Le Tala e Fai Atu e Uiga i Mekasini

Le Olomatamata Nove. 1

“O le ā sou manatu, afai e faatatauina e tane ma avā le fautuaga lenei a le Tusi Paia, faamata e faamalosia ai le fusi o le faaipoipoga? [Faitau le Iopu 31:1. Ona faatali lea mo se tali.] O loo talanoaina i le mataupu lenei ia mataupu silisili o le Tusi Paia e mafai ona fesoasoani i ulugalii e tausisia ai a latou matafaioi i le faaipoipoga.” Ia faamatilatila le mataupu lea e amata i le itulau e 18.

Ala Mai! Oke.-Tese.

“Ua taatele faiga faataulāitu i aso nei, peitaʻi o le ā le silasila a le Atua i faiga faataulāitu? Pe e te manatu e iai se afāina o le aafia ai i faiga faataulāitu? [Faatali mo se tali. Ona faitau lea o le Teuteronome 18:10-12.] O loo talanoaina i le mataupu lenei le faamatalaga a le Tusi Paia e faatatau i le mataʻutia o faiga faataulāitu.” Ia faamatilatila le mataupu lea e amata i le itulau e 17.

Le Olomatamata Tese. 1

“O le taimi lenei o le tausaga e manatunatu ai le toʻatele o tagata iā Iesu. O le ā se taaʻiga a Iesu lava ia i lou soifuaga? [Faatali mo se tali.] O loo faalaeiauina i tatou e le Tusi Paia e mulimuli i le faaaʻoaʻoga a Iesu. [Faitau le 1 Peteru 2:21.] O le faia faapea e mafai ona avea ai i tatou ma tagata lelei, ma fiafia. O loo faamatala i le mekasini lenei le māfuaaga.”

Ala Mai! Oke.-Tese.

“E faitau afe talavou e pule i o latou ola i tausaga taʻitasi. O le ā sou finagalo aiseā ua faia ai e talavou lenei gaoioiga? [Faatali mo se tali.] Atonu pe ua manatu talavou e leai se tasi e malamalama ma popole atu i o latou faafitauli. Peitaʻi, ua saunia mai e le Tusi Paia le faamautinoaga faagaeeloto lenei.” [Faitau le 1 Peteru 5:7 ma faamatilatila le matapu i le itulau e 10.]