Faasologa o le Sauniga o le Auaunaga

Vaiaso e Amata iā Ianuari 14

Pese 18 (162)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

20 minu: Mauaina Aogā Mai Sauniuniga Alofa. Lauga a se toeaina agavaa, e talanoaina ai sauniuniga ia ua saunia e fesoasoani pe a faia ni filifiliga o togafitiga faafomaʻi, e pei o pepa o Faatonuga ma lomiga o Le Olomatamata, “Fesili Mai le ʻAufaitau” o Iuni 15, 2000 ma Oketopa 15, 2000. E tatau i le faapotopotoga ona lava le aofaʻi o pepa, Faatonuga/Tuusaunoaina Faafomaʻi ua Muaʻi Saunia. O lenei pepa o le a mauaina e tagata talaʻi papatiso pe a māeʻa le sauniga nei, ae aua le faatumuina i le pō nei. O le sainiaina, le molimauina, ma le tusiaina o le aso, o le a faia i le Suʻesuʻega Tautusi a le Faapotopotoga e sosoo ai, faatasi ai ma le fesoasoani a le faisuʻesuʻega o le suʻesuʻega tautusi, mo ē o loo manaʻomia. O i laʻua e saini o ni molimau, e tatau ona vaaitino o saini le tagata e ona le pepa ua iai faamatalaga. E mafai e tagata talaʻi e leʻi papatisoina ona tusia ni pepa o Faatonuga mo i latou lava ma o latou alo e ala i le faatatau mai o faamatalaga o loo iai i nei pepa i o latou tulaga ma talitonuga. Faamamafa le atamai o le muaʻi faia o filifiliga o togafitiga faafomaʻi, e faavae mai i o latou lotofuatiaifo ua uma ona toleniina i le Tusi Paia. (Faataoto 27:12; 14:15) E tāua le muaʻi talanoaina ma fomaʻi ma le ʻaufaigaluega le mataupu ina ia faamatala manino i ai togafitiga ma vailaau faafomaʻi e tatou te taliaina e faaaogā. E manaʻomia ona e suʻesuʻe i ai ma le faaeteete ina ia faia ai ni filifiliga talafeagai. Ia faitau palakalafa e talafeagai mai mataupu o Le Olomatamata e pei ona taʻua i luga. E fiafia toeaina e fesoasoani, ae e lē mafai ona latou faia ni faaiʻuga mo isi. Ia faamatala auala e saunia ai faamatalaga tusitusia o a latou filifiliga.

15 minu: “Le Tala e Fai Atu e Uiga i Mekasini.” O faataʻitaʻiga o le auala e ofoina atu ai Le Olomatamata o Ianuari 1 ma le Awake! o Ianuari 8. Faalaeiau tagata talaʻi uma ina ia lagolagoina le Aso Mekasini.

Pese 16 (143) ma le tatalo faaiʻu.

Vaiaso e Amata iā Ianuari 21

Pese 8 (53)

10 minu: Faasilasilaga a le faapotopotoga. Tala o le Tupe. Talanoa le pusa “Tuu Ane ni Mea.”

13 minu: Pe o Tou Iloiloina le Tusi Paia i Aso Taʻitasi? O se talanoaga a se aiga. Ina ia faateleina aogā latou te maua mai le talanoaina o le mau i aso taʻitasi, latou te iloiloina Le Olomatamata o Tesema 15, 1996, itulau e 18, palakalafa e 13-14. Autalu puupuu ni mau o ni aso se lua pe tolu na talanoaina talu ai, ma faamatala le auala ua faamaonia ai le aogā faapitoa o na faamatalaga. Ia faamamafa e faapea o lenei sauniuniga e tatau ona avea o se tasi o vaega o le polokalame masani o le suʻesuʻega faale-Tusi Paia a le aiga, ua fuafuaina ina ia faatumauina ai lo latou malolosi faaleagaga.

22 minu: “Ia Faamuamua Pea le Malo.”a Ia faaaofia ai ni nai fesili i manatu tāua mai Le Olomatamata o Setema 1, 1998, itulau e 19-21.

Pese 4 (43) ma le tatalo faaiʻu.

Vaiaso e Amata iā Ianuari 28

Pese 23 (200)

10 minu: Faasilasilaga a le faapotopotoga. Faamanatu i le ʻautalaʻi ina ia faaoo ane a latou lipoti o le auaunaga i le fanua mo Ianuari. I le faaaogāina o fautuaga i le itulau e 8, faataʻitaʻi ni taulimaga pupuu se lua o mekasini, o le tasi e faaaogā ai Le Olomatamata o Ianuari 15, a o le isi e faaaogā ai le Ala Mai! o Ianuari-Mati. Ia taʻua le lomiga e ofo mo Fepuari.

20 minu: “Mātua e—Ia Aʻoaʻo a Outou Fanau Mai Lava a o Tamaitiiti.”b Faaaofia ai ma manatu mai Le Olomatamata o Aperila 15, 1998, itulau e 32. Valaaulia mātua e faamatala mai ni iʻuga lelei na latou maua e ala i le amataina o le toleniga faaleagaga o a latou fanau a o laiti lava i latou.

15 minu: Manaʻoga o le faapotopotoga. Valaaulia tagata talaʻi e faamatala mai ni mea sa tutupu iā i latou i le ofoina atu o lomiga tuai po o le tuuina atu foʻi o se faamāfanafanaga faale-Tusi Paia mai le sāvali Faamafanafanaga mo Ē Loto Mafatia. E mafai ona toe faataʻitaʻi se mea na tupu se tasi pe lua.

Pese 19 (164) ma le tatalo faaiʻu.

Vaiaso e Amata iā Fepuari 4

Pese 25 (204)

8 minu: Faasilasilaga a le faapotopotoga.

17 minu: “O le a Faapefea Ona Latou Faalogo?”c Tāpā ni manatu mai le aofia i le auala e faatatauina ai mau. Faaaofia ai ma fesili mo palakalafa e 17-18 i le itulau e 20 i Le Olomatamata o Aokuso 15, 1998.

20 minu: “Taulimaga ua Fautuaina mo le Auaunaga i le Fanua.” O le talanoaga ma le aofia e taulimaina e le ovasia o le auaunaga. O lenei faaopoopoga ua iai taulimaga ua fautuaina sa maua i mataupu ua mavae o La Tatou Faiva o le Malo, faatasi ai ma ni taulimaga fou. O laina o loo avanoa e ono faaaogā e tusi ai nisi taulimaga o le a aumaia i le lumanaʻi ma e faamaonia le aogā i la tatou oganuu. Valaaulia le aofia ina ia faailoa mai po o ā taulimaga e latou te fiafia faapitoa i ai ma le māfuaaga. Faataʻitaʻi se taulimaga se tasi pe lua e mafai ona faaaogāina faatasi ma le lomiga e ofo mo Fepuari. Ia faalaeiau tagata talaʻi uma ina ia teu lelei lenei faaopoopoga ma toe suʻe i ai pe a sauniuni mo le faiva.

Pese 28 (224) ma le tatalo faaiʻu.

[Faaopoopoga i lalo]