulau manuia i ʻoa. Ua taʻua lenā manatu i lenei mekasini.”

Ala Mai! Ianu.-Mati

“O le toʻatele o i tatou ua motusia mafutaga ma ē pele ona o le oti. Pe e te manatu e iai ni mea e mafai ona tatou faia e fesoasoani ai iā i latou? [Faatali mo se tali.] Ua aumaia i le Tusi Paia le tali o lenā fesili, ma o loo iloilo ai foʻi le folafolaga faamāfanafanaloto lenei.” Faitau le Ioane 5:28, 29. Ona faaali lea o le mataupu i le itulau 26.