Faasologa o le Sauniga o le Auaunaga

Vaiaso e Amata iā Mati 10

Pese 57 (75)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Ia faaaogā fautuaga o loo i le itulau e 8, e faataʻitaʻi ai le ofoina o Le Olomatamata o Mati 1 ma le Awake! o Mati 8. I faataʻitaʻiga taʻitasi ia ofo faatasi mekasini e ui lava e na o le tasi lea e faamatilatila.

15 minu: Mauaina o Aogā Mai le 2003 Yearbook. Lauga ma se talanoaga ma le aofia. Ia talanoa manatu tāua o “Se Tusi Mai le Vaega Pule,” i le itulau e 6. Ia fuafua mamao ni tagata talaʻi e toe faamatala mai lipoti ma tala i mea na tutupu na faalaeiauina ma faamalosia ai lo latou faatuatua. Ia taʻua manatu tāua mai le lipoti a le lalolagi aoao. Ia faalaeiau aiga ina ia faitau le tusi a o faagasolo le tausaga. Ia taʻua ni auala e mafai ona tatou faaaogāina ai le tusi e tataʻi mai ai tagata fou i le faalapotopotoga a Ieova ma faalaeiau i latou ina ia auai i sauniga.

20 minu: “Ia Maelega e Faaaʻoaʻo i le Lelei!”a (Palakalafa 1-12) Pe a māeʻa ona talanoaina le palakalafa e 6, ia fai se faataʻitaʻiga puupuu o se tagata talaʻi o loo valaauliaina sona tauaiga, se tuaoi, se tagata la te aʻoʻoga faatasi po o se tasi foʻi la te faigaluega faatasi i le Faamanatuga e faaaogā ai le pepa valaaulia. Afai e leʻi maua, e tatau ona tufatufaina atu pepa valaaulia o le Faamanatuga pe a māeʻa le sauniga.

Pese 73 (113) ma le tatalo faaiʻu.

Vaiaso e Amata iā Mati 17

Pese 29 (34)

10 minu: Faasilasilaga a le faapotopotoga. Tala o le tupe.

15 minu: Ia Atamai i le Filifiliina o Au Aumea. Lauga e tauaaoina e se toeaina e faavae i le Awake! o Fepuari 22, 1997, itulau e 13 ma le mataupu o loo faaulutalaina “Bad Associations” i le itulau e 189 o le tusi Reasoning, ma le tusi Ua Fesili Mai Talavou, itulau e 67-70. Ia faailoa le aogā o mataupu silisili i talavou ma tagata matutua. Ia faamatilatila aogā o le filifiliina o aumea e alolofa iā Ieova ma faaalia lo latou tumau i ana tapulaa.

20 minu: “Ia Maelega e Faaaʻoaʻo i le Lelei!”b (Palakalafa 13-26) Ia taulimaina e le ovasia taʻimua. Pe a iloiloina le palakalafa e 14, ia fai se faataʻitaʻiga puupuu o se toeaina o loo faia se asiasiga faalaeiau i se uso talaʻi e lē atoatoa le malosi o le tino. Ia faamatala atu ma le agalelei e le toeaina le auala e mafai ai e le uso ona faia sona sao i le faapotopotoga i le faateleina o galuega i le vaitaimi o le Faamanatuga.

Pese 43 (53) ma le tatalo faaiʻu.

Vaiaso e Amata iā Mati 24

Pese 54 (71)

10 minu: Faasilasilaga a le faapotopotoga. Ia faaaogā fautuaga o loo i le itulau e 8, ia faataʻitaʻi le auala e ofo ai Le Olomatamata o Mati 15 ma le Ala Mai! o Ianuari-Mati.

15 minu: Manaʻoga o le faapotopotoga.

