Le Tala e Fai Atu e Uiga i Mekasini

Le Olomatamata Aoku. 1

“Pe e te ioe o le usitaia o le faatonuga lenei a Iesu o le a fiafia atili ai le aiga? [Faitau le Ioane 13:34. Faatali mo se tali.] O loo faaalia i lenei mataupu le auala e aogā ai aʻoaʻoga ma faaaʻoaʻoga a Iesu i sui taʻitasi o le aiga.” Faaali i ai le mataupu o loo i le itulau e 16-17.

Ala Mai! Iulai-Sete.

“O le ā sou taofi, e iai se afāina o le palauvale? [Faatali mo se tali.] Ua tele ina talia ma faaaogā e tagata le palauvale i a latou talanoaga i aso taʻitasi. Pe e te ioe i lenā manatu. [Faitau le Luka 6:45 ma faamatala.]” Faaali i ai le mataupu i le itulau e 23-25.

Le Olomatamata Sete. 1

“O le toʻatele o tagata e iloa fetalaiga a Iesu i le Mataio 6:9. [Faitau.] E ui i lea, e toʻatele e faigatā ona faalatalata atu i le Atua e pei o se Tamā. O le ā sou manatu, e faapefea ona faalatalata atu i le Atua? [Faatali mo se tali.] O loo iloilo e lenei mekasini ia uiga eseese o lo tatou Tamā o i le lagi, ma le auala e tatou te iloa moni ai o ia.”

Ala Mai! Iulai-Sete.

“Aiseā e faigatā ai ona talitonuina e mātua fanau? [Faatali mo se tali. Faitau le Eperu 13:18.] O loo talanoaina i lenei mekasini māfuaaga e lē talitonuina ai e mātua le fanau, ma le auala e mafai ona talitonuina ai le fanau.” Faaali i ai le mataupu o loo i le itulau e 27-29.