Faasologa o le Sauniga o le Auaunaga

Vaiaso e Amata iā Aokuso 14

Pese 33 (39)

15 minu: Faasilasilaga a le faapotopotoga. Ia talanoa le “Polokalame Fou o le Aso Faapitoa o Fonotaga.” Ia faasilasila le aso o le isi aso faapitoa o fonotaga pe afai ua iloa. I le faaaogāina o fautuaga o loo i le itulau e 4 po o isi taulimaga e fetaui ma la outou oganuu, ia faataʻitaʻi le ofoina o le Olomatamata o Aokuso 1 ma le Ala Mai! o Iulai-Setema. I se tasi o nei faataʻitaʻiga, ia faaali le taulimaina o le manatu e ono taofia ai le talanoaga, “Ou te lē fiafia i Molimau a Ieova.”—Tagaʻi i le tamaʻitusi Le Auala e Amata ma Faaauau ai Talanoaga Faale-Tusi Paia, itu. 9-10.

15 minu: “Agaʻigaʻi i Luma Faaleagaga o se Aiga.”a

15 minu: Uō i le Aʻoga—E Faapefea Ona Iloa ua Ova le Māfana? Lauga ma se talanoaga ma le aofia e faavae i le itulau e 28-30, o le Ala Mai! o Iulai-Setema. Ia valaaulia ē o loo i le aofia na tausia aʻe i aiga Kerisiano, e fai mai ni manatu i le auala na saunia ai i latou e o latou mātua e fesagaʻia luʻi ma faatatauina taʻiala o le Tusi Paia i aʻoga. Ia muaʻi faatulaga se manatu se tasi pe lua.

Pese 89 (164) ma le tatalo faaiʻu.

Vaiaso e Amata iā Aokuso 21

Pese 48 (63)

10 minu: Faasilasilaga a le faapotopotoga ma Faasilasilaga e fili mai i La Tatou Faiva o le Malo. Ia talanoa le “Polokalame Fou o le Fonotaga Matagaluega,” ma faasilasila le aso o le isi fonotaga matagaluega pe afai ua iloa.

15 minu: Aogā e Maua Mai le Suʻesuʻega o le Olomatamata ma le Sauniga mo le Lautele. Lauga ma se talanoaga ma le aofia e faavae i le tusi, Ua Faamaopoopo Ina ia Faia le Finagalo o Ieova, itulau e 59 e oo i le tamaʻi ulutala i le itulau 65.

20 minu: Fuafua Nei Loa e Paeonia Lagolago! Lauga ma se talanoaga ma le aofia. Ia faalaeiau e faatū se sini o le paeonia lagolago a lē itiiti mai e tasi le masina, i le tausaga fou faaleauaunaga. (1 Kori. 9:26) E ono filifili e nisi se masina o se tauiviga faapitoa, po o se masina e iai se aso mālōlō pe sili atu foʻi ma le fā ni faaiʻuga o le vaiaso. Fesili i le aofia: “Na faapefea ona outou foʻia luʻi i le taimi ua teʻa ina ia paeonia lagolago ai? O ā ni faamanuiaga na maua mai le paeonia lagolago? Afai o loo iai lou faanaunauga ae e te lē o mautinoa, aiseā e ao ai ona avea o se mataupu e tatalo ai? (Galu. 4:29; 2 Kori. 4:7; Iako. 1:5) Aiseā e tāua ai le talanoaina o lenei mataupu ma lou aiga ma isi i le faapotopotoga, aemaise lava ē o loo tutusa o outou tulaga? (Faata. 15:22) O afea o loo e fuafua e paeonia lagolago ai?”

Pese 96 (204) ma le tatalo faaiʻu.

Vaiaso e Amata iā Aokuso 28

Pese 15 (17)

10 minu: Faasilasilaga a le faapotopotoga. Faitau le tala o le tupe ma faafetai na auina mai mo foaʻi na auina atu. Faamanatu i le ʻautalaʻi e tuuina mai a latou lipoti o le auaunaga o Aokuso. I le faaaogāina o taulimaga o loo i le itulau e 4 po o isi taulimaga e fetaui ma la outou oganuu, ia faataʻitaʻi le ofoina o le Olomatamata o Aokuso 15 po o le Ala Mai! o Iulai-Setema, a o faia se toe asiga i se ala mekasini.

15 minu: Ia Avea Oe o Sē e Faamāfanafana Atu. (Roma 1:11, 12) Lauga ma le talanoaga ma le aofia. Ia taʻua le aofaʻi o paeonia sauatoa i le faapotopotoga. Faamatilatila auala e tatou te faalaeiau ai i latou, e pei o le faamālō atu, talanoa i aogā o le paeonia, galulue ma i latou i le talaʻiga, valaaulia i se taumafataga, ma fesoasoani i tupe faaalu mo femalagaaʻiga. Ia valaaulia paeonia sauatoa e fai ni manatu i le auala na faalaeiau ai i latou e isi. Afai e leai ni paeonia sauatoa i le faapotopotoga, ia talanoa i le auala tatou te faalaeiau ai ē o loo paeonia lagolago.

20 minu: Pe Mafai Ona E Amata se Suʻesuʻega Faale-Tusi Paia iā Setema? Lauga ma ni faataʻitaʻiga. O le a tatou faia se tauiviga faapitoa iā Setema e amata ni suʻesuʻega faale-Tusi Paia i le uluaʻi asiasiga, e faaaogā ai le tusi Aʻoaʻoga a le Tusi Paia. O lona uiga, o le taimi lava e tatou te tuu ai le tusi, ia taumafai e talanoa ni nai palakalafa ma le tagata o le aiga. Ia fai ni faataʻitaʻiga se lua e faaaogā ai ni mataupu e talafeagai i le oganuu. I taulimaga taʻitasi, ia faia ni fuafuaga maʻoti e toe asi ma faaauau le talanoaga.

Pese 32 (37) ma le tatalo faaiʻu.

Vaiaso e Amata iā Setema 4

Pese 90 (169)

10 minu: Faasilasilaga a le faapotopotoga.

15 minu: Manaʻoga o le faapotopotoga.

20 minu: “Ia Faaalia le Naunau Moni i Isi—E Ala i le Talaʻi ma le Lē Manatu Faapito.”b Pe a talanoaina le Roma 1:14 e uiga i tagata “nuu ese” i le palakalafa e 2, ia faaaofia ai ma ni manatu pupuu o le Insight, Tusi 1, itulau 255, i le uluaʻi palakalafa o le mataupu “Barbarian” (“nuu ese”). Pe a uma ona talanoa le palakalafa e 3, ia toe autalu laasaga e tolu o loo faamatilatila i le itulau e 2 o le tamaʻi tusi, Good News for People of All Nations, ma faataʻitaʻi le faaaogāina o le tamaʻi tusi i tagata i la outou oganuu e tautatala i se isi gagana.

Pese 99 (222) ma le tatalo faaiʻu.

[Faaopoopoga i lalo]