20 minu: Molimau a Ieova—O se Aafiaga Aogā i le Oganuu. Lauga ma se talanoaga ma le aofia. E iai taimi e tatou te mauaina ai avanoa e faailoa atu ai le aogā o la tatou faiva ma amioga lelei i tagata o le oganuu. Ia valaaulia le aofia e faaali mai so lo latou taofi i manatu o loo mulimuli mai: (1) E tatou te aʻoaʻo tagata ina ia ola e tusa ai ma tapulaa a le Tusi Paia e faatatau i amioga. (2) E tatou te aʻoaʻo atu le faamaoni ma le faaaloalo iā i latou o loo iai le pule. (3) E tatou te aʻoaʻo atu le fealofani i so o se tagata ma aua le faaituʻau. (4) E tatou te fesoasoani atu i tagata ina ia faaleleia o latou aiga i le faalaeiauina o i latou e faatatauina mataupu silisili o le Tusi Paia. (5) Ua tatou aʻoaʻoina le faitau afe o tagata ina ia iloa faitau ma tusitusi. (6) Ua tatou taumafai malosi foʻi e fesoasoani i isi i taimi o mala mataʻutia. (7) Ua faia so tatou sao tāua i le faamautinoaina o le saʻolotoga mo tapuaiga lea ua aeae ai le toʻatele.—Tagaʻi i le tusi o le Proclaimers i le itulau e 699.

Pese 87 (143) ma le tatalo faaiʻu

Vaiaso e Amata iā Mati 31

Pese 79 (130)

12 minu: Faasilasilaga a le faapotopotoga. Ia faamanatu i le ʻautalaʻi ina ia faaoo mai a latou lipoti o le auaunaga i le masina o Mati. Ia taʻua lomiga e ofo mo Aperila. Ia talanoa le mataupu “Ia Faaaogā le Tusi Tapuaʻi i le Atua e Faia ai Suʻesuʻega Faale-Tusi Paia.” Ia autalu manatu tāua i “Mea e Manatua mo le Faamanatuga.”

13 minu: Mea na tutupu i le faapotopotoga. Ia valaaulia le faapotopotoga e toe faamatala mai ni mea na tutupu na latou olioli ai i le taimi o le faatelega o galuega lea na faia iā Mati. Ia faamālō atu mo a latou taumafaiga, ma faalaeiau uma i latou ina ia faia se sao atoatoa i avanoa uma o le a latou maua iā Aperila.

20 minu: “E Tusa Ona Matuā Viia Ieova.”c Ia faamatilatila le tāua o le Faamanatuga. Ia faaali atu le auala e mafai ai e tagata uma ona fesoasoani atu i isi ina ia auai. Ia faamatala atu le mea e mafai ona fai e faafesootaʻi ai i latou ua lē o toe talaʻi ina ia toe faaolaola lo latou naunau. Ia valaaulia le aofia ina ia toe faamatala mai ni mea na tutupu i le faamanatuga i le tausaga ua teʻa e faalaeiauina ai.

Pese 80 (131) ma le tatalo faaiʻu.

Vaiaso e Amata iā Aperila 7

Pese 94 (191)

10 minu: Faasilasilaga a le faapotopotoga.

15 minu: Le Auala e Faamatala ai Mau. Talanoaga ma le aofia. E faapefea ona tatou atiina aʻe le tomai ina ia uigā ai se talanoaga ma tagata i le faiva? (1) Ia faaloloto lo tatou poto i le Tusi Paia e ala i suʻesuʻega totino ma le auai i le sauniga. (2) Ia mafaufau loloto i mea o loo e aʻoaʻoina ma manatunatu i le auala e te faamatala atu ai le upu moni i tagata o talitonuga eseese. (3) Ia saʻiliʻili e lē gata i faamatalaga o mau ae o māfuaaga faale-Tusi Paia o na faamatalaga. (4) Ia iloiloina le auala o le a e faamatalaina ai mau i ituaiga eseese o tagata. (5) Ia manatu i le auala atonu o le a e faaaogā ai ni talafaatusa mo manatu eseese.

20 minu: “Ua Tatou Saʻoloto Ona o le Upu Moni.”d Ia faaaofia ai ma manatu o loo i le pusa i le itulau e 6 o Le Olomatamata o Oketopa 1, 1998. Ia valaaulia le aofia e faaali mai so latou manatu i le auala ua mafai ai e le upu moni mai le Afioga a le Atua ona aumaia le saʻolotoga iā i latou.

Pese 47 (58) ma le tatalo faaiʻu.

[Faaopoopoga i lalo]