Faasologa o le Sauniga o le Auaunaga

Vaiaso e Amata iā Me 13

Pese 19 (164)

15 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. I le faaaogāina o fautuaga o loo i le itulau e 6, ia fai ni faataʻitaʻiga eseese se lua i le auala e ofoina ai Le Olomatamata o Me 1 ma le Awake! o Me 8. I faataʻitaʻiga taʻitasi, ia faailoa atu auala eseese e taulimaina ai manatu e ono taofia ai le talanoaga, ‘Faamalie atu ou te pisi lava.’—Tagaʻi i le tamaʻitusi o le Amata ma Faaauau ai Talanoaga, itulau 11-12.

15 minu: Mātua e—Po o Outou Faia se Suʻesuʻega Faale-Tusi Paia a le Aiga e Lē Aunoa? Lauga ma se faataʻitaʻiga. Faamatala le pogai e manaʻomia ai e aiga ona suʻesuʻe faatasi. Faamatala faafitauli i le faia o suʻesuʻega faaleaiga o loo mulimuli mai ma le auala e foʻia ai: (1) lagona e faapea e lē maua e tamaiti ni aogā ona e laiti tele, (2) o le manatu faapea ua lava le auai i sauniga a le faapotopotoga ma (3) ua faalavelavea i le matamataina o le televise. Faataʻitaʻiga: (8 minu.) O se suʻesuʻega faaleaiga e faaaogā ai ni mātua o loo avea ma faaaʻoaʻoga lelei faatasi ai ma ni fanau laiti. E tāpā e mātua manatu o fanau e faaaogā ai se tasi o tala mai le tusi o Tala o le Tusi Paia. E tatau i le fanau ona faaalia ni o latou manatu e uiga i le tala ma ata.

15 minu: “Fesoasoani i Tagata Talaʻi na Iai se Masina e Leʻi Talaʻi Ai.” O se talanoaga a se ovasia o se suʻesuʻega tautusi ma lona fesoasoani. Ia faaaofia ai ma ni manatu o le a fesoasoani i tagata talaʻi na iai se masina e lē talaʻi ai.

Pese 25 (204) ma le tatalo faaiʻu.

Vaiaso e Amata iā Me 20

Pese 1 (13)

10 minu: Faasilasilaga a le faapotopotoga. Tala o le tupe. Autalu le Pusa Fesili.

12 minu: O se Asiasiga e Mafai Ona Avea ma Faamanuiaga. O se talanoaga e faia e ni ovasia se toʻalua o suʻesuʻega tautusi. Ia faamatala sini o le galuega faaleoleo mamoe e pei ona autaluina ai i Le Olomatamata, Setema 15, 1993, itulau e 20-23. Ia faalaeiauina ma le māfana le faapotopotoga ina ia tulimataʻia asiasiga a toeaina.

23 minu: Suʻesuʻega Faaleaiga e Aumaia ai le Olioli. Lauga ma faataʻitaʻiga. Lauga: (5 minu.) Ia faamatilatila manaʻoga o talavou, o āuga lē lelei o taaʻiga a le lalolagi, o omiga mai aumea ma le manaʻoga mo se suʻesuʻega faale-Tusi Paia i aiga e lē aunoa. Faataʻitaʻiga: (5 minu.) O se talanoaga a ni mātua. E la te talanoaina le auala e aafia ai a laʻua fanau talavou i omiga mai aumea. E la te ioeina lo la manaʻomia ona faia le suʻesuʻega faaleaiga ia sili atu ona lē aunoa, ma faailoa atu ma le maʻoti le faafitauli. Faataʻitaʻiga: (10 minu.) O mātua lava foʻi ia e faia se suʻesuʻega faale-Tusi Paia faatasi ma se toʻatasi pe toʻalua o la laʻua fanau talavou, e faaaogā ai le mataupu e 9 o le tusi Ua Fesili Mai Talavou. E la te utufiaina mai manatu o fanau e ala i le faaaogāina o fesili atamai. Upu Faaiʻu: (3 minu.) Ia faamamafa le manaʻomia o se suʻesuʻega faale-Tusi Paia i aiga e lē aunoa ma a tatou fanau talavou.

Pese 27 (221) ma le tatalo faaiʻu.

Vaiaso e Amata iā Me 27

Pese 3 (32)

12 minu: Faasilasilaga a le faapotopotoga. Ia faamanatu i tagata talaʻi ina ia faaoo mai a latou lipoti o le auaunaga i le fanua mo Me. I le faaaogāina ai o fautuaga o loo i le itulau e 6, ia faataʻitaʻi e se tagata talaʻi matua le auala e ofoina ai Le Olomatamata o Iuni 1 ma se tagata talaʻi e laʻitiiti ifo na te faataʻitaʻia le auala e ofoina ai le Awake! o Iuni 8. Pe a māeʻa faataʻitaʻiga taʻitasi, ia faaopoopo atu i le faigofie ona faaaofia o se mau i le taulimaga.

15 minu: “Pe e Telē se Oganuu a la Outou Faapotopotoga?” O se lauga ma se talanoaga ma le aofia e taulimaina e le ovasia o le auaunaga. (O faapotopotoga e lē telē la latou oganuu e mafai ona autaluina le mataupu “Ia Faaaogā Tatau Lou Taimi,” i La Tatou Faiva o le Malo o Iuni 1999.) Ia faailoa atu le telē o le oganuu o iai a le faapotopotoga ma le tele ua uma ona galueaina i le tausaga ua mavae. Faamatala le auala e faatatauina ai i lo tatou lava vaipanoa fautuaga ua aumai. Autalu fuafuaga ua faia e galueaina ai oganuu e seāseā ona talaʻia i se taimi lata mai.

18 minu: “Po o E Faaaogāina le Polosiua o le Manaomia e Amata ai ni Suʻesuʻega?” (E tatau ona iai i tagata uma faaopoopoga o La Tatou Faiva o le Malo o Ianuari 2002 mo lenei talanoaga.) E amata i le faataʻitaʻia e se tagata talaʻi e sauniuni lelei le auala e amataina ai se suʻesuʻega, e faaaogā ai le faaaʻoaʻoga o loo i le palakalafa e 3. Pe a māeʻa, ia taʻua ni manatu autū o le polosiua, ma faamatala le auala ua saunia lelei ai mo le amataina o suʻesuʻega. Faailoa atu le tāua o le toe tagaʻi i taulimaga ua fautuaina mai i le faaopoopoga o Ianuari 2002. Ia fesili atu i le aofia po o ā fautuaga ua mafai ona latou taulau manuia ai. Ia faaiʻu e ala i le toe faia o le faataʻitaʻiga o loo i luga.

Pese 20 (93) ma le tatalo faaiʻu.

Vaiaso e Amata iā Iuni 3

Pese 5 (46)

15 minu: Faasilasilaga a le faapotopotoga. Ia sauniuni lelei ni tagata talaʻi e faamatala mai ni faamanuiaga na latou mauaina, o se iʻuga o lo latou faia o se sao i le paeonia lagolago ma le paeonia sauatoa iā Mati, Aperila, po o Me.

15 minu: “Tatou te ‘Talaʻi Atu le Upu’”a Ia faalaeiau tagata uma e faaaogā le Tusi Paia i le faiva. Ia faaiʻu i se faataʻitaʻiga ua saunia lelei o le faaaogāina o se mau talafeagai mo lē e ona le fale.

15 minu: “O lo Tatou Faatuatua ua Uunaʻia ai i Tatou e Faia Galuega Lelei.”b Pe a talanoaina le palakalafa e 2, ia faatalanoa puupuu se Molimau maelega. Ia faamatala atu e le tagata talaʻi pe na faapefea ona faaalia ma faamalosia lona faatuatua e ala i le molimau atu i isi.

Pese 4 (43) ma le tatalo faaiʻu.

[Faaopoopoga i lalo]