Autaluga o le Aʻoga o le Faiva Faatiokarate

Autaluga e tapunia ai tusi i faamatalaga na talanoaina i tofiga i le Aʻoga o le Faiva Faatiokarate mo vaiaso o Me 6 e oo iā Aokuso 19, 2002. Faaaogā se pepa e tusia ai i lalo tali i le tele o fesili e te mafaia i le taimi faatulagaina.

[Mātau: A o faagasolo le autaluga tusia, e na o le Tusi Paia e mafai ona faaaogā mo le taliina o so o se fesili. O faasinoga e mulimuli mai i fesili e mo lau lava saʻiliʻiliga loloto totino. Atonu o le a lē iai le fuainumera o le itulau ma le palakalafa i faasinoga uma o Le Olomatamata.]

Tali faamatalaga nei i le Saʻo po o le Sesē:

1. I le Ieremia 18:1-6, ua faaalia ai e faapea o Ieova na te faapogaia tagata e faia mea e feteenaʻi ma o latou manaʻoga. [Faitau Tusi Paia faalevaiaso; tagaʻi i le w99 4/1 itu. 22 pala. 3-4.]

2. Sa gaoia e perofeta pepelo le malosi ma āuga o afioga a le Atua e ala i le faalaeiauina o tagata e faalogologo i pepelo, na i lo le faalogologo atu i le lapataʻiga moni mai le Atua. (Iere. 23:30) [Faitau Tusi Paia faalevaiaso; tagaʻi i le w92 6/1 itu. 4 pala. 3.]

3. I le Ieremia 25:15, 16, o le ‘ipu uaina o le toasa’ lea ua ‘⁠faavalea ai atunuu uma’ e faasino atu i le faavaleaina o tagata e lotu sesē. [Faitau Tusi Paia faalevaiaso; tagaʻi i le w94 3/1 itu. 20 pala. 13.]

4. E tusa ai o le auala na faatatauina ai e Mataio le valoaga a Ieremia, o “le nuu o e ita mai” e faasino atu i le nuu o le oti po o le tuugamau, lea o le a toe faafoʻisia mai ai e ala i le toetutū o fanau iti na fasiotia e Herota le Sili. (Iere. 31:15, 16; Mata. 2:17, 18) [Faitau Tusi Paia faalevaiaso; tagaʻi i le w79-E 6/15 itu. 19 pala. 13.]

5. Ua aumaia e le Ieremia 37:21 faamautinoaga e faapea e mafai e Ieova ona tausia le ola o ana auauna faamaoni i taimi o faigatā tau tamaoaiga. [Faitau Tusi Paia faalevaiaso; tagaʻi i le w97 9/15 itu. 3 pala. 4–itu. 4 pala. 2.]

6. O le tusi o Auega o loo faamatalaina ai le loloto o le faanoanoa i le faaumatiaga o Ierusalema i le 607 T.L.M. e Nepukanesa, le tupu o Papelonia. [bsi02 itu. 8 pala. 1]

7. I le Auega 5:7 ua faaalia manino mai ai e faapea ua faasalaina e Ieova fanau ona o agasala a o latou matua. [Faitau Tusi Paia faalevaiaso; tagaʻi i le w88-E 9/1 itu. 27 pusa.]

8. O le faailoga i le muaulu lea o loo faasino atu i ai le Esekielu 9:4, o lona uiga e mafai e na o le poto ona faasaoina ai se tagata. [Faitau Tusi Paia faalevaiaso; tagaʻi i le w89 5/1 itu. 14 pala. 18.]

9. O “mea alofa i tagata” o loo taʻua i le Efeso 4:8, o toeaina Kerisiano, o ē ua tofia e le agaga paia ma ua foaʻiina i ai le pule mo le tausia o le lelei faaleagaga o o latou uso talitonu. (Galu. 20:28) [w00 8/1 itu. 6 pala. 3]

10. I le faatatauga faaonapōnei o le Esekielu mataupu e 23, ua mafai ai ona faatusaina le faa-Porotesano iā Aolipa, ae o le faa-Katoliko Roma i lona uso matua o Aola. [Faitau Tusi Paia faalevaiaso; tagaʻi i le w89 5/1 itu. 21 pala. 22.]

