Le Tala e Fai Atu e Uiga i Mekasini

Le Olomatamata Tese. 1

“I aso nei, e toetoe lava o tagata uma ua iloa le tulaga faigatā ua iai le tamaoaiga. E faapena foʻi i lotu, ma ua talosaga atu ai pea lava pea mo ni tupe. Pe e faateʻia ai oe i lenā mea? [Tuu le avanoa mo se tali. Ona faitau lea o le 1 Tesalonia 2:9.] O loo talanoaina i Le Olomatamata lenei le mea o fai mai ai le Tusi Paia e uiga i lenei mataupu.”

Awake! Tese. 8

“Ona o faamataʻuga mai tagata faatupu faalavelave, ua toʻatele ai tagata ua tau mānatu pe faamata o saogalemu le malaga atu i vaalele. Po o faapopoleina oe i lenei mea? [Tuu le avanoa mo se tali.] Ua faailoa mai e le Tusi Paia e faapea, e leai se tasi e mafai ona sao mai faalavelave. [Faitau Failauga 9:11.] Ae peitaʻi, ua talanoaina i le lomiga lenei o le Awake! le auala e mafai ona lagona ai le saogalemu pe a e faimalaga i se vaalele.”

Le Olomatamata Tese. 15

“O le taimi lenei o le tausaga e mafaufau ai le toʻatele o tagata i le fanau mai o Iesu. Pe e te silafia e iai mea aogā e mafai ona tatou aʻoaʻoina mai tala o le Tusi Paia e uiga i lona fanau mai? [Tuu le avanoa mo se tali. Ona faasino lea i le itulau e 5, ma faitau le 2 Timoteo 3:16.] O le lomiga lenei o Le Olomatamata o loo talanoaina ai nisi o nei mea aogā e aʻoaʻoina ai.”

Awake! Tese. 22

“Pe e te manatu e iai se mafuaaga e ao ai i mātua ona manatu mamafa pe faapefea i faafiafiaga sauā i aso nei ona aafia ai a latou fanau? [Tuu le avanoa mo se tali.] E toʻatele mātua latou te faaaogāina le fuaiupu lenei o le Tusi Paia e avea o se taʻiala. [Faitau Salamo 115:5.] O le lomiga lenei o le Awake! o loo fesoasoani i aiga ina ia tilofaʻia lamatiaga o taaloga e faaaogā ai le komepiuta po o le T.V.”