Faasologa o le Sauniga o le Auaunaga

Vaiaso e Amata iā Setema 8

Pese 96 (204)

10 minu: Faasilasilaga a le faapotopotoga. Faasilasilaga e fili mai i La Tatou Faiva o le Malo.

15 minu: Fesoasoani i Tagata Aʻoga o le Tusi Paia Ina ia Avea ma Faiaʻoga. Lauga e faavae i le Olomatamata o Ianuari 15, 2007, itulau e 29-30, palakalafa 14-20. Ia faaaofia ai se faataʻitaʻiga puupuu, o se tagata talaʻi o loo faamatala le auala e fai ai le lauga i le lautele ma le Suʻesuʻega o le Olomatamata i se tagata aʻoga fou o le Tusi Paia ma valaaulia o ia e auai mai.

20 minu: Feagai ai ma le Faailoga Tagata i la Tatou Talaʻiga. Lauga e faia e se toeaina, e faavae i faamatalaga mai a tatou lomiga i le auala e ono aafia ai la tatou talaʻiga ona o le faailoga tagata. Faamatala le auala e ono foʻia ai le faailoga tagata pe a tulaʻi mai. I nisi taimi e faalagolago i a tatou lava amio, e lē gata i le talaʻiga, ae atoa ai foʻi ma taimi o a tatou lava gaoioiga masani o le olaga, e telē se sao i le foʻia o le faailoga tagata i ē o mātau mai ma fetālaʻi ai o latou mafaufau agaʻi i le upu moni. E tāua tele la ona faaeteete i le auala tatou te tautatala ma amioaʻi ai i taimi uma. (1 Pete. 2:12; 3:1, 2) Ia faamatala atu ni mea tutupu i le faapotopotoga po o tusia foʻi i lomiga e faataʻitaʻia ai le auala e foʻia ai le faailoga tagata.

Pese 78 (127)

Vaiaso e Amata iā Setema 15

Pese 42 (52)

10 minu: Faasilasilaga a le faapotopotoga. Ia fesili i le aofia po o ā mataupu o mekasini fou latou te iloa e sili ona fiafia i ai tagata i le oganuu. Fesili i ai po o ā fesili ma mau na latou faaaogā e faatomua ai nei mataupu. Ia faataʻitaʻi le auala e ono ofo ai mekasini taʻitasi.

20 minu: Na Faapefea Mai la Tatou Auaunaga i le Tausaga na Teʻa Nei? Lauga ma se talanoaga ma le aofia e saunia e le ovasia o le auaunaga po o se toeaina agavaa. Autalu gaoioiga a le faapotopotoga i le talaʻiga i le tausaga faaleauaunaga ua teʻa, ia taulaʻi atu i mea lelei sa faataunuuina. Avatu se faamālō talafeagai. Ia muaʻi faatulaga se tagata talaʻi se toʻatasi pe toʻalua e faamatala ni mea na tutupu e faalaeiauina ai i le auaunaga. Ia taʻua se manatu se tasi pe lua mo le faapotopotoga e galulue e faaleleia i lenei tausaga, iloilo ni fautuaga aogā e faaleleia atili ai.

15 minu: E Faapefea Ona Ou Tali Atu i le Māfuaaga Ou te Lē Auai ai i Pese ma Tatalo a Lotu? Lauga e faavae i lomiga. Valaaulia le aofia e fai mai ni o latou sao i le auala na latou tali atu ai i le māfuaaga e lē auai ai i pese faalotu ma tatalo i aʻoga, i le galuega, ia po o se isi lava mea. E ono muaʻi faatulaga se manatu se tasi pe lua foʻi a o leʻi oo i le taimi o le lauga.

Pese 41 (51)

Vaiaso e Amata iā Setema 22

Pese 57 (75)

10 minu: Faasilasilaga a le faapotopotoga. Faitau le tala o le tupe ma tusi na faafetai mai ai mo foaʻi na auina atu. Talanoa i le tusi mai le Ofisa i Samoa, o loo i le itulau 1.

20 minu: E Iai se Taui mo Au Galuega. Lauga e faavae i le Olomatamata o Aperila 15, 2005, itulau e 28, palakalafa e 5, i le iʻuga o le itulau e 29. Ia faaaofia ai se faatalanoaga o se tagata talaʻi maelega se toʻatasi pe toʻalua e faatatau i le auala na saunia ai e Ieova mea faaletino na la manaʻomia faapena foʻi manaʻoga tau i faalogona.

15 minu: Pusa Fesili. Talanoaga ma le aofia. Faaaofia ai ma ni manatu mai le Olomatamata o Iuni 15, 2005, itulau e 20-22, palakalafa 10-16.

Pese 28 (33)

Vaiaso e Amata iā Setema 29

Pese 37 (45)

10 minu: Faasilasilaga a le faapotopotoga. Faamanatu i le ʻautalaʻi e fai a latou lipoti o le talaʻiga iā Setema. Ia muaʻi faatulaga se tagata talaʻi e toʻatasi pe toʻalua e faamatala se mea na tupu e faalaeiauina ai a o molimau atu lē fuafuaina e faatatau i le tauaofiaga itumalo, a o ave ni aso mālōlō, ia pe a o fai nisi gaoioiga.

15 minu: Manaʻoga o le faapotopotoga.

20 minu: “Tufatufaina o se Sāvali Faapitoa iā Oketopa 20–Novema 16!”aAfai ua maua sāvali i le taimi lea, tufa atu ia tofu tagata uma i le aofia ma se sāvali. Ia autalu puupuu le sāvali pe a talanoaina le palakalafa e 2. Pe a iloiloina le palakalafa e 4, faataʻitaʻi le auala e ono ofo ai le sāvali. Pe a talanoaina le palakalafa e 5, fai se faataʻitaʻiga e faaalia mai ai se tagata talaʻi o loo faaaogā le sāvali e amata ai se suʻesuʻega i le taimi o le toe asiga.

Pese 7 (9)

Vaiaso e Amata iā Oketopa 6

Pese 13 (15)

10 minu: Faasilasilaga a le faapotopotoga.

15 minu: Ia Sauniuni e Ofo le Olomatamata o Oketopa 1 ma le Ala Mai! o Oketopa–Tesema. Fai se aotelega puupuu o mekasini, ma fesili i le aofia po o fea mataupu e sili atu ona fiafia i ai tagata o le oganuu. O ā fesili ma ni mau e ono faaaogā e faatomua ai mataupu? Faataʻitaʻi le auala e ono faaaogā ai le taulimaga faataʻitaʻi o loo i La Tatou Faiva o le Malo. Ia faataʻitaʻi e se toeaina se taulimaga puupuu na ia saunia e faavae i se mataupu e talafeagai i le oganuu a le faapotopotoga.

20 minu: “Ia Aʻoaʻo Isi e Alolofa iā Ieova.”b A lava le taimi, valaaulia le aofia e fai mai ni manatu i mau o loo faasino mai.

Pese 77 (124)

[Faaopoopoga i lalo]