Le Tala e Fai Atu e Uiga i Mekasini

Le Olomatamata Mati 1

“E toʻatele tagata i aso nei o loo faapea mai o i latou o Kerisiano ae e lē o ola e tusa ai ma aʻoaʻoga a Keriso. Pe e te ioe i lenā manatu? [Faatali mo se tali. Faitau le Mataio 7:15-20] O loo faamatalaina i le mataupu lenei nisi o vala e tatou te iloa ai Kerisiano moni i aso nei.”

Ala Mai! Ianu.-Mati

“Ua loa ona moomoo le toʻatele o tagata e fia soifua i se soifuaga filemu, e aunoa ma le popole po o ni mea e faamataʻuina ai. O le ā sou taofi, faamata e mafai ona tupu moni lenā mea? [Faatali mo se tali. Faitau le Isaia 48:17, 18; Isaia 11:9] O loo talanoaina i le lomiga lenei le māfuaaga e ao ai ona tuu atu ma le mautinoa o tatou faamoemoega o le a faataunuuina e le Atua na moomooga.” Itu. 23-24.

Le Olomatamata Mati 15

“O le maliu o sē e pele i le aiga po o se uō mamae, o se mea e aupito sili ona faavauvau ai e tupu i le olaga o se tasi. Ae o le ā sou taofi, pe e iai ea se taimi e tatou te toe feiloaʻi ai ma ē pele ua maliliu? [Faatali mo se tali. Faitau le Ioane 5:21, 28, 29; Galuega 24:15.] O loo talanoaina i le mekasini lenei mea o le a faia e le Atua e faataunuuina ai lea faamoemoe tāua.”

Ala Mai! Ianu.-Mati

“I nei aso ua alualu i luma le poto maoaʻe faaonapōnei, ua faigofie lava ona faia fesootaʻiga i luga o le Initineti. O le ā sou taofi, faamata o ā ni lamatiaga o loo e silafia e tatou te ono faaeteete i ai i le faaaogāina o lenei auala o fesootaʻiga? [Faatali mo se tali. Faitau le Kalatia 6:7, 8] O loo talanoaina i le mataupu lenei lamatiaga eseese i le faaaogāina o fesootaʻiga i le Initineti, faapea foʻi ma mea e ao ona faaeteete mai ai.”