Faasologa o le Sauniga o le Auaunaga

Vaiaso e Amata iā Me 14

Pese 51 (67)

10 minu: Faasilasilaga a le faapotopotoga. I le faaaogāina o taulimaga o loo i le itulau e 4 po o isi taulimaga e fetaui i la outou oganuu, ia faataʻitaʻi le ofoina o Le Olomatamata o Me 15 ma le Ala Mai! o Aperila-Iuni, 2007.

20 minu: Lagolagoina o Galuega o le Malo i Lou Lava Atunuu ma le Lalolagi Aoao. Lauga ma se talanoaga e fai ma le aofia e faavae mai le tusi, Ua Faamaopoopo Ina ia Faia le Finagalo o Ieova, mataupu e 12.

15 minu: “Na te Avatua le Malosi i Ē ua Vaivai.”a Pe a lava le taimi, ia valaaulia le aofia e fai mai ni o latou manatu i mau sii o loo iai.

Pese 1 (1) ma le tatalo faaiʻu.

Vaiaso e Amata iā Me 21

Pese 96 (204)

10 minu: Faasilasilaga a le faapotopotoga. Ia autalu le Pusa Fesili.

15 minu: Amata ni Suʻesuʻega Faale-Tusi Paia. O se lauga ma ni faataʻitaʻiga e faavae mai i La Tatou Faiva o le Malo o Ianuari 2006, itulau e 3. Ia fai ni faataʻitaʻiga eseese se tolu. Ia faataʻitaʻi lelei.

20 minu: “Pe E te Lagolagoina le Afioga a le Atua?”b Ia faaaofia ai ni manatu mai pusa o loo i le itulau 143-144 o le tusi o le Aʻoga o le Faiva.

Pese 67 (92) ma le tatalo faaiʻu.

Vaiaso e Amata iā Me 28

Pese 38 (46)

10 minu: Faasilasilaga a le faapotopotoga. Faitau atu le tala o le tupe ma tusi na faafetai mai ai mo foaʻi na auina atu. Ia faamanatu i le ʻautalaʻi e tuuina mai a latou lipoti o le auaunaga iā Me. I le faaaogāina o taulimaga o loo i le itulau e 4 po o isi taulimaga e fetaui i la outou oganuu, ia faataʻitaʻi le ofoina o Le Olomatamata o Iuni 1 ma le Ala Mai! o Aperila-Iuni, 2007.

20 minu: Ofoina o le Tusi o le Fiafia i le Aiga iā Iuni. Ia faamatilatila atu ni manatu talafeagai o loo iai i le tusi ma faataʻitaʻi le ofoina e ala i le faaaogā o ni faataʻitaʻiga e fetaui i la outou oganuu. Pe afai e lava le taimi, ia valaaulia le aofia e fai mai ni o latou manatu i iʻuga lelei o le faaaogāina o lenei lomiga, i tagata e masani ai po o tauaiga foʻi.

15 minu: Tala o Mea na Tutupu i le Fanua. Ia faamatala ni mea na tutupu sa olioli ai paeonia lagolago ma isi tagata talaʻi a o galulue mamafa e faateleina a latou galuega iā Mati, Aperila, ma Me. Ia taʻua foʻi ni tala o ni mea na tutupu a le ʻautalaʻi, o ē na toe asia tagata sa tuu ai lomiga, faatasi ma le sini ia amata se suʻesuʻega faale-Tusi Paia. E mafai ona toe faataʻitaʻi se mea mataʻina na tupu se tasi pe lua.

Pese 19 (21) ma le tatalo faaiʻu.

Vaiaso e Amata iā Iuni 4

Pese 71 (107)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

15 minu: Manaʻoga o le faapotopotoga.

20 minu: “Ia Aʻoaʻo Lau Fanau e Vivii iā Ieova.”c Pe a talanoaina le palakalafa e 4, ia faaaofia ai ma ni manatu o loo i le itulau e 5 o La Tatou Faiva o le Malo o Iulai 2005.

Pese 90 (169) ma le tatalo faaiʻu.

[Faaopoopoga i lalo]