Faasologa o le Sauniga o le Auaunaga

Vaiaso e Amata iā Me 9

Pese 9 (11)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Faaaogā fautuaga o loo i le itulau 8 (pe a talafeagai ma la outou oganuu) e faataʻitaʻi ai le auala e ofo ai le Olomatamata o Me 1 ma le Awake! o Me 8. E ono mafai ona faaaogā nisi taulimaga talafeagai. I se tasi o taulimaga, ia faataʻitaʻi le ofoina o mekasini i se tulaga lē fuafuaina i auala o femalagaaʻiga i le lautele.

15 minu: Faaaogā le Afioga a le Atua e Pāʻia ai Loto. O se lauga e faavae i le Olomatamata o Fepuari 1, 2005, itulau 28-31. Talanoa pe na faapefea ona faaaogā e Iesu Mau e fesoasoani ai iā Peteru. Talanoa pe faapefea ona tatou mulimulitaʻia faataʻitaʻiga a Iesu i le faaaogāina o mau, pe a iai se manaʻoga e toe fetuutuunaʻi mafaufauga ma faalogona o a tatou fanau, o ā tatou suʻesuʻega faale-Tusi Paia, e oo lava foʻi iā i tatou.

20 minu: “Fai se Faasologa e Aogā i le Aiga.” I le faatomuaga o le lauga lea e lē silia i le lua minute, ia faamatilatila le tāua o se faasologa e tusia lelei, ma talanoa le auala e faatumu ai le faasologa o loo faaavanoa atu i le itulau e 6. Ia sosoo ma le talanoaina i fesili ma tali o le mataupu “Faasologa a le Aiga—Sauniga a le Faapotopotoga.” Valaaulia le aofia e faamatala mai le auala ua latou ʻalofia ai le faalavelavea o sauniga a le faapotopotoga, ona o isi o gaoioiga. O isi vala o le faasologa a le aiga, o le a talanoaina i vaiaso o loo sosoo mai.

Pese 41 (51) ma le tatalo faaiʻu.

Vaiaso e amata iā Me 16

Pese 51 (67)

10 minu: Faasilasilaga a le faapotopotoga.

15 minu: “Faasologa a le Aiga—Auaunaga i le Fanua a le Aiga.”a Valaaulia le aofia e faamatala mai aogā o le galulue faatasi o se aiga e lē aunoa i le faiva.

20 minu: “Faia o Suʻesuʻega Faale-Tusi Paia e Agaʻigaʻi i Luma—Vaega 9.”b Pe a talanoa le palakalafa e 2, ia faamatilatila se manatu se tasi pe lua mai La Tatou Faiva o le Malo, o Tesema 2004, itulau e 6. Ia faaaofia ai ma se faataʻitaʻiga puupuu o se suʻesuʻega faale-Tusi Paia. Pe a uma le lesona e 2 i le polosiua o le Manaomia, ona fesili atu lea o le faisuʻesuʻega i le tagata aʻoga: “E faapefea ona e faamatala i se uō le suafa o le Atua?” E faamatala e le tagata aʻoga le auala o le a ia faaaogā ai le Salamo 83:18, ona faamālō atu lea i ai o le faisuʻesuʻega ona o lea tulaga.

Pese 81 (134) ma le tatalo faaiʻu.

Vaiaso e Amata iā Me 23

Pese 8 (10)

12 minu: Faasilasilaga a le faapotopotoga. Faitau le tala o le tupe ma faafetai atu mo foaʻi na faia. I le faaaogāina o fautuaga o loo i le itulau e 8 (pe a talafeagai ma la outou oganuu), faataʻitaʻi le auala e ofo ai le Olomatamata o Me 15 ma le Awake! o Me 22. E ono mafai ona faaaogā isi taulimaga talafeagai.

18 minu: “Ua Lata Mai le Aso o Ieova.”c Pe a sauniuni mo le vaega lenei, tagaʻi i le tusi Le Valoaga a Tanielu, itulau 59, palakalafa 28.

15 minu: “Faasologa a le Aiga—Suʻesuʻega a le Aiga.”d Ia muaʻi faatulaga se tagata se toʻatasi pe toʻalua e faamatala mai le auala na la faatulaga ai suʻesuʻega a o la aiga, ma taumafaiga e manaʻomia ina ia faia ai e lē aunoa.

Pese 42 (52) ma le tatalo faaiʻu.

Vaiaso e Amata iā Me 30

Pese 53 (70)

10 minu: Faasilasilaga a le faapotopotoga. Faamanatu i le ʻautalaʻi e faaoo mai a latou lipoti mo Me. Ia taʻua le lomiga e ofo iā Iuni. Faataʻitaʻi le auala e taulimaina ai le ofo, i le faaaogāina o se taulimaga se tasi pe lua o loo i le faaopoopoga o La Tatou Faiva o le Malo o Ianuari 2005 (pe a talafeagai ma la outou oganuu). E mafai ona faaaogā isi taulimaga talafeagai.

20 minu: “Faasologa a le Aiga—Mau o le Aso.”e Valaaulia le aofia e faamatala mai le auala ua maua ai e o latou aiga aogā i le iloiloina faatasi o le mau o le aso, ma po o le ā le faasologa ua latou iloa e aogā mo le faia faapea.

15 minu: Ia faamatala po o le toe faataʻitaʻi mai mea na tutupu i le auaunaga i le fanua na olioli ai iā Mati, Aperila ma Me. Ia muaʻi faatulaga se tagata se toʻatasi pe toʻalua, e faamatala mai taumafaiga na la fai e faateleina ai lo la sao i le faiva i le vaitau o le Faamanatuga, faapea ma faamanuiaga na olioli ai.

Pese 45 (56) ma le tatalo faaiʻu.

Vaiaso e Amata iā Iuni 6

Pese 48 (63)

10 minu: Faasilasilaga a le faapotopotoga.

15 minu: Manaʻoga o le faapotopotoga.

20 minu: “Ati Aʻe le Naunau i se Ala Mekasini.”f Pe a talanoa le palakalafa e 3, ia tataʻi atu manatu i le tusi Reasoning, itulau 227-232. E mafai ona faaaogā lenei mataupu e sauniuni ai ni talanoaga e tasi se mau e faaaogā ai, e faatatau i le mea o le a faataunuuina e le Malo o le Atua. Ia faaaofia ai ma se faataʻitaʻiga i le auala e ono talanoaina ai e se tagata talaʻi se talanoaga e faaaogā ai se mau se tasi ma se tagata i sana ala mekasini. E ao ona talanoaina puupuu e se tagata talaʻi ma faataʻitaʻi le faatatauina o le mau e fesoasoani ai i le tagata o le aiga ia malamalama lelei i le mau ma iloa le tāua i lona olaga.

Pese 71 (107) ma le tatalo faaiʻu.

[Faaopoopoga i lalo]