Le Tala e Fai Atu e Uiga i Mekasini

Le Olomatamata Sete. 15

“O le ā sou manatu i lenei faamatalaga. [Faitau le Teuteronome 32:4.] Pe sa e taumānatu ea i le māfuaaga ua tele ai puapuaga, ma le amioleaga i le lalolagi pe afai o le Atua e ou le malosi uma lava toe faamasinotonu? [Faatali mo se tali.] O loo faamatala e le mekasini lenei le māfuaaga ua faataga ai pea e le Atua le amioleaga e faaauau.”

Ala Mai! Iulai-Sete.

“O le ā se auala e mafai ona e fesoasoani ai i lau tama? [Faatali mo se tali.] O se tasi lenei o auala sili, e mafai ona e fesoasoani ai iā te ia. [Faitau le Faataoto 13:20.] O le a e maua i lenei mekasini ni auala e fesoasoani ai i manaʻoga o lau tama.” Tagaʻi i le mataupu o loo i le itulau e 29-30.

Le Olomatamata Oke. 1

“Pe na iai se taimi na e faapea ane ai iā te oe lava, ‘⁠Maʻimau e, pe ana ese le auala na ou faia ai!’? [Faatali mo se tali.] Mātau le faamatalaga i inei i le māfuaaga e tatou te faia ai ni filifiliga e mulimuli ane faanoanoa ai. [Faitau le Ieremia 10:23.] O loo faamatala i le mekasini lenei le auala e aogā ai fautuaga a le Tusi Paia e fesoasoani iā i tatou e faia ni filifiliga lelei.”

Ala Mai! Oke-Tese.

“E lē pei o manu e pulea e lo latou natura na faia ai, e iai i tagata le tomai e filifili ai tapulaa e ola ai. O fea e te silafia e maua mai ai ni taʻiala maufaatuatuaina? [Faatali mo se tali. Faitau le Salamo 119:105.] O loo faamatala e lenei mekasini le silisili o taʻiala o loo maua i le Tusi Paia.”