Le Tala e Fai Atu e Uiga i Mekasini

Le Olomatamata Ape. 1

“O le ā sou taofi, o le ā se aso o loo faatonuina i tatou e le Tusi Paia e ao ona faamanatuina? [Tuu le avanoa mo se tali ona faitau lea o le Luka 22:19.] Na faatonuina i tatou ia faamanatuina lona maliu. E mautinoa e leai se tasi na maliu i le talafaasolopito o lenei lalolagi e mafai ona aogā mo le lalolagi uma. Aiseā? O le a faamatala atu e le mekasini lenei iā te oe le māfuaaga.”

Awake! Ape. 8

“Atonu e te ioe faatasi ma aʻu i le manatu lea o loo taʻua i le 1 Korinito 15:33 [Faitau] O se mea e faanoanoa ai le vaaia o le toʻatele o talavou ua aafia i le faaaogāina o fualaau faasāina, o se aafiaga mai i a latou aumea. Ae e mafai ona fesoasoani mātua i le puipuia o i latou mai i na mea. O le a faailoa atu e le Awake! lenei le auala e maua ai le fesoasoani faale-Tusi Paia.”

Le Olomatamata Ape. 15

“E toʻatele tagata ua faapea mai e faavae i le Atua Samoa ma o se atunuu lotu. Ae o le ā sou taofi, faamata o tausisia e tagata uma tapulaa tau amio faale-Tusi Paia? [Tuu le avanoa mo se tali.] Ua matuā paʻū maualalo tapulaa tau amio i aso nei. [Faitau Salamo 119:105.] Ua mautinoa e le toʻatele le aogā ma le tāua o le Tusi Paia o se tusi ua manatu i ai ua avea ma sulu i o latou vae ma malamalama i o latou ala. O le a fesoasoani le mekasini lenei e faamatala atili iā te oe.”

Ala Mai! Ape.-Iuni

“Ua matuā faapopoleina lava le toʻatele i aso nei ona o faamaʻi eseese ua aafia ai e pei o le AIDS. O loo faia pea saʻiliʻiliga a fomaʻi atamamai, ae pagā lea ua siliga taliiseu se vaifofō. O e taumānatu ea la pe o le a iai se taimi tatou te saʻoloto ai mai so o se ituaiga maʻi? [Tuu le avanoa mo se tali ona faitau lea o le Isaia 33:24.] Ua toe nei o se aga ona faataunuuina lea o le mau lenei. Mo lou silafia atili, faamolemole faaalu se taimi e faitau ai i le mekasini lenei pe o le a faapefea ona faataunuuina lenā mea.”