Faasologa o le Sauniga o le Auaunaga

Vaiaso e Amata iā Fepuari 11

Pese 96 (204)

10 minu: Faasilasilaga a le faapotopotoga. I le faaaogāina o fautuaga o loo i le itulau e 8 po o isi taulimaga e fetaui i la outou oganuu, faataʻitaʻi le ofoina o Le Olomatamata o Fepuari 1 ma le Ala Mai! o Ianuari-Mati.

15 minu: Pe Mafai Ona E Auauna i Nofoaga o Loo Tele ai le Manaʻoga? Lauga ma se talanoaga ma le aofia e faavae i le Olomatamata o Iulai 15, 2003, itulau 20. Faaaofia ai ma manatu mai le tusi Faamaopoopo, itulau 111, palakalafa 1, e oo i le itulau 112, palakalafa 1. Ia faatalanoa puupuu se tasi sa siitia atu i se nofoaga o loo tele ai le manaʻoga. O ā ni luʻitau sa latou fetaiaʻi, ma na faapefea ona latou manumalo mai ai? O ā ni faamanuiaga ua latou olioli ai?

20 minu: Fesoasoani i Ē Fou ia Agaʻi i Luma o ni Faifeʻau. A māeʻa se faatomuaga e itiiti ifo i le minute, ia fai se talanoaga i fesili ma tali mai le Olomatamata o Tesema 1, 2005, itulau 31, ia faaaogā fesili mo le suʻesuʻega o loo i le mataupu. A māeʻa ona talanoaina le palakalafa e 18, ia fai se faataʻitaʻiga e faaalia ai se tagata o le aiga o loo tetee mai i se tagata talaʻi fou o loo galulue ma se tagata talaʻi ua iai le poto masani. E leʻi lelei le tali atu a le tagata talaʻi fou, ona faauma lea e le tagata o le aiga le talanoaga. Ina ua tuua le fale, e faamālō atu ma le māfana le tagata talaʻi ua iai le poto masani i le tagata talaʻi fou mo ana taumafaiga, ona faailoa atu lea i ai o le auala e mafai ona ia faaaogā ai le tusi Reasoning e tali atu ai i manatu e ono taofia ai le talanoaga i le lumanaʻi.

Pese 71 (107)

Vaiaso e Amata iā Fepuari 18

Pese 15 (17)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

10 minu: Manaʻoga o le faapotopotoga.

25 minu: “O le Faamaoniga o se Faatuatua Malosi!”a E tauaaoina e le ovasia o le auaunaga. Ia faaiʻu i le autalu o mea ua faataunuuina e le faapotopotoga i le tausaga faaleauaunaga ua teʻa.

Pese 75 (118)

Vaiaso e Amata iā Fepuari 25

Pese 60 (78)

10 minu: Faasilasilaga a le faapotopotoga. Faamanatu i le ʻautalaʻi e auina mai a latou lipoti mo le auaunaga iā Fepuari. Ia faitau le tala o le tupe ma tusi na faafetai mai ai mo foaʻi na auina atu. Faataʻitaʻi le auala e faaaogā ai le tusi valaau mo le faamanatuga e valaaulia ai se tagata o se aiga po o se tuaoi.

20 minu: “Ia Faamanatu le Faamanatuga ma le Lotofaafetai.”b Afai e lava le taimi, valaaulia le aofia e fai mai ni o latou manatu i mau faasino o loo iai.

15 minu: Ia Sauniuni e Ofo Mekasini Fou o Loo Iai i le Taimi Nei. Talanoaga ma le aofia. Pe a māeʻa se aotelega o le Olomatamata o Mati 1 ma le Ala Mai! o Ianuari-Mati fesili atu i le aofia po o ā mataupu e naunau i ai tagata i le oganuu ma le māfuaaga e naunau ai. Valaaulia le aofia e taʻu mai manatu patino i mataupu ua latou fuafua e faamatilatila. O ā fesili e ono lāgā e amata ai se talanoaga? O le ā se mau o i le mataupu e ono faitau? Ia faaaogā manatu e faatutū mai, e faataʻitaʻi ai le auala e ofo ai le Olomatamata o Mati 1 ma le Ala Mai! o Ianuari-Mati.

Pese 68 (93)

Vaiaso e Amata iā Mati 3

Pese 51 (67)

10 minu: Faasilasilaga a le faapotopotoga. Autalu manatu tāua mai le pusa “Mea ia Manatua mo le Faamanatuga.”

20 minu: Pe Mafai Ona E Amataina se Suʻesuʻega Faale-Tusi Paia iā Mati? Talanoaga ma le Aofia. A o faagasolo Mati o le a tatou ofoina ai le tusi Aʻoaʻoga a le Tusi Paia ma le faamoemoe ia amata ai ni suʻesuʻega faale-Tusi Paia. Autalu nisi o vala matilatila o le tusi. Talanoa i le auala e ono ofo atu ai pe a toe foʻi e asi se tasi sa faaalia le fiafia i le taimi na tatou tuua ai se tusi valaau mo le Faamanatuga, pe a toe foʻi i se tasi sa tuu ai ni mekasini, ma pe a ofo atu i le galuega talaʻi pe a mavae Mati 22. (Tagaʻi i le km 8/07 itu. 3; km 3/06 itu. 1, pala. 3; km 1/06 itu. 3-6.) Ia faataʻitaʻi se taulimaga se tasi pe lua foʻi.

15 minu: Faaaogā le Tusi Paia e Tali ai Fesili. Lauga ma se talanoaga ma le aofia e faavae i le tusi Aʻoga o le Faiva, itulau 143-144. Faaaofia ai se faataʻitaʻiga puupuu o se tagata talaʻi o loo fai mai i ai le fesili “Aiseā ua fai ai la outou Tusi Paia?” ona faaaogā lea o fautuaga i le itulau e 7 i le mataupu “A o Auai i le Galuega Talaʻi: Pe a Fesili Mai se Tagata—”e tali ai le fesili.

Pese 53 (70)

[Faaopoopoga i lalo]