Tali fesili ia o loo mulimuli mai:

11. O ai perofeta e toʻatolu sa matilatila i tausaga faigatā mai le 617 i le 607 T.L.M., lea na faaiʻuina i le faaumatiaga o Ierusalema? [bsi02 itu. 9 pala. 2]

12. E faapefea ona faaalia le talisapaia moni mo le taulaga togiola a Keriso e tali atu ai i le valaaulia i le Luka 9:23? [w00 3/15 itu. 8 pala. 1]

13. O le ā le auala na ‘⁠faaoleole’ ai Ieova iā Ieremia? (Iere. 20:7) [Faitau Tusi Paia faalevaiaso; tagaʻi i le w89-E 5/1 itu. 31 pala. 6.]

14. O le ā na uiga i ai Iesu ina ua ia fetalai e faapea o le agaga paia “na te aʻoaʻo ia te outou i mea uma lava; e faamanatu mai foi o ia ia te outou i mea uma ua ou fai atu ai ia te outou”? (Ioa. 14:26) [w00 4/1 itu. 8 pala. 7-8]

15. E tusa ai o le Ieremia 35:18, 19, o le ā le faamoemoe ua tuuina mai mo le vaega faaonapōnei o le ʻau sā Rakapā? [Faitau Tusi Paia faalevaiaso; tagaʻi i le su-E itu. 131 pala. 7.]

16. I le ā le auala na avea ai Nefilimi ma ni “tagata malolosi” ma le ‘taʻutaʻua’? (Kene. 6:4) [w00 4/15 itu. 27 pala. 9]

17. Na faapefea ona lē paleni faaleagaga Paruka, ma o le ā le lesona e mafai ona tatou aʻoaʻoina mai i le mea na tupu iā te ia? (Iere. 45:1-5) [Faitau Tusi Paia faalevaiaso; tagaʻi i le w97 8/15 itu. 21 pala. 14-16.]

18. O anafea ma na faapefea ona faataunuuina le valoaga i le Ieremia 50:38? [Faitau Tusi Paia faalevaiaso; tagaʻi i le dp itu. 150 pala. 2-3.]

19. O le ā ua faailoa mai e le iʻuga o Ierusalema, “le taupou, o le tama fafine a Iuta” mo lotu ua faapea mai o latou o Kerisiano, e tusa ai o le Auega 1:15? [Faitau Tusi Paia faalevaiaso; tagaʻi i le w88-E 9/1 itu. 27 pusa.]

20. O le ā ua faailoaina mai e le faaupuga lea ia “Ave ese ia le pulou ie, to ese ia le palealii,” e pei ona faamauina i le Esekielu 21:26? [Faitau Tusi Paia faalevaiaso; tagaʻi i le w89 5/1 itu. 19 pala. 16.]

Tuu ane le upu, ni upu po o se fasi fuaiupu manaʻomia e faauma ai fuaiupu nei:

21. O se tagata lotomaulalo e tausisi o ia i tapulaa o amioga lelei ma iloaina e iai tuaoi i mea e tatau ona ia fai ma mea e mafai ona ia fai. (Mika 6:8) [w00 3/15 itu. 21 pala. 1-2]

22. E ui lava e lē aveesea e le agaga paia puapuaga po o tofotofoga, ae e mafai ona fesoasoani iā i tatou ina ia onosaia na mea. (1 Kori. 10:13; 2 Kori. 4:7) [w00 4/1 itu. 11 pala. 6]

23. Na iloa e Tanielu mai i tusitusiga a Ieremia e faapea o le faatafunaina o Ierusalema e ao ona faaauau mo le 70 tausaga; o le matuā saʻo atoatoa o lenei mea ua faamalosia ai le faatuatua i le mana o Ieova e fai valoaga. (Iere. 25:12; Tani. 9:2) [bsi02 itu. 7 pala. 37]

