Le Tala e Fai Atu e Uiga i Mekasini

Le Olomatamata Tese. 1

“E toʻatele tagata a faalogo i le upu “Amaketo” e latou te mafaufau i ai o se faaumatiaga tele lava. [Faaali le pusa i le itulau e 3.] Pe e faateʻia oe i le iloa faapea o Amaketo o se tasi o mea e sili ona lelei e tatou te faanaunau i ai? [Faatali mo se tali.] O loo faamatalaina i le mekasini lenei le māfuaaga.” Faitau le 2 Peteru 3:13.

Ala Mai! Oke.-Tese.

“Ua loa ona taumafai malo e foʻia le faafitauli o le fiaʻai i atunuu matitiva. Pe e te manatu o le a iai se taimi e soifua ai tagata e aunoa ma le fiaʻaʻai? [Faatali mo se tali. Faitau le Salamo 145:15, 16] O loo faamatalaina i le mekasini lenei le māfuaaga ua lē taulau ai tagata i le foʻiaina o lenei faafitauli, faapea ai ma le vaifofō moni, ma Lē o le a na aumaia.”

Itu. 12-13.

Le Olomatamata Tese. 15

“E toʻatele tagata ua popole i le auala ua avea ai le vaitaimi o aso mālōlō ma vaitaimi o saʻiliga tupe. Pe e te manatu ea ua mou atu le fuafuaga na iai o aso mālōlō? [Faatali mo se tali.] O loo iloiloina i le mekasini lenei le auala ua suia ai tū ma aga o vaitaimi o aso mālōlō a o faagasolo taimi. O loo talanoaina ai foʻi le auala e tatou te āva moni ai lava i le Atua ma Keriso.” Faitau le Ioane 17:3.

Ala Mai! Oke.-Tese.

“I aso nei, ua faatāuaina tele le faia o faamalositino mo le mauaina o le malosi o le tino ma le mafaufau. O le ā sou taofi, o ai e tatau ona faia ni faamalositino? [Faatali mo se tali. Faitau le Salamo 139:14.] O loo talanoaina i le mekasini lenei ituaiga eseese o faamalositino ma o latou aogā, faapea ma se vaaiga saʻo e ao ona iai i faamalositino ma o tatou tino.”