Faasologa o le Sauniga o le Auaunaga

Vaiaso e Amata iā Iuni 13

Pese 68 (93)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo. Faaaogā fautuaga i le itulau e 6 (pe a talafeagai ma la outou oganuu) e faataʻitaʻi ai le auala e ofo ai le Olomatamata o Iuni 1 ma le Awake! o Iuni 8. E mafai ona faaaogā nisi taulimaga talafeagai. I se tasi o taulimaga, ia faataʻitaʻi le auala e ofo ai mekasini i ni tulaga e leʻi fuafuaina.

15 minu: Fesoasoani i Isi ia Avea ma Tagata Talaʻi e Leʻi Papatisoina. Lauga ma se talanoaga ma le aofia e faia e se toeaina e faavae i le tusi Ua Faamaopoopo Ina ia Faia le Finagalo o Ieova, itulau 79-81. Talanoa le fuafuaga mo le iloiloina po ua ausia e se tagata aʻoga o le Tusi Paia manaʻoga faale-Tusi Paia ina ia auai i le auaunaga i le fanua faatasi ma le faapotopotoga. O le a tatou talanoaina i le vaiaso e sosoo ai, le auala tatou te toleniina ai tagata aʻoga o le Tusi Paia ina ia agavaa e avea o se tagata talaʻi e leʻi papatisoina, ma amata loa ona auai i le faiva mai lea fale i lea fale.

20 minu: “E Fesoasoani le Talaʻiga iā i Tatou e Tumau Ai.”a Valaaulia le aofia e fai mai ni manatu i mau sii o loo iai pe a lava le taimi.

Pese 79 (130) ma le tatalo faaiʻu.

Vaiaso e Amata iā Iuni 20

Pese 96 (204)

10 minu: Faasilasilaga a le faapotopotoga.

15 minu: O Loo Ola le Afioga a le Atua. (Epe. 4:12) Lauga e faavae i le Olomatamata, o Novema 15, 2003, itulau 11, palakalafa 13-17. Ia taʻua ni mea na tutupu e faaalia ai le auala ua uunaʻia ai e aʻoaʻoga a le Tusi Paia tagata e fai ni suiga i o latou olaga. (w00-SM 1/1 itu. 3-5) Faalaeiau tagata uma e faaaogā lelei le Tusi Paia i vala uma o le faiva.

20 minu: “Faia o Suʻesuʻega Faale-Tusi Paia e Agaʻigaʻi i Luma—Vaega 10.”b Ia faaaofia ai ma se faataʻitaʻiga o se taulimaga o loo faataʻitaʻi ona fai. A o faataʻitaʻi e le tagata aʻoga le taulimaga, e avea le faiaʻoga ma tagata o le aiga na te faia mai ni teteega e masani ai tagata o le oganuu, ma afai e lē o mautinoa e le tagata aʻoga le tala e fai atu, ona faamatala lea o le auala e taulimaina ai. E lē gata i lea, ia muaʻi fuafua mo se tagata se toʻatasi pe toʻalua e faamatala mai le toleniga ua latou maua ina ua latou amata ona auai i le faiva i lea fale i lea fale.

Pese 55 (72) ma le tatalo faaiʻu.

Vaiaso e Amata iā Iuni 27

Pese 73 (113)

10 minu: Faasilasilaga a le faapotopotoga. Faamanatu i le ʻautalaʻi e tuuina mai a latou lipoti mo le masina o Iuni. Faitau le tala o le tupe ma tusi na faafetai mai ai i foaʻi na auina atu. I le faaaogāina o fautuaga i le itulau e 6 (pe a talafeagai ma la outou oganuu), faataʻitaʻi le auala e ofo ai a lē o le Olomatamata o Iuni 15, o le Awake! o Iuni 22. E mafai ona faaaogā se isi taulimaga talafeagai. Pe a uma le faataʻitaʻiga, ia toe taʻua uluaʻi faamatalaga ia na faaaogā na faaosofia ai le fiafia o le tagata o le aiga.

15 minu: Manaʻoga o le faapotopotoga.

20 minu: Ofoina o Polosiua iā Iulai ma Aokuso. Lauga ma se talanoaga ma le aofia e faavae i le faaopoopoga o le faiva. Ia faamatala puupuu le auala e faaaogā ai le faaopoopoga, ia faamatilatila le pusa i le itulau e 3 faapea ma manatu autū mai La Tatou Faiva o le Malo, o Ianuari 2005 itulau e 8. Talanoa i fautuaga e talafeagai ma le oganuu a le faapotopotoga mo le ofoina o polosiua i lau uluaʻi asiasiga. Ia faataʻitaʻi ni taulimaga se lua pe tolu. Ia faaalia mai se tagata talaʻi talavou i se tasi o faataʻitaʻiga.

Pese 27 (32) ma le tatalo faaiʻu.

Vaiaso e Amata iā Iulai 4

Pese 53 (70)

10 minu: Faasilasilaga a le faapotopotoga.

15 minu: Po o E Maua Aogā Mai le Faasologa a le Aiga? Toe autalu fautuaga i le faaopoopoga o La Tatou Faiva o le Malo o Me 2005, ma valaaulia le aofia e faamatala mai taumafaiga na latou faia, e faatatau ai fautuaga faapea ma aogā na latou maua i le faia faapea.

20 minu: “Molimau Atu ma le Uigā i Nofoaga Faitele.”c Fai ni faatatauga i le oganuu a le faapotopotoga.

Pese 76 (120) ma le tatalo faaiʻu.

[Faaopoopoga i lalo]