Ia Teu Lelei
Taulimaga ua Fautuaina mo Polosiua
O fautuaga eseese ua saunia i lenei faaopoopoga e fesoasoani iā te oe e sauniuni ai taulimaga mo le ofoina o polosiua. E mafai ona fetuunaʻi ia talafeagai ma tulaga o tagata i le oganuu. E mafai foʻi ona faaaogā isi taulimaga. O taulimaga mo polosiua e lē o talanoaina i le faaopoopoga lenei, e mafai ona saunia e ala i le faaaogā o taulimaga o loo fautuaina i inei e faataʻitaʻi i ai.—Tagaʻi i La Tatou Faiva o le Malo o Ianuari 2005, itu. 8.
O fautuaga o loo i le itulau lenei e aofia ai (1) se fesili faaoso naunau i le amataga o le talanoaga, (2) se manatu e faasino i ai lea e iai ni manatu e talanoa i ai i le polosiua, ma (3) se mau talafeagai e mafai ona faitau i le taimi o le talanoaga. E mafai ona faauma e oe le isi vaega o le taulimaga i au lava upu, e fua i le tali mai a le tagata.
Ia Faaauau Ona Mataala!
“Ua toʻatele tagata ua popole i faafitauli ma mea mataʻutia o loo tutupu i aso nei. Pe e te silafia o na mea o se faailoga lea e iloa ai ua toeitiiti ona pulea lea e le Atua le lalolagi?” Suʻe i le itulau e 6-7 ma faitau se mau talafeagai e pei o le Mata. 24:1-8; Luka 21:10,11; po o le 2 Timo. 3:1-5.
O le ā e Manaomia e le Atua Mai ia i Tatou?
“I le anoanoaʻi o faafitauli i le olaga faaleaiga i aso nei, po o e tau mānatu ea po o le ā se auala e maua ai le fiafia i le aiga?” Suʻe i le lesona e 8 ma faasino i ai nisi mau o le Tusi Paia o loo aumaia ai taʻiala mo tagata taʻitoʻatasi o le aiga.
O le Malo O le a na Aumaia Le Parataiso
“E toʻatele tagata o loo faanaunau mo se vaifofō i faafitauli ua tatou fesagaʻia i aso nei. Pe e te manatu ea o le a iai se malo e foʻia nei faafitauli?”—itu. 3, pala. 1; Mata. 6:9, 10.
Olioli i Le Ola i Le Lalolagi e Faavavau!
“E toʻatele tagata e manatu e ao ona latou ō i le lagi ina ia fiafia ai i le ola e faavavau, ae peitaʻi o le ā sou manatu i le ola e faavavau i le lalolagi?”—Ata i le faavaa; Faaa. 21:4.
Pe a Maliu se Tasi e Pele iā te Oe
“O loo matou faailoa atu i le asō le polosiua lenei ua aumaia ai se faamāfanafanaga ma se faamoemoe i le faitau miliona o tagata ua maliliu nisi o latou aiga. Pe na e taumānatu ea po o le ā se faamoemoe mo ē pele ua maliliu?”—itu. 27, pala. 3; Ioa. 5:28, 29.
“Pe na e taumānatu pe faapefea ona e faamāfanafana atu i se tasi ua maliu sē e pele iā te ia?”—itu. 20, pala. 1; Faata. 17:17.
“Pe a maliliu ē e pele iā i tatou, o se tulaga masani le taumānatu po o fea o iai, ma pe e tatou te toe vaai iā i latou. Pe sa iai se taimi na e taumānatu ai i fesili faapena?”—Iopu 14:14, 15.
Pe Ao ona E Talitonu i le Tolutasi?
“E eseese manatu o tagata e faatatau i le tulaga moni lava o le Atua. Pe e te manatu ea e tāua mea o loo tatou talitonu i ai?”—itu. 3, pala. 3, 7-8; Ioa. 17:3.