Faasologa o le Sauniga o le Auaunaga

Vaiaso e Amata iā Aokuso 11

Pese 49 (65)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. I le faaaogāina o fautuaga o loo i le itulau e 8, ia fai ni faataʻitaʻiga eseese se lua i le auala e ofoina ai le Olomatamata o Aokuso 1 ma le Ala Mai! o Iulai-Setema. I faataʻitaʻiga taʻitasi, ia ofo faatasi mekasini e ui lava na o le tasi lea e faamatilatila. I le tasi o faataʻitaʻiga, ia faataʻitaʻi le auala e taulimaina ai manatu e ono taofia ai le talanoaga “Ou te pisi.”—Tagaʻi i le tamaʻi tusi Le Auala e Amata ma Faaauau ai Talanoaga Faale-Tusi Paia, itulau e 11-12.

15 minu: “Faataʻitaʻi i le Agalelei o Ieova.”a Ia valaaulia le aofia e faamatala puupuu mai ni mea na tutupu lea na mafai ai ona avatu se molimau ona o le faaalia atu o le agalelei. Ia faamālō i le faapotopotoga mo taumafaiga na fai e fesoasoani ai i uso talitonu.

20 minu: “Faamanuiaga o le Faiva Faapaeonia.”b Faaaogā fesili ua saunia. Ia valaaulia se paeonia po o ni paeonia se toʻalua e faamatala faamanuiaga na la mauaina i le avea ma paeonia. Ia taʻua faapea, so o se tasi lava e manaʻo e auai i le faiva faapaeonia e mafai ona maua se pepa talosaga mai le failautusi.

Pese 9 (11) ma le tatalo faaiʻu.

Vaiaso e Amata iā Aokuso 18

Pese 63 (82)

12 minu: Faasilasilaga a le faapotopotoga. Tala o le tupe. Talanoaina le “Polokalame Fou o le Aso Faapitoa o Fonotaga.” Ia faasilasila le isi aso faapitoa o fonotaga o loo sosoo ai, ma faalaeiau tagata uma ia auai. Afai e lē o toe mamao lea fonotaga, ia taʻua faapea o i latou e mananaʻo e papatiso e tatau ona logo le ovasia taʻimua.

15 minu: “Galuega e Faafouina Ai.”c Ia fuafua mamao ni tagata se toʻalua pe toʻatolu e faamatalaina le auala ua faafouina ai i latou le faiva faa-Kerisiano.

18 minu: “Ia Tausia le Nofoaga Tatou te Tapuaʻi ai i se Tulaga Lelei.”d (Palakalafa 1-5) Faaaogā fesili ua saunia. Pe a talanoaina le palakalafa e 3 ma le 4, ia autalu fuafuaga a le faapotopotoga mo le faamamāina o le Maota o le Malo. Ia taʻua mea e manaʻomia ona uaʻi atu i ai. Ia faamālō i le faapotopotoga mo ā latou taumafaiga i le tausia o se nofoaga e talafeagai mo le tapuaʻiga moni.

Pese 26 (31) ma le tatalo faaiʻu.

Vaiaso e Amata iā Aokuso 25

Pese 18 (20)

10 minu: Faasilasilaga a le Faapotopotoga. I le faaaogāina o fautuaga i le itulau e 8, ia faia ni faataʻitaʻiga eseese se lua i le auala e ofo ai le Olomatamata o Aokuso 15 ma le Awake! o Aokuso 22. I faataʻitaʻiga taʻitasi, ia ofo faatasi mekasini e lua, e ui lava e na o le tasi lea e faamatilatila. Ia faaaogā se matua ma sona alo talavou e faia se faataʻitaʻiga mo le sauniuni atu i le galuega mekasini. E la te autalu puupuu mea o le a la talanoa atu i ai ona faataʻitaʻi loa lea.

15 minu: Manaʻoga o le faapotopotoga.

20 minu: Faamalosi e Talaʻi Atu. (1 Tesa. 2:2) O se lauga ma se talanoaga ma le aofia. Faamatala le māfuaaga e faatalatū ai le toʻatele e talaʻi i isi le feaʻu o le Malo. Ua moni lenā tulaga e oo lava iā i latou ua leva ona galulue mo le tele o tausaga. Ia taʻua nisi o mea na tutupu o loo i le Olomatamata, Tesema 1, 1999, itulau 25; le Olomatamata o Tesema 15, 1999, itulau 25; ma le Olomatamata o Aperila 1, 1996, itulau 31. Ia valaaulia le aofia e faamatala le auala na mafai ai ona latou maua le loto tele e talaʻi ai le tala lelei, i taimi na latou lagona ai le fefe. Ia faaiʻu i se faalaeiauga, ia taumafai e maua le loto tele mai iā Ieova, ma faaaogā manatu mai le Olomatamata, o Tesema 15, 1999, itulau 23-24.

Pese 54 (71) ma le tatalo faaiʻu.

Vaiaso e Amata iā Setema 1

Pese 64 (84)

10 minu: Faasilasilaga a le faapotopotoga. Ia faamanatu i le ʻautalaʻi e tuuina mai a latou lipoti mo Aokuso. Ia taʻua lomiga e ofo iā Setema. Ia fuafua mamao se tagata pe toʻatasi pe toʻalua e faamatala mai ni mea na tutupu e atiina aʻe ai a o talaʻi atu lē fuafuaina.

15 minu: Pe e te Tausia Lau Folafolaga e Toe Foʻi? O se lauga ma se talanoaga ma le aofia e faavae i le Olomatamata o Setema 15, 1999, itulau 10-11, i lalo o le ulutala “Isi Auala e Tausia ai a Tatou Folafolaga.” Pe a tatou maua tagata i la tatou faiva e faaalia le fiafia, e masani lava ona tatou faia fuafuaga e faaauau le talanoaga i se isi taimi. Pe e tatou te faamaoni ea e toe foʻi atu e tusa ai ma a tatou folafolaga? Toe autalu mataupu silisili o le Tusi Paia lea e uunaʻia i tatou e tausia a tatou folafolaga. Valaaulia le aofia e faamatala mai ni mea na tutupu e faaalia ai le auala na faamanuiaina ai i latou, i le vave ona toe foʻi e asi tagata.

20 minu: “Ia Tausia le Nofoaga Tatou te Tapuaʻi ai i se Tulaga Lelei.”e (Palakalafa 6-12) Faaaogā fesili ua saunia. Ia faamamafa le tāua o le tausia lelei o le Maota o le Malo, ia faamatilatila le pusa i le itulau e 5. Ia faaaofia ai ma se lipoti puupuu i le tulaga o lo outou Maota o le Malo, ma taʻua so o se fuafuaga ua fai mo le toe faaleleia o ni mea.

Pese 75 (118) ma le tatalo faaiʻu.

[Faaopoopoga i lalo]