Le Tala e Fai Atu e Uiga i Mekasini

Le Olomatamata Sete. 15

Ia taʻua se tala fou o loo faapopolegia ai tagata. Ona fesili atu lea, “Pe e te manatu o loo faamatalaina moni e lenei fuaiupu o le Tusi Paia taimi nei o loo tatou ola ai? [Faitau le 2 Timoteo 3:1, ma faatali mo se tali.] O loo iloiloina i le mataupu lenei, mea moni e iloa ai o loo tatou ola i aso e gata ai, ma faailoa mai ai foʻi mea e ao ona tatou fai.”

Ala Mai! Iulai-Sete.

“O le ā sou manatu, o ā nisi o māfuaaga ua taatele ai amioga lē mamā o loo faia i totonu o aʻoga? [Faatali mo se tali.] O se tasi lenei o māfuaaga ua faamaonia le telē o le taaʻiga i lenei faafitauli. [Faitau le 1 Korinito 15:33.] O loo faamatalaina i le mekasini lenei, auala e mafai ona ʻalofia ai lenei faafitauli.” Itu. 18-20.

Le Olomatamata Oke. 1

“Ua taumafai i latou e suʻesuʻeina olaga o meaola e tafiesea faamaʻi ma taumafai e faafualoa lo tatou soifua. Pe e te manatu o le a oo ina mafai ona tatou ola e faavavau? [Faatali mo se tali.] Seʻi mātau mai le māfuaaga e tatou te moomoo ai e fia ola umi. [Faitau le Failauga 3:11.] O loo faamatalaina e le mekasini lenei le māfuaaga ua foafoaina ai i tatou e le Atua ma le faanaunauga e fia ola e faavavau.”

Ala Mai! Oke.-Tese.

“I lo tatou soifuaga masani, e iai taimi e tulaʻi mai ai faafitauli e oo ai ina vevesi. O le ā sou manatu, faamata e aogā lo tatou faatupuina o le filemu pe a tulaʻi mai na tulaga? [Faatali mo se tali. Faitau le Mataio 5:5, 9.] O loo talanoaina i le mekasini lenei le tāua o lo tatou faatupuina o le filemu ma aogā tatou te maua i le faia faapea.” Itu. 29, 30.