24. E ao ona faagaeeina e le tusi o Auega ia le usiusitai ma le faamaoni i tagata tapuaʻi moni uma lava, ma saunia ai se lapataʻiga e mataʻu ai mo i latou e lē manatu mamafa iā Ieova le Atua. [bsi02 itu. 9 pala. 13]

25. O le faaaʻoaʻoga a Aperaamo o le lolo atu pe a taulimaina se feeseeseaʻiga, o se faalaeiauga lea mo i tatou ina ia lē avea o tatou manaʻoga totino po o le faamaualuga ma māfuaaga e faaleagaina ai la tatou faiā tautele ma o tatou uso. (Kene. 13:5-12) [w00 8/15 itu. 24 pala. 3-4]

Fili le tali saʻo i faamatalaga ia o loo mulimuli mai:

26. Na faatāuaina e Iopu le (poto; alofa mutimutivale; faamasinoga) o Ieova ma o lea na feagai ai o ia ma le (malamalama; alofa mutimutivale; tonu) ma ana auauna. (Iopu 31:13, 14) [w00 3/15 itu. 26 pala. 1]

27. I le Ieremia 16:2-4, o loo faatonuina ai le perofeta ina ia nofofua pea (e faaalia ai lona agaga faataulagaina totino; e faailoa mai ai le ala o le nofofua na ola ai le Mesia; e faamautinoa ai le moni o le afioga a Ieova e tusa ai o le faaumatiaga o Ierusalema). [Faitau Tusi Paia faalevaiaso; tagaʻi i le w78-E 4/15 itu. 31 pala. 2.]

28. I le Faataoto 4:7, o loo faasino atu ai le atamai i le (faamasani i mea moni; vaai le auala e fesootai ai le isi mea moni i le isi; faaaogāina o le poto ma le malamalama ina ia maua ni iʻuga lelei). [w00 5/15 itu. 21 pala. 1]

29. Ua faamautinoa mai e le Tusi Paia iā i tatou e faapea o puapuaga o loo tatou vaaia e lē faapogaia e (Satani; Ieova le Atua). [kl itu. 71 pala. 3]

30. O le kariota a le Atua lea o loo faamatalaina i le Esekielu mataupu muamua ua faaatagia ai le (Malo faa-Mesia o le Atua; faalapotopotoga faaleagaga o agelu a le Atua; o le fesootaʻiga a Ieova ma le vaega totoe). [Faitau Tusi Paia faalevaiaso; tagaʻi i le w89 5/1 itu. 11 pala. 5.]

Faafetaui mau ia o loo mulimuli mai i faamatalaga o loo lisiina i lalo:

Faata. 5:21; Iere. 46:28; Roma 15:4; Ioa. 11:11; Iako. 1:27

31. Pe afai tatou te fia tapuaʻi i le Atua i le auala na te taliaina, e tatau la ona tatou iloa le auala e finagalo Ieova e tapuaʻi ai. [kl itu. 51 pala. 20]

32. O se auala patino lava o loo saunia ai e le Atua faamāfanafanaga e ala mai lea i lana Afioga tusia, o loo iai se faamoemoe matagofie mo le lumanaʻi. [w00 4/15 itu. 5 pala. 4]

33. O aʻoaʻiga a matua e lē tatau ona ova atu ma tapulaa talafeagai, po o le sili atu foʻi i lo le mea manaʻomia e tusa ai ma le faasaʻoina ma le aʻoaʻo atu. [Faitau Tusi Paia faalevaiaso; tagaʻi i le kl itu. 148 pala. 20.]

34. O le fuafuaga a Ieova, ia laveaʻia i tatou ma ē pele iā i tatou mai le oti na tuufaasolo mai iā Atamu. O le mea lea, ua faasino atu ai le afioga a le Atua i ē ua maliliu e faapei o loo momoe. [kl itu. 83 pala. 11]

35. So o se gaoioiga lava o faiga lē mamā faaleituaiga, e tusa lava po o le ā le faalilolilo ona faia, e lē lilo lea i fofoga o le Atua. [w00 7/15 itu. 31 pala. 3]