Fai se Faasologa e Aogā i le Aiga

¹ I lana lauga i luga o le Mauga, na timaʻi ai e Iesu tagata na faalogologo iā te ia e faapea: “Ia outou muaʻi saʻili lona malo ma lana amiotonu.” (Mata. 6:33) O le auala lelei la e faatulaga ai mea fai a le aiga ina ia ave le faamuamua i mea faaleagaga, o le tusia lea o se faasologa. Ia faaalu ni nai minute e fai ai se faasologa faalevaiaso a lo outou aiga e faaaogā ai le faasologa o loo faaavanoa atu i le itulau e 6 o le faaopoopoga lenei. Ona o le faasologa o se mea e fai e le aiga lava latou, e mafai la ona ʻoti ese atu se vaega talafeagai e pei ona iai i le siata i lalo o le itulau e ono, ma faapipii i le faasologa. Ae ua filifili nisi e tusi i le faasologa mea e fai.

² O le faasologa faataʻitaʻi o loo faaalia i lalo e ono fesoasoani a o fai lau faasologa. O le a e mātauina o loo aofia ai na o ni gaoioiga autū e fā: (1) auai i sauniga a le faapotopotoga, (2) auaunaga i le fanua a le aiga, (3) suʻesuʻega a le aiga, ma le (4) talanoaina o le mau o le aso. O le faaaofia ai o nei mea i lau faasologa, e fesoasoani ina ia outou “faamautinoa mea e sili ona tāua.” (Fili. 1:10, NW) O isi fautuaga i vala nei e fā o loo i le itulau e 4-5.

³ E lē tatau ona muta mai le faasologa a lou aiga i na gaoioiga e fā. Pe a outou sauniuni o se aiga mo ni sauniga patino, ia faailoga lenā mea i lau faasologa. Afai e tou te faitauina faatasi se vaega o le Tusi Paia pe a uma ona talanoaina le mau o le aso, po o le faia foʻi i se isi taimi, ia faailoga lenā mea i le faasologa. Afai e masani ona outou faia ni nai mea e fiafia ai o se aiga, e te ono manaʻo foʻi la e faaaofia lenā fuafuaga i lau faasologa.

⁴ Ia fetuunaʻi lau faasologa faaleaiga ina ia aofia ai manaʻoga ma tulaga o tagata uma o le aiga. E ao ona toe iloilo lau faasologa mai lea taimi i lea taimi, ma fai ni fetuutuunaʻiga pe a manaʻomia.

[Siata i le itulau 3]

Faasologa Faataʻitaʻi a le Aiga

Taeao Aoauli Afiafi

Aso Sa Mau o le Aso

Lauga o le Lautele ma le

Suʻesuʻega o le Olomatamata

Aso Gafua Mau o le Aso Suʻesuʻega a le Aiga

Aso Lua Mau o le Aso Suʻesuʻega Tautusi a

le Faapotopotoga

Aso Lulu Mau o le Aso

Aso Tofi Mau o le Aso Aʻoga o le Faiva

Faatiokarate

Sauniga o le

Auaunaga

Aso Faraile Mau o le Aso

Aso Toonai Mau o le Aso

Auaunaga i le Fanua

a le Aiga

(Aso o Mekasini)

[Siata i le itulau 6]

Faasologa a le Aiga

Taeao Aoauli Afiafi

Aso Sa

Aso Gafua

Aso Lua

Aso Lulu

Aso Tofi

Aso Faraile

Aso Toonai

.................